كتر الكلام فى المنتدى على الريو الجديدة
فى ناس ركبتها وبتشكر فيها وناس مركبتهاش وبتشكر وفيهم ناس بيشتموا فيها
فقررت اعرف راى الناس الى معاهم العربية واكيد هما اكتر ناس عارفينها
وبالتالى يبقى مرجع لكل الى لسة بيسال عليها
يعرف عنها كل حاجة من الى جربوها
واكيد الفايدة تبقى كبيرة لكل الناس
مستنى اراء كل الناس وخصوصا الى عملو كم كتير نسبيا
يعنى الى عدا ال 5000 كم
وانا واحد منهم بعد يوم إن شاء الله
يسعدنى ويشرفنى انى اكون اول واحد يرد على موضوعك الجميل:Copy of m-s5: يا عمرو باشا
والله هى فعلا تستاهل تكون اميره السيارات الكوريه من حيث كثره المواصفات الحديثه التى تمتاز بها هذه الاميره الصغيره .
وانا عن نفسى فخور بها نظرا لتصميمها الرائع والملفت للنظر بشكل كبير بالمقارنه بسيارات فى نفس فئتها كالأكسنت RB والسونيك حيث تتمتع بكماليات ووسائل امان اكثر من اى سياره فى فئتها .
ونبدأ بمواصفات هذه الاميره الجميله :
سيارة هاتشباك ذات منظومة دفع امامى
ابعاد السيارة الطول 4,045 مم * العرض 1,720 مم * الارتفاع 1,455 مم
حجم حيز الامتعة 288 لتر , سعة المحرك 1400 cc
قاعدة عجلات طولها 2,570 مم , عجلات 15 بوصة واطارات 185/65 R15
تأتى بمحرك بسعة 1.4 لتر , به 4 اسطوانات بقوة دفع 109 حصان عند 6300 دورة فى الدقيقة
واقصى عزم 13.8 كجم عند 4200 دورة فى الدقيقة .
ناقل الحركة اتوماتيكى به 4 سرعات
وسادات هوائية للسائق والراكب الأمامي تعمل على مرحلتين
نظام التوزيع الالكترونى لقوة الفرملة (EBD) , فرامل مانعة للانغلاق (ABS )
نوافذ كهربائية امامية وخلفية , مصابيح امامية وخلفية LED , مصابيح ضبابية امامية
مقاعد خلفية قابلة للطى والانفصال , مرايات كهربائية قابلة للطى واللتدفئة
مرايات وزودة بمصباح اشارات LED , مقابض الابواب بلون هيكل السيارة
مرايات بلون هيكل السيارة , مصابيح امامية اتوماتيكية , مصابيح ضبابية امامية
مقود ملفوف من الجلد , قفل مركزى للابواب , مصدات امامية وخلفية بلون هيكل السيارة
مسند زراعى بكنسولة تضم حيز للتخزين , التحكم فى الصوت عن طريق عجلة القيادة
ريموت كنترول , ماسحات امامية تعمل بسرعات مختلفة , لمبة قراءة
باور سترينج , عجلة قيادة الية المؤازرة , حاملات اكواب ,زجاج مظلل للخصوصية
4 سماعات و راديو ومشغل CD, MP3 ومنفذ USB و كبل iPod وكمبيوتر رحلات
- نظام StabiliTrak TM للتحكم بالثبات (EPS)
- مصابيح امامية بنظام Projection
- حزام امان للاطفال فقط بالمقعد الخلفى
- تكييف اتوماتيكى وعرض خارجى لدرجات الحرارة
- فتحة سقف قابلة للانزلاق كهربائيا
ومن وجهه نظرى المتواضعه اجد ان هناك بعض العيوب الغير مؤثره
1- نشوفيه التعليق الامامى وذلك لاعطائها الثبات يشكل ملحوظ فى المنحنيات .
1- بروز المرايات الجانبيه بعض الشئ ولكن تم تعويض هذا الشئ بانهم جعلوا لها مفتاح تحكم اتوماتيكى يتم فتحها وغلقها حسب الرغبه فى ذلك .
اخيرا .....
فعلا تستحق لقب الاميره :chirol_lovely:
الشرف ليا يا دكتور تامر ان حضرتك تكون اول واحد رد
ومستنى بقيت الناس الى معاها العربية ان شاء الله كلهم يدخلو يقولو رايهم
فى ملاحطة انا ملاحظها فى السيارة الريو
انها اول سيارة فى الفئة دى تنزل بنظام ال tron light فى الفوانيس الخلفية
_(الفانوس تحس انه ميه لونها احمر كدة للى مش عارف معنى الترون )
وده طبعا فى اعلى فئة
بصراحة كل يوم اعجابى بالسيارة بيزيد
تحفة فنيه نزلتها كيا بصراحة و انا من حسن حظي و توفيق من رب العالمين ان اشتريت العربيه دي
لان انا كنت محتار لمدة شهر و كان ليا مواضيع هنا بأستشير بيهم الاعضاء انه اجيب ايه من بين الالنترا ولا السيراتو ولا الكيا سول
و كنت خلاص قررت اجيب النترا و رحت سمير ريان العربيه الريو بنت اللذينة لفتت نظري من برا .. قلت خليني اركبها و يارب متعجبنيش من جوا علشان اخلص في الالنترا و امشي علشان محترش تاني
ركبت العربيه من جوا (الخليجي) حبيتها اكتر و اكتر من فخامة الصالون و الكماليات الي تتمتع بيها العربيه
بعدها ولله مركبت الالنترا .. سألت المندوبة بكام العربيه اعلى فئة خليجي و ايه الوان الموجود في الاعلى فئة
و العربيه قد ما هيا ملفتة للنظر اتخبطت تاني يوم ماجبتها في الرفرفر الامامي قبل معلق النمر عليها و سايب الخبطة لحد دلوقتي مغيرت الرفر علشان العين ...
و دي صورة للخبطة كمان كان ليلة الوقفه
http://i45.tinypic.com/xojcjc.jpg
يا باشا الريو تحفة فعلا زى ما بتقول
بس متعملش الخبطة دى سيبها شوية كدة علشان العين العربية فعلا ملفته جدا وخصوصا الهاى لاين
شرفتنا فى الموضوع يا فندم وعايزين نتشرف بردودك معانا على طول ان شاء الله
بالفعل ولله طول منتا ماشي بتلاقي الناس بتبص عليها و بتتلفت عليهااقتباس:
المشاركة الأصلية كتبت بواسطة amrtoti
و ده نورك يا سيدي ربنا يكرمك و يكفيك شر الطريق
في الاول بقول للمهندس . عمرو منور يا ريس
أنا هبدأ كلامي عن العرببية بالعيوب الاول مع اني لسه عامل 1300 كم فقط لاغير
العربية الي معايا تاني فئة سعودي يعني مفهاش غير باور وسنتر وايرباج للسائق وتكييف بكر وشكرا علي كدا .
عيوب العربية الي متعبرشي عيوب
هتكلم الاول عن البنزين
1. العربية حساسة جدا للبنزين يعني لو البنزين كويس بتعمل معاك كم كويس يعني لو فولت العربية من بنزينة محترمه بنزينها كويس بتعمل معايا تقريبا اللتر بيعمل 12.5 كم يعني لما فولت من بنزينة موبيل الي في يوسف عباس لاقيت ان 34 لتر عملوا معايا 418 كم وده كان من غير التكييف وكنت مسافر بيها علي الطريق الزراعي
2. داخل البلد مع التكييف العربية سيئة جدا في استهلاك البنزين وبدون التكييف بس مش سيئة اوي يعني ممكن نقول ان مع التكييف الي 34 لتر الي فوق بيمشوا العربية تقريبا 380 كم داخل البلد ولو البنزين مش نظيف ومشغل التكييف
خلاصة موضوع البنزين لسه منقدرش احكم علية لاني لسه بلين بس اختلاف كم الي العربية بتمشي بيه يدل ان العربية ممكن يتحسن في استلاكها بعدين يعني ان مره بتعمل معاك كم كتير ومره تعمل كم قليل الي يجيب الكتير مره ممكن يجيبة كذا مره بس ده مرتبط بنظافة البنزين وده يفدنا فيه واحد زي المهندس . عمرو أو مهندي . هادي
عغشة العربية
1. العربية مع ان هي معايا طاسات مش جنوط بس العربية لسه نشفة مش نعمة بس مش نشفة اوي وبرده انا لسه عامل 1300 كم بس وده مش حكم نهائي علي العفشة وان كنت شايف ان هي بتتحسن عن اول ما جبتها كتير من النشفية بس ده في صالح ثبات العربية الرائع
العزل الحراري
1. العزل الحراري في الفئة الي انا جايبها مش حلو علي عكس بسم الله ماشاء الله الهاي لاين هو مش سئ بس في حرارة من الكبوت بتسمع جوه العربية وبالاخص عند الفتيس وده يرجع لان الشكمان تحت الفتيس علي طول هما قالوا في الوكيل كده بس برده مش سيئة
كبوت العربية
1. عشان الواحد مش شايف الكبوت كانت سواقة العربية صعبه وخصوصا في الركن بس الان بعد ما اتعودت عليها تقريبا العيب ده مش موجود
المميزات الهامه جدا
1. شكل العربية بسم الله ماشاء الله مميز جدا ورائع جدا
2. تابلوة العربية شيك اوي اوي بسم الله ماشاء
3. عدادات العربية رائعه وشيك جدا وبسم الله ماشاء الله في الهاي لاين رائع جدا جدا جدا
4. تكييف العربية اصبح الان معي اكثر من رائع جدا فعلا كويس جدا والعربية علي قد العزل الحراري للكبوت مش موجود عندي في الفئة بتعتي وفيه بعض السخونه بتسمع في العربية بس التكييف اول ما بيتشغل في دقائق معدوده بيخلي العربية رائعه ومبقدرش استحملة احيانا الي علي الاول
5. النظام الصوتي كويس جدا بس فس الهاي لاين ممتاز ممتاز بسم الله الله واكبر
6. ثبات العربية رائع رائع حتي 160 كم وجربته اكثر من مره والعربية بيقي لسه فيها كمان بس الواحد بيخاف
7. العزل الصوتي للسيارة ممتاز ممتاز بس الفئة الي انا فيها الكاوتش هانكوك بسمعه داخل صالون العربية لو ركزت معاه بس في الفئات الاعلي مش موجود الصوت ده
8. شنطة العربية كويسة ومعقوله اوي علي حجم العربي
9. العربية عالية من ورا ومتحكش في المطبات قصدي الجبال الي عندنا
10. العربية لما بتحمل فيها ما بتنزلشي لتحت
11. استجابه العربية رائعة عند ما بتجيب الرابع وحش تحت الكبوت
12. الباور بتاع العربية حاجه محترمه اوي اوي
13. تقفيل العربية والخامات جيد جدا
14. اضاءة العرببية من الخارج تغطي الغرض واكثر رائعة جدا وايضا اضاءة
الصالون رائة جدا وطبعا احسن في الهاي لاين بكتير وبالاخص مع
التكييف التاتش
15. مساحات التخزين كافية
16. صوت الماتور ناعم جدا جدا لما بدورها مبقباش فاكر اني مدورها
17. الفتيس السبترونيك بتاعها في السواقة الرياضية تشد بيه ادام أي احد
واتحدي ان هو يجيبك مع انه 4 سرعات واحسن من ds الي كان في لانسر
لو افتكرت حاجه تانية هقولهلكم بس انا اقول كان نفسي ايه يكون في العربية دي كان نفسي تكون 1600 سي سي لان العربية بتكون مخنوقة شوية مع التكييف لغاية مبتجيب الثالث بس بعد كده انساني ولا 1600 ولا 1400 ولا كل الدنيا دية حاجه محترمه فعلا بسم الله ماشاء الله وكان نفسي يهتموا بمفتاح العربية لانه عره اوي بالذات الفئة الاولي والثانية انماء في الهاي لاين ممتاز
في النهاية وبناء علي تقييمي بعد 1300 كم العربية تعتبر رائعة جدا والي بيفكر يشتريها يتوكل علي الله ويشتريها بعد الاستخارة ولو يقدر يجيب الهاي لاين يبقي ربنا بيحبة لان اهم عيوب العربية سهل التغلب علية انشاء الله ومفيش عربية من غير عيوب .
يا باشا انت الى منور وعايزين نتقابل بقى
فى كافية فى سوق السيارات الى فى العاشر اسمة ليموزين وطبعا معاك السوق كله تركم فيه
شوفوا اى يوم نتقابل فيه هناك بالليل حددوا المعاد الى يناسب كل الناس
يشرفنى أنى أكون موجود معاكوا
انا موافق بس الميعاد ميكونشي فيه خميس وجمعه وسبت لاني بكون علي سفراقتباس:
المشاركة الأصلية كتبت بواسطة amrtoti
ايه رايكم يوم الثلاثاء القادم الساعة 8 مساءا
يعنى بعد اسبوع من النهاردة
فى ليموزين امام شبانة الى فى سوق السيارات
الى مناسبة المعاد يقول ؟
اقتباس:
المشاركة الأصلية كتبت بواسطة tmhami
الشرف لينا يا باشا
شوف المعاد لو مناسبك انشاء الله تاكد علينا
برجاء ارسال ارقام التليفونات على الخاص للتواصل
انشاء الله حكون موجود
الغريب أنى ساكن فى حى الواحه يعنى جنب الكافيه ده بس ديه أول مره أسمع عنه
اقتباس:
المشاركة الأصلية كتبت بواسطة tmhami
هيعجبك جدا جدا جدا
الحمد لله اللي وفقني لاختيار الريو ، في رأيي الشخصي عربية جميلة جداً و تقفيلها و خاماتها فوق الممتاز، يعيبها فقط موضوع استهلاك البنزين. و برضه الحمد لله أخدت بيها خبطة في السقف قبل ما اعمل الف كيلو زي أخونا الفاضل اللي حاطط صورة الرفرف عنده :)))
انا عندي العربيه بتسحب بنزيين بغبااااااء 11 لتر لكل 100 كيلو !!!!!
11500 كيلو
الحمد لله شغاله
محدش رد عليا جايين ولا لا المقابلة
عربيه اكتر من ممتازة و عيوبها مينفعش تسمى بالعيوب لان مش العيب الي هوا يعني
عربيه رفاهيه جميله دلوعة تلفت النظر كل حاجة فيها حلوة بسم الله ما شاء الله
هوا ليه التوقيع بتاعي بالمشقلب ليه ؟؟ .. اعد ببص على الصورة بقول هوا الدركسيون جه على اليمين لوحدة ولا الشاشه اتحولت