مشكلة في فتيس الفيكترا بي 2

**kar!m** · 31-08-2012 02:11 AM

السلام عليكم و رحمة الله

مش قلت لكم أنا جبت فيكترا عشان أحس بمشاكلكم .. أنا حصل عندي مشكلة في الفتيس .. مع اني ممشيتش ألف كيلو بالعربية دي .. الحمد لله .. قدر الله و ما شاء فعل.

وأنا راجع النهارده من القاهره للزقازيق .. و يمكن في نفس المكان اللي اتكسر فيه عامود الكامه في الكورسا أو بعده حاجه بسيطه .. لقيت العربيه مبتجيبش رابع .. العربية فيكترا بي 2 1600 أتوماتيك .. و لمبة الصيانه نورت .. و زرار ال s و التراكشن مش شغالين .. ركنت و بطلت و دورت تاني .. و لما وصلت لسرعة 80 نفس المشكلة .. الار بي ام بيعلى و العربية مبتنقلش .. و لما أقف و أطلع مبتطلعش على الأول .. زي ما بتكون بتطلع على التاني أو التالت.

المهم مشيت على 60 عشان الار بي ام ميعلاش و وصلت الحرفيين الساعه 10 بالليل كده ( من شويه يعني) .. و روحت لهيثم .. قال لي ممكن يكون سنسور ولا حاجه .. المهم كشف بجهاز التك 2 لقاه كاتب Gear ratio is incorrect .. قال لي كده عاوزه فتيس.

الحمد لله على كل شىء .. يمكن دي تالت مره أركب العربية المره دي .. عشان كنت بضبط الكورسا عشان أبيعها .. المهم قلت له عندك؟ .. قال لي عندي .. قلت له بكام؟ .. قال لي 2500 بالمصنعيه و الزيت و كل حاجه .. قلت له و حالته ايه؟ قال لي هفكهولك من على مكنة.

سألته لو أنا جبت الفتيس هتاخد كام؟ قال لي 350 جنيه مصنعيه .. غير تمن الزيت.

حاسبته على الكشف و مشيت من عنده و ركنت العربية في جراج و رجعت مواصلات القاهره .. عاوز أكشف عند حد تاني عشان أتأكد اني لازم أغير فتيس .. و لو كده عاوز أعرف سعر الفتيس الاستيراد كام .. و مين عنده حاجه كويسه.

و طبعا موضوع تضبيط العفشه كل سنه و انتم طيبين .. الحمد لله.

**Amr_650** · 31-08-2012 02:24 AM

معلش الحمد لله ,و روح عند عبدو فى الحرفيين خلية يكشفلك علية برضو , انا افتكر ان دى كان سعرو برضو و ضمان شهر .

**gomgom3** · 31-08-2012 07:43 AM

العربيه ديه نحس والله ياجدعان الي نحس العربيه ديه الميكانيكه وبتوع قطع الغيار عليك العوض غاتكل علي الله وهات فتيس بس نصيحه متبجش من بتوع اوبل حاجه اي حد متخصص في قطع غيار اوبل متبجش منه عشان بيبئا حرامي انت تجيب من واحد بيبع قطع غيار لكل العربيات ودول مالين الحرفيين عندك في شارع المرسيدس امشي فيه وطول مانت ماشي اسئل هتلاقي ناس بتوع اوبل وفولكس وبي ام كذا حاجه الناس ديه بتبيع
وربنا معاك

**احمد فهمى** · 31-08-2012 10:57 AM

معلش بس انا لى موقف مع هيثم فمش هينفع احكم عليه بس اطلع على صابر واكشف واسأل على سعر الفتيس عند هانى العايدى فى شارع مرسيدس وعند كام واحد فى السكه ومعلش خير بس ده كتن عيب فيها قبل ما تشتريها والبايع عارف عمل ايه المهم الحمد لله فى ميزان حسناتك ان شاء الله

**فادى محمد** · 31-08-2012 12:04 PM

وعليكم السلام ورحمه الله وبركاته
ازيك يا كيمو
الارور ده معناه ان الفتيس مش حاسس بالسرعه علشان يظبط الجير المناسب لها
في منتديات اوربيه كل اللي ظهرلهم gear ratio incorrect وبيناقشوا المشكله
ماكانش معناه ان الفتيس بايظ ولكن اما مستوي الزيت قليل وعاوز يتزود (ولو ماكنتش غيرته خالص قبل كده نزله كله وغيره بالفلتر) او المشكله في حساس (شيفت جير سنسور)
-اكشف تاتي وتالت وشوف الكلام ايه
-لو هتشتري فتيس اشتريه من تاجر مش من مركز صيانه وتفكه من علي نص تشوف حالته قدامك وممكن توصل نور التابلوه علشان تعرف النص ده عامل كام كيلو؟؟

**فادى محمد** · 31-08-2012 12:17 PM

شوف يا كيمو يمكن المشكله تتحل بتغيير سينسور الشيفت ده

**islambana** · 31-08-2012 05:22 PM

متابع
ياريت تطمنا علي الاخبار وربنا يعينك

-

-

-

الموضوع: مشكلة في فتيس الفيكترا بي 2

LinkBack

أدوات الموضوع

عرض

مشكلة في فتيس الفيكترا بي 2 - انشر الموضوع فى :

-

-

-

-

-

المواضيع المتشابهه

مشكلة فى الفيكترا سى

هل فتيس الفيكترا a سعة 1600 ليه طبة تنزل الزيت

سؤال بخصوص فتيس الفيكترا بي لو سمحتم ؟؟

فتيس الفيكترا سى الايزى ترونيك باظ

فتيس الفيكترا 1995 f16 و لا f18

الكلمات الدلالية لهذا الموضوع

المفضلات

المفضلات

ضوابط المشاركة