الموضوع: نصائحى المتواضعه فى عالم المستعمل والتجار

السلام عليكم ورحمة الله
من تجاربي السابقة وخبراتى المتواضعه البسيطه
قررت ان انصحكم لوجه الله تعالى
ببعض النقاط اللى من خلالها ممكن تتقوا شر التجار والصنايعية

1- فى المستعمل حاول تشتري صح وتصبر وانت بتشترى جداااااااااااا

2- حاول ان تتعلم بمفردك بعض الخبرات فى حالات الدهان و الصاج فى الدواخل والخوارج والاسعار سماعية وفعليه
وذلك لتكون على مسافة قريبه من التاجر اللى هيضحك عليك وده اكيد

3-عند الشراء
1- متشتريش بالليل ابدا
2- متشتريش يوم خميس لان بعد اجازه ومفيش مرور وممكن يحصل فى الامور امور ربنا يسترها
3-كن حريصا فى كتابة الشرط الجزائي فى عقد البيع الابتدائي وحاول الا يتجاوز 500 ج او تلغيه ان استطعت لان الرجوع فى الشراء ممكن يكلفك 2000 ج ؟ والتجار بيقبلوا عادى جدا

4- خد معاك سمكرى وميكانيكي يكونوا ثقه جدا جدا لانه ممكن يبيعك للطرف الاخر او اصلا يطلع عارفه ودىحصلت معايا
ومعاهم واحد قريبك مثلا يعاين وفى نهارا ربنا طبعا
مع خبرتك اللى قولنا انك تحاول تتعلمها هتفيدك جدا فى حالة لو اللى انت جايبه يشترليك باعك ؟

5- حدد هدفك من السيارة لو اتفاجئت ان حالتها وحشه لا قدر الله

........*هل هتبع علطول وتخسر حاجه بسيطه لو خسرت مثلا وتقول الخسارة القريبه احسن من الخسارة البعيده

........*او هتصلحها وتشدها وتظبطها وتصرف كتير بس مش مشكله انت اصلا مش هتبيع قبل 5 سنين مثلا اقولك ماشي اصرف وظبط واركب وربنا يباركلك
انما لو هتبيع قريب متصرفش حاجه وتصلقها وبيعها

....لان اللى هيشترى منك مش هيقدر اى مجهود او تكلفة انت عملتها نهائيا
وكمان ممكن سعرا لسوق ينزل وتتظلم زى حالاتى
وكمان ممكن تتعرض لظلمة بخث الاسعار واستغلال الظروف وربنا يكفينا شرهم يارب

6- متنساش تستخير ربنا قبل اى شئ وربنا يجيب العواقب سليمة ويعوضنا خير يارب

7- اهتم بموضوع الرخصة المنتهيه وساعتها تطلب شهادة بيانات او هو يرخصلك وتنقل ملكية باسمك افضل وطبعا براءة الذمه بتاعة المخالفات

8- اكتشفت ان اغلب مصر تجار حتى الناس العاديه تحولت الى تجار ؟

9- اتمنى انى مكنش نسيت حاجه وربنا يستر الجميع

اسف جدا للاطاله
لكنى اتمنى التوفيق للجميع لكل الخير
وشكرا جزيلا

التجار هم سبب ارتفاع اسعار السيارات عن سعر السوق لانهم بيبيعوا لبعض ولحد ماتستقر عند زبون عادى يكون زاد على سعرها حوالى 5الاف جنيه ومعظمهم ماعندوش ضمير بس هايروحوا فين.
كما قال تعالى
ومن يعمل مثقال ذرة خيرا يره ومن يعمل مثقال ذرة شرا يره