عرض للطباعة
المشكلة باختصار انه انا معايا عربية لانسر بومة مية الرديتير لونها غامق وفيها صدا ناس قالولي الرديتير يتفضى ويتغسل بمية نار ويتحطله مية خضرا وناس قالو خليها زي ما هي بس المهم انه مش ينقص طبعا شكل المية مش نضيف خالص على عربية موديل 2007
عايز اعرف افضل انواع لمية الرديتير لأن فيه مية خضرا وحمرا وفر تركيزات اختار ايه فيهم ؟؟
موبيل كويسيه بس غاليه جدا فى حدود 80 جنيه
وفيه الارخص ايديا الاسبانى ناس كتير بتقول كويسه
التركيز ميزدش عن 65% وميقلش عن 35%
مياه موبيل الخضراء وبس
يا باشا الاول لازم تحل مشكلة الصدا وبدل الفك ومية النار والكلام دا كله كان فى سائلى بيتحط مع الماية وبعد كدة بتغسل الردايتير تانى بميه عادة كل دا وهو مكانه من غير فك هسال على اسمه وسعره واقولك بعد كدة حط ميه خضرا حمرا الى يريحك بس الاول الصدا لازم ينضف
اعتقد الياباني مياه زرقاء
اوعا تحط مية نار طبعا
بتجيب سائل تنضيف دورة تبريد وتحطه ومن ثم تفضي الردياتير وتحط المياه الجديدة
موبيل كويسة او فيه ميا في شيل بتتباع بيكون تركيزها 50% بتحطها وتزودها مياه مقطرة
او ممكن تحط ايديا برده بس ايديا تركيزها تقريبا 5%
المصرح بيه لهيونداي مياه بتركيز من 35 - 65 % معرفش بالنسبة لميتسوبيشي ايه الاخبار !
عزيز ابتعد تماما عن مية النار..
الكلام ده مش صحيح بالمرة وله آثار جانبية هاتخليك في النهاية تغير الريداتير كله
دي كارثة طبعا ان المياه تكون فيها صدى ده بيبوظ الموتور وبيخليه كله صدى
وبيأثر بعد كده على دورة التبريد وممكن يبوظلك الريادتير بتاعك
وطبعا مفيش حاجه اسمها مياه نار المفترض ان في مواسير كاوتش !!
بتروح لاي بنزينة يعملك دورة تنضيف بينزلك كل المياه بالصدى كله وبعدين بيدخل سائل منظف
وبعدين بيدخل مياه تاني وتضيف جركن مياه خضرا ب25 جنيه وترجعله بعدها بشهر
ويعمل نفس الموضوع تاني بس المره دي يضيف المياه الخضرا وتنساها بقى
وموضوع التنظيف مش مكلف تقريبا 40 جنيه
والمياه الخضرا فيها حوارات كتير بس عن تجربة ضفت الجركن اللي بيقولوا اي كلام ده ب25 جنيه
واداءه كويس جدا المؤشر بيقف قبل النص مياه الرياديتر مش بقت تنقص زي الاول
ولو مش عايز موضوع المياه الخضرا دي يبقى تضيف مياه عادية وكل فترة لازم تعمل غسيل
لانها بتسبب الصدى اما المياه الخضرا ميزتها انه مش بتصدي وبتغلي عند 140 مش 100
فيه ماسوره تبريد بتتاكل وهيه اللي عامله الصدا. لازم تغيرها قبل تغيير الميه والا الماسوره هتتخرم وانت ماشي وتسرب الميه والعربيه تسخن ولو مخدتش بالك ان الحراره عليت هتجيب وش سلندر. متستهونش بالموضوع واعرف سبب الصدا وعالجه قب ما تزيل أثاره.