-
لمبة Check هتجننى
فى البداية عايز اشكر اخى وصديقى خبير اللانوس محمد ممدوح على استشاراته ونصائحه الحقيقة الراجل مبيتأخرش ابدا عليا فى اى شىء اسأله فيه. الاسبوع اللى فات حصلت حاجة غربية وقلت اطرحها للنقاش فى منتدانا الجميل. كنت مسافر اسكندرية فقلت فرصة اغير سير الكاتينة وبلى الكاتينة وسير الدينامو والتكييف والبوجيهات وزيت الموتور قبل السفر ومع الاسف غسلت الموتور برضه .... طلعت على الطريق وكله تمام وبعد حوالى 20 كيلو كدة لقيت لمبة Check نورت ... عداد الحرارة تمام تحت النص ومفيش برجلة فى الموتور... وقفت شوية وبطلت طفت اللمبة وبعد شوية نورت تانى.... وفضلت منورة لغاية اسكندرية.... اول لما دخلت اسكندرية اللمبة طفت وفضلت طول وجودى فى اسكندرية مطفية .... ومر الاسبوع وانا راجع وماشى على 120 اللمبة نورت تانى ... بقيت هتجنن... فيه ايه مش عارف اللمبة مابتنورش الا على سرعة والا ايه الحكاية ................
معلش انا طولت عليكو اوى بس حاسس انها حكاية تجنن وافيدونى افادكم الله
-
** طبعا موضوع غسيل الموتور ده غلط اللي اعرفة ان العربيات الحديثة ما ينفعش انك تغسلها في البنزينة الغسيل العادي لكن بيكون في تنظييف تاني المفروض المكيانيكي بيعملوا عن طريق منظفات واسبراي
** تاني حاجة لو انتي قريب من الدقي الأستاذ محمد ممدوح نصحني ان اروح عند محمد السيد وهو عنده جهاز اسكانر عشان تعرف الكونترول بتاع الجهاز سجل غلط فين والراجل بصراحة هيوجهك ويقولك المشكلة فين
-
اكيد الكونترول بتاع العربية سجل خطا ياريت تروح عند حد عندوا اسكانر وتكشف على شان ميحصلش اى مفاجاة ليك وانتى فى الطريق
وربنا يسترها معانا
-
روح لمحمد السيد عشان يسكان العربية و يعرف المشكلة فين
نصيحة للكل: متعملش صيانة فى العربية قبل السفر مباشرة... اعمل الصيانة قبل السفر باسبوع عشان لو فيه اى مشاكل حصلت فى الصيانة تبان معاك و انت جوة البلد بدل ما تعملها معاك على الطريق السريع
MMamdouh
-
الف شكر ليكو يا جماعة على الردود بس عنوان محمد السيد فين ؟؟؟
-
و انت نازل من كوبرى الدقى فى اتجاه الجامعة حيبقى على الناصية التالتة على يمينك... الشارع اللى هو على ناصيتة اسمة جابر ابن حيان و دة الناصية اللى بعد ناصية مكتبة سمير و على
MMamdouh
Content Relevant URLs by
vBSEO 3.6.0 PL2