حوار ساخن ومعلومات قيمة

اول امبارح كنت بسمع احدي محطات الراديو
وكانو مستضفين احدي الشخصيات العاملة في مجال السيارات وكان بيتكلم ان صناعة السيارات في مصر فاشلة وان اللي شغالين فيها عدد قليل وشايف انة الصح نلغي صناعة السيارات اصلا ونستورد ونلغي الجمارك علشان تبقي الاسعار كويسة والناس تركب عربيات نضيفة :)
وفجاءة دخل شخص بمكالمة تليفونية وهذا الشخص يعمل في مجال تغذية السيارات
وقالة اسمحلي اقولك انك لا تعرف شيء عن صناعة السيارات بمصر اصلا
انتو كل همكم تستوردوا وتبيعو مش مهم عندكم ان البلد مستواها يعلي
وقالة يا استاذ ياللي بتقول ان اللي شغالين في مجال السيارت قليلين جدا قالة يوجد في مصر 400 الف عامل في مصانع السيارات
وقالة الصناعة اللي مش عجباك احنا بنصنع دفاير الكهرباء لشركة فولجس فاجن وبنصدرلها في السنة ب 25 مليون يورو
لأن مصر هي اللي بتصنع كل دفاير الشركة دي ومش بتشتري من حد غير مصر :s1[1]:
وقالة كمان احنا بنصنع الطنابير لشركة مرسيدس او بي ام انا مش فاكر دي كويس
وطبعا قالة شوية حاجات تانية
وعرفة اننا نقدر نصنع عربية لكن في سياسة بتمنعنا من كده
حتي اللوجان لما راحو المغرب يعملو الصفقة بتاعتها كان المفروض المغرب تاخد مننا قطع صناعية ليها بس رشيد محمد رشيد هو اللي رفض
ومواضيع تانية كتير بس انا لفت نظري ان الصناعة في مصر عالية بس احنا اللي مش عارفين قيمة الصناعة كويس
يعني احنا كام واحد في منتدي سيارات ومين فينا كان يعرف ان مصر هي اللي بتصنع دفاير الكهرباء لفولكس فاجن ؟!!!

احنا شركتنا قامت من 3 سنين بانشاء مصنع اسمه فيركون fercon ده بيعمل ضفاير الكهرباء بتاعت مرسيدس و بى ام دبليو

الضفيرة الواحدة بتتباع ب 25 الف متوسط سعر على فكرة

وشكرا

واللي اعرفه

ان مصنع قنديل للصلب

بيورد الواح صلب التي تستخدم في صنع صاج العربيات المرسيدس في المانيا مش في مصر

وشكرا

جميل جدا و الله انا اول مره اسمع الكلام ده

طب مش ممكن علشان احنا بنستخدم بنصنع اسلاك نحاس بكر و الواح حديد بكر ؟؟; ,

طيب انتو عارفين ان كابوت ورفارف وشنطة اللانوس تصنيع مصري 100%

اسكندرية للمعادن بتصنع طنابير و مكونات دبرياج بتتصدر لانجلترا

يا جماعه صناعات الحديد والالومنيوم والاسمنت من أكتر الصناعات ضررا بالبيئه عشان كده بيسيبونا نعك فيها ونخدع نفسنا بأنه تفوق. يعنى مثلا أمريكا واوروبا عاجزين انهم يعملو مصنع حديد متطور؟ طب تفتكرو معدات وألات تصنيع الحديد محليه ولا مستورده؟ طب ان كانو قادرين يخترعو المكن يبقى ايه المانع ينتجو بيه؟

في حاجه كمان. احنا عندنا كام مصنع عربيات في مصر؟ 400 الف عامل ده رقم كبير قوي بما ان الصناعه دي شبه اتوماتيكيه أمال لو بنتكلم في الغزل والنسيج بقى - دي حتى دي بقى معظمها ألي.

معلومات مفيدة جدا. و مصر من أولي الدول العربية التي دخلت صناعة السيارات و الدليل سيارة نصر اللي بدأت أواخر الستينات أو بعدها قليلا. ثم انتهج قادة البلاد سياسة تمويت أي صناعة محترمة مثل السيارات و مصانع الاليكترونات و غيرها من الصناعات النظيفة.

معلومات مفيدة جدا. و مصر من أولي الدول العربية التي دخلت صناعة السيارات و الدليل سيارة نصر اللي بدأت أواخر الستينات أو بعدها قليلا. ثم انتهج قادة البلاد سياسة تمويت أي صناعة محترمة مثل السيارات و مصانع الاليكترونات و غيرها من الصناعات النظيفة.