مرور دبي تقبض على نيسان باترول إستخدم وقود الطائرات ليقود سيارته على سرعة 350 كم/س

**Android** · 31-08-2012 02:03 PM

قامت شرطة دبي بالقبض على صاحب سيارة نيسان باترول كان يقود السيارة ليلا بسرعه وصلت ل 350 ك/س.
حيث وجدت بعد القبض عليه انه تم التعديل على السيارة وتزويدها بتانك يحمل وقود طائرات تم وضعه مكان الكنبه الخلفيه للسائق وتعديل على السيارة لتصبح ملائمة للسير بهذه السرعه .
ووجهت اليه العديد من التهم منها السير بسرعه جنونية وتعريض الاخرين للخطر والتعديل على السيارة والشاصيه وجعلها غير مطابقه للسير في المدن العامة .
مع العلم ان تكلفه الوقود المستخدم وصلت ل 250.000 درهم اماراتي والمعروف ان وقود الطائرات سرعه اشتعاله كبيرة جدا مما يعطي افضل واقوي اداء, ولكن غير مخصص للسيارات لعدم تحملها قوة الاحتراق والطاقه الناتجه عنه.
وجاري القبض على صاحب الجراج الذي قام بتزويده بهذه الاشياء.

محدش يعرف مكان نشتري منه شويه وقود طائرات نحطه مع تفويله 90 ونتفرج على الاداء

**mostafa_eg** · 31-08-2012 02:55 PM

يا باشا هنا احنا بندور على حل يخلى العربيات الجديدة ينفع يتحطلها بنزين 80 علشان نوفر المصريين بيدفعوا تمن البنزين بالعافية بنزين طيارات اية الى يدورا عليه

**ACC.Eslam Arif** · 31-08-2012 04:09 PM

مع العلم ان تكلفه الوقود المستخدم وصلت ل 250.000 درهم اماراتي

الرقم ده صح ؟؟

**lanos2004** · 31-08-2012 04:39 PM

المشاركة الأصلية كتبت بواسطة _loma_

مع العلم ان تكلفه الوقود المستخدم وصلت ل 250.000 درهم اماراتي

الرقم ده صح ؟؟

الرقم دة يوصل الطيارة من القاهرة الى نيويورك------------اى كلام وتلاقيه كان ماشى بسرعه 35 كيلو فى الساعه---اخبار عديمه القيمه نظرا لعدم المصداقيه
ولما يتم القبض على صاحب الجراج هتلاقيه كان شارب طن وقود طيارات

**mr_vampire** · 31-08-2012 04:54 PM

- مادام واحد خليجي يبقي اصدق اي خبر واي مبلغ ... لاني بشوف بعيني حاجات بتتعمل فوق الخيال وقمة فالاستهتار وقمة فاللامبالاة .... زي مثلا واحد معاه بورش لسة باكياسها وبيخمس حولين صينية قام راشق في عمود .... نازل بيضحك وعادي جدا فالوقت اللي انتا هتعيط علي منظر العربية ... وواحد بيمشي علي عجلتين بعربية برادو فاتقلبت ...

وعلي راي الشاعر (((( اللي معاه قرش محيره يجيب حمام ويطيره ))))..

**naser_56** · 31-08-2012 11:45 PM

الكلام ده مبالغ فيه جدا وليه يحط وقود طائرات وفيه بديل متوفر وهو النايترو السائل لو حط نصف لتر علي التفويله كافي جدا وبعدين هو وقود الطائرات ده مثلا متوفر في محطات البنزين ولا في الجراج ذي ما كاتبين في الخبر ؟؟؟؟؟

**Android** · 01-09-2012 12:07 AM

المشاركة الأصلية كتبت بواسطة android

قامت شرطة دبي بالقبض على صاحب سيارة نيسان باترول كان يقود السيارة ليلا بسرعه وصلت ل 350 ك/س.
حيث وجدت بعد القبض عليه انه تم التعديل على السيارة وتزويدها بتانك يحمل وقود طائرات تم وضعه مكان الكنبه الخلفيه للسائق وتعديل على السيارة لتصبح ملائمة للسير بهذه السرعه .
ووجهت اليه العديد من التهم منها السير بسرعه جنونية وتعريض الاخرين للخطر والتعديل على السيارة والشاصيه وجعلها غير مطابقه للسير في المدن العامة .
ان السائق قام بتزويد سيارته بإضافات تزيد تكلفتها عن 250.000 درهم اماراتي والمعروف ان وقود الطائرات سرعه اشتعاله كبيرة جدا مما يعطي افضل واقوي اداء, ولكن غير مخصص للسيارات لعدم تحملها قوة الاحتراق والطاقه الناتجه عنه.
وجاري القبض على صاحب الجراج الذي قام بتزويده بهذه الاشياء.

محدش يعرف مكان نشتري منه شويه وقود طائرات نحطه مع تفويله 90 ونتفرج على الاداء :copy of m-s5:

اعتذر عن الخطا حيث القيمة كانت قيمة كل الاضافات التى وضعف بالسيارة وتعديلها وليست قيمة الوقود فقط

**عقاري الصوابر** · 01-09-2012 12:48 AM

ده خبر وكاتبته صحيفه أنته زعلان وبتقول مش مصدق ياعم إللي بيكدب بيكدب علي نفسه يحط بنزين غاز إن شاء الله يحط مية نار وماشي بتقول 35ك أمال إيه رأيك إللي بيقول بيمشي في اللانوس 225 ك علي طريق النطرون ده تقول إيه طبعا أنا مش مصدق بس هتقول إيهوالتاني بيقولك بيمشي علي الدائري 180 ك هو المكان إللي بيتكلموا عن هذه الشوارع ليه إحنا مش عايشين معاهم ولا إيه ياعم أسمع من هنا وطلع من الناحيه التانيه وأنتهي الموضوع

**عقاري الصوابر** · 01-09-2012 12:55 AM

أستاذ / ناصر أي حاجه في الإمارات صدقها لأنهم عندهم مصداقيه في هذه الحاجات وبالذات العربيات ده لسه إماراتي عامل عربيه زي إللي بنتكلم عنها جيب الباترول 6 عجل كاوتش بس شوفها علي الفيديو تيب وقولي إيه رأيك عندهم أمكانيات فظيعه جدا وبيشتغلوا في العربيات بشكل فظيع وأسأل عن الأكسسوارات العربيات عندهم حاجه فظيعه وإلا أجهزة الرادار إللي بيركبوها للعربيات وجهاز جديد نازل عندهم لإخفاء نمرة العربيه عن الكاميرا بتاعت المرور وحاجات تخليك تجنن وإلا السبيره ترش علي نمرة العربيه الكاميرا لاتقدر تخالفك لو كنت علي سرعه عاليه جدا

**Formulator** · 01-09-2012 02:44 AM

يا راااااااااااااااااااااااا جل؟؟!!!
بقى العربية فـ الموضوع اللى كان عامله كريم منير.. باترول؟؟؟!!
http://www.nilemotors.net/Nile/304828-400.html

هو الخبر صح، بس محدش قال ماركة العربية؟!!
- ده الواد محول العربية -مش معدلها- و aviation-fuel وحقن نيتروس NOx.. وجنان
بس باترول؟؟ هتستحمل المشى أصلا بالسرعات الـhyper دى؟!!!
(هو فعلا الإماراتيين -السعوديين بيعشقوا العربية دى).. بس للـOff-Roading والـHill-climb والتفحيط والكلام ده..؟!!
بس مش للسوبر Drag-Racing يعنى؟؟!!!
- تكونش دى الباترول البيضاء الشهيرة فـ الفيديو عـ اليوتيوب.. اللى بتطلع من الللامبو مورتشيالاجو؟؟؟!! دى متعدلة فوق الـ1000+ حصان!!

دماغاتهم فيها خروم ياعم؟!! ههههههههههههههههههه
بس الصراحة فـ الإمارات بالذات.. عاليين أوى فـ الـtuning، فلوس+إمكانيات وتيونرز أجانب.. بيعملوا أى حاجة تتخيلها!!

طب والراجل الـtuner اللى عمله project التعديل ذنبه أيه؟؟؟!!!!!!
يقبضوا عليه -هو ماله؟؟
هههههههههههههههههههههههه