صوت البيز بتاع الصب ناشف مش زي ماكنت متخيل

السلام عليكم يا رجالة

أنا من كذا شهر كنت اشتريت صب بايونير 1400 و gm سيمفوني 640 وات 4 شانل وصلت الصب عليه bridged و عامل الجين عالنص تقريبا و عملت صندوق عمولة للصب بالمقسات المظبوطة من الكتالوج ماعدا تخانة الخشب بس كانت ارفع شوية من اللي في الكتالوج ... و طبعا الشكر للرجالة هنا كنت سألت كتير و قرفتهم قبل ما أستقر عالعدة دي

المهم إن الحمد لله الصوت كويس بس أولا الصوت برة العربية ضعيف جدا ثانيا البيز حاسه عامة ناشف مش زي ماكنت متخيله أو مش زي ما باسمع العربيات اللي بتبقى ماشية في الشارع البيز تلاقيه طويل و عميق كده ... فهل العربيات اللي بسمعها في الشارع دي بيبقى الصوت جواها ناشف كده برده ولا إيه ...
يعني أنا عندي جوه باحس إن بيز عالي ماشي بس ناشف زي بيز السماعات البيضاوي كده مش بيز صب يعني خالص ... يعني مش زي العربيات اللي الواحد بيسمعها في الشارع من البيت والبيز يبقى بيهز كده و عميق

يعني عامة البيز من ناحية قوته و عمقه مش زي ماكنت متخيله أو مش زي مابسمع العربيات في الشارع كده فمحدش يعرف دي مشكلة من إيه ولا أنا اللي كنت متوقع من الصب أكتر من امكانياته ؟


كنت عايز أقول إني موصل ال gm على مخرج ال RCA بتاع الصب اللي عندي في الكاسيت بحيث إني التحكم في ال LPF و صوت الصب من الكاسيت أنا عندي كاسيت بايونير 5150 و equalizer 7 band و عملت كل حاجة في ال equalizer وال bass boost عشان اخلي البيز ميبقاش ناشف و مفيش فايدة

اولا مبروك علي التركيب
ثانيا علشان الصوت يرمي لبره لازم بازوكا او تحط الصب البايونيير في تيوب بازوكا علشان انا عندي نفس العده دي تقريبا بس اختلاف في الكاسيت ولو جبت كمان كابل ار سي ايه هيكون احسن انا عن نفسي عامل كده ومشغل الجي ام علي 4 تشانيل
واستني بردو راي بقيه الاعضاء

ليس عن تجربة و لكن بإجماع الأراء إللي سمعتها قبل كده
أن الجي إم السيمفوني هو ده الأداء بتاعه ؛ ترزيع و خلاص
يعني مافيش نقاء و تقسيم للبيز !
و برضه انتظر رد باقي الأعضاء ...

متابع وان كنت من مؤيدى البازوكا

لو انت معاك فكترا سى .. انسى ان الصوت يطلع برة ,, انا مركب 2 jbl الواحد 1200 , على جى ام سيمفونى 700 ..تخش جوة العربية تتبهدل ,, برة العربية تسمع البيز بس مش زى العربيات الياباتى و لا الكورى .

ودة راجع ان العربية ,, ذى منتا عارف ,,صاجججججججج جبااااااااااار ,و والكلام دة مبنى على ان واحد صاحبى معاة لانسر , و مركب نص عدتى .. فى كل حاجة ,,, و بيجى من اول الشارع يهز الشبابيك ..

و انا لفيت على محلات مصر ,, و كان هو دة نفس الرد .. واحد صاحبى تانى معاة بى ام 2005 .. مركب بازوك و صب و برضوووووووو ,, جوة العربية مهرجان

برة مفيش ,, لدرجة انو شال الصبات و البازوكا ,,

اقولك حاجة تانية .. لما تشغل الكاسيت الفابريقة مع سماعاتو ,, هتلاقى نف الحوار برضو ,, اقف برة العربية مش هتسمع الصوت واطى اوى .

بص الخلاصة غير الامبليفير بامب 2 تشانل للصب لوحدة لان الصب 400 ار ام اس اكبر من توتال الانبليفير السيمفوني دة
هات 600 وات علي الاقل ومش شرط تجيب بازوكا انا عندي عامل صندوق صح عامل صوت والله اكتر من 3 بوازيك الرك علي الشغل المظبوط انا كل اللي سمع الصوت عندي باع البازوكا وجاب الصب 400

اقتباس:

---

المشاركة الأصلية كتبت بواسطة nemo_1806

اولا مبروك علي التركيب
ثانيا علشان الصوت يرمي لبره لازم بازوكا او تحط الصب البايونيير في تيوب بازوكا علشان انا عندي نفس العده دي تقريبا بس اختلاف في الكاسيت ولو جبت كمان كابل ار سي ايه هيكون احسن انا عن نفسي عامل كده ومشغل الجي ام علي 4 تشانيل
واستني بردو راي بقيه الاعضاء

---

ألف شكر يا باشا بس قصدك اجيب كمان كابل RCA أعمل به إيه ؟ ماهو أنا موصل ال GM عالكاسيت بكابل RCA
وانا فعلا ابتديت افكر إني اجيب مع الصب بازوكا jbl

اقتباس:

---

المشاركة الأصلية كتبت بواسطة reallistic

ليس عن تجربة و لكن بإجماع الأراء إللي سمعتها قبل كده
أن الجي إم السيمفوني هو ده الأداء بتاعه ؛ ترزيع و خلاص
يعني مافيش نقاء و تقسيم للبيز !
و برضه انتظر رد باقي الأعضاء ...

---

ألف شكر يا باشا مع إني في الاول اعدت اسال هنا كتير و كذا حد قالولي هو السيمفوني أحسن حاجة للصب ... و يا ريت يطلع فعلا مشكلة gm لاني في الآخِر ابتديت افكر إن هو ده صوت الصب البايونير و خلاص و عشان كده ابتديت افكر اجيب بازوكا معاه

اقتباس:

---

المشاركة الأصلية كتبت بواسطة Amr_650

لو انت معاك فكترا سى .. انسى ان الصوت يطلع برة ,, انا مركب 2 jbl الواحد 1200 , على جى ام سيمفونى 700 ..تخش جوة العربية تتبهدل ,, برة العربية تسمع البيز بس مش زى العربيات الياباتى و لا الكورى .

ودة راجع ان العربية ,, ذى منتا عارف ,,صاجججججججج جبااااااااااار ,و والكلام دة مبنى على ان واحد صاحبى معاة لانسر , و مركب نص عدتى .. فى كل حاجة ,,, و بيجى من اول الشارع يهز الشبابيك ..

و انا لفيت على محلات مصر ,, و كان هو دة نفس الرد .. واحد صاحبى تانى معاة بى ام 2005 .. مركب بازوك و صب و برضوووووووو ,, جوة العربية مهرجان

برة مفيش ,, لدرجة انو شال الصبات و البازوكا ,,

اقولك حاجة تانية .. لما تشغل الكاسيت الفابريقة مع سماعاتو ,, هتلاقى نف الحوار برضو ,, اقف برة العربية مش هتسمع الصوت واطى اوى .

---

ألف شكر يا باشا بس أنا مركب العدة دي في ال 405 مش الفيكترا و هو فعلا فيه فرق كبير بين الصوت جوه و بره :D يمكن برده عشان ال 405 صاجها تقيل والشنطة فيها عزل عشان كده الصوت مبيطلعش برة قوي :D هو لو ده السبب عندي فدي حاجة طبعا تحسب للعربية بس الواحد كان نفسه الدنيا تتهز و هو معدي كده :D

اقتباس:

---

المشاركة الأصلية كتبت بواسطة usama_esam

بص الخلاصة غير الامبليفير بامب 2 تشانل للصب لوحدة لان الصب 400 ار ام اس اكبر من توتال الانبليفير السيمفوني دة
هات 600 وات علي الاقل ومش شرط تجيب بازوكا انا عندي عامل صندوق صح عامل صوت والله اكتر من 3 بوازيك الرك علي الشغل المظبوط انا كل اللي سمع الصوت عندي باع البازوكا وجاب الصب 400

---

ألف شكر يا باشا و واضح انكم مجمعين إن الامبليفير ده مش تمام و شكلي كده بقى هاغيره ... قولي يا باشا كده أنت موصله على امبليفير إيه عندك ؟ و غير قوة الصوت إنت البيز عندك اللي هو deep بيز ولا ناشف برده ؟
عشان أنا دي مشكلتي الاساسية حكاية البيز الناشف دي و مش عارف دي مشكلة امب ولا هو الصب صوته كده


أنا بفكر اجيب امبليفير كينوود 1000w شانيل2 عشان لو حبيت اوصل بازوكا أو صب تاني

gm كينوود 1000 وات بمبلغ 950 من التوفيقيه وهو هايل

اقتباس:

---

المشاركة الأصلية كتبت بواسطة akmm

gm كينوود 1000 وات بمبلغ 950 من التوفيقيه وهو هايل

---

ألف شكر يا باشا هو عندك أنت مجربه عالصب ؟

الكينود هيكون اداؤة كويس جدا علي الصب دة ممكن تضيف كمان بازوكا بجوارة ةهيديك الديب بيز اللي انت عاوزة
بس صورللي الصندوق عشان ممكن تكون فيها حاجة غلط

انا كانت عندي نفس مشكلتك بس عربيتي شاهين
كان عندي صب jbl اوريجنال كان البيز جوا مش بيخليني اعرف اقعد وبرا البيز مكنش بيرمي اوي وكنت موصلي ع جي ام سوني 600 وات 4 تشانل
المهم بعد أسئله كتير لناس مركبه صبات وسماعات وبوازيك عرفت ان الصبات مش بترمي لبرا وان البيز بتاعها بيديك البيز ف محيط المكان ال حواليه وبس
وان ال بيرمي لبعيد البازوكا
وبعد تفكير كتير أني اغير ال جي أم واجيب واحد كينوود 720 حسيت الفرق مش هيكون كبير اوي
قولت اتوكل واجيب بازوكا تاني

وجبت بازوكا JBL وجي أم سوني 600 وات 4 تشانل بردو كدا بقا عندي صب وبازوكا و 4 سماعات و 2 جي أم
الصوت كان مقبول والهبد زاد وبقا يرمي لبرا بس حسيت بردو الأداء مش هوا
روحت قولت مبدهاش وجبت البازوكا وحطيتها ع كنبه ورا ومدتلها سلك واتفرج يا معلم ع مهرجان
هبد السنين بقا وكدا
ال خلاني اعمل كدا اني كل ما اشوف عربيه هاتش باك مركبه بازوكا بلاقيها بترزع رزع غير عادي
ف العربيات الهاتش باك مفهاش شنطه طبعا ف كأنك حاطط البازوكا ف شارع
+ حاجهه تاني اكتشفتها ان الاغنيه بتفرق والله فرق كبير جدا
في أغاني الاقي البيز فيها زباله وفي أغاني بترج الدنيا وبتديك البيز الطويل دا
وأسف علي الأطاله

+111111111احلى كلام

اقتباس:

---

المشاركة الأصلية كتبت بواسطة usama_esam

الكينود هيكون اداؤة كويس جدا علي الصب دة ممكن تضيف كمان بازوكا بجوارة ةهيديك الديب بيز اللي انت عاوزة
بس صورللي الصندوق عشان ممكن تكون فيها حاجة غلط

---

ما أنا بفكر أبدأ بال gm و ممكن بعد كده أبقى اجيب بازوكا إن شاء الله ... هصوره حاضر بس هو عامة مقاسه زي الكتالوج و الفتحة مقاسها مظبوط ولماسورة برده و حتى عزلته من جوه بلباد عازل زي مابيقولوا في الكتالوج

اقتباس:

---

المشاركة الأصلية كتبت بواسطة madaxman

انا كانت عندي نفس مشكلتك بس عربيتي شاهين
كان عندي صب jbl اوريجنال كان البيز جوا مش بيخليني اعرف اقعد وبرا البيز مكنش بيرمي اوي وكنت موصلي ع جي ام سوني 600 وات 4 تشانل
المهم بعد أسئله كتير لناس مركبه صبات وسماعات وبوازيك عرفت ان الصبات مش بترمي لبرا وان البيز بتاعها بيديك البيز ف محيط المكان ال حواليه وبس
وان ال بيرمي لبعيد البازوكا
وبعد تفكير كتير أني اغير ال جي أم واجيب واحد كينوود 720 حسيت الفرق مش هيكون كبير اوي
قولت اتوكل واجيب بازوكا تاني

وجبت بازوكا JBL وجي أم سوني 600 وات 4 تشانل بردو كدا بقا عندي صب وبازوكا و 4 سماعات و 2 جي أم
الصوت كان مقبول والهبد زاد وبقا يرمي لبرا بس حسيت بردو الأداء مش هوا
روحت قولت مبدهاش وجبت البازوكا وحطيتها ع كنبه ورا ومدتلها سلك واتفرج يا معلم ع مهرجان
هبد السنين بقا وكدا
ال خلاني اعمل كدا اني كل ما اشوف عربيه هاتش باك مركبه بازوكا بلاقيها بترزع رزع غير عادي
ف العربيات الهاتش باك مفهاش شنطه طبعا ف كأنك حاطط البازوكا ف شارع
+ حاجهه تاني اكتشفتها ان الاغنيه بتفرق والله فرق كبير جدا
في أغاني الاقي البيز فيها زباله وفي أغاني بترج الدنيا وبتديك البيز الطويل دا
وأسف علي الأطاله

---

بالعكس يا باشا ده أنا باحب الاطالة عشان بتبقى فيها معلومات كتير و شرح وافي :D طب إنت حسيت فرق كبير في الصوت بين البازوكا والصب ؟
و أنا معاك إن فيه أغاني بيبقى البيز فيها أنشف من أغاني تانية بس برده أنا ساعات نفس الاغاني بسمعها شغالة في عربية ماشية في الشارع مثلا والاقي فرق كبير في عمق البيز عن عندي ... بالضبط عندي زي مبقولك البيز عامل زي بتاع السماعات البيضاوي إنما صوته اجمد بكتير طبعا ... إنما درجة البيز نفسها بعيدا عن علو الصوت ماتحسسككش إنه صب يعني

و عامة أنا بحس كمان إن الصب بيفرفر بدري يعني أما اعلي الصوت بيبتدي يفرفر كده معرفش هو اللي ضعيف مش زي ماكنت متخيله ولا الgm ده هو اللي مش مقومه صح

اقتباس:

---

المشاركة الأصلية كتبت بواسطة akmm

gm كينوود 1000 وات بمبلغ 950 من التوفيقيه وهو هايل

---

الافضل منه البايونير ال 820 wt تشانيل 2 عن تجربة جبار والبيز نضيف اوي

اقتباس:

---

المشاركة الأصلية كتبت بواسطة Honda_lover

الافضل منه البايونير ال 820 wt تشانيل 2 عن تجربة جبار والبيز نضيف اوي

---

ألف شكر يا باشا إنت جربت ال 2 و لقيت البايونير أحسن ؟
الفكرة إني لفيت عال 2 قبل كده اسال عليهم لقيت كل واحد فيهم عند محل واحد ولبايونير المحل اللي لقيته عنده مرتحتلوش و حسيته نصاب ... ده غير إن ال RMS بتاع الكينوود أعلى ...

لو حد جرب الكينوود ال 1000 watt يقولنا يا رجالة والنبي

اقتباس:

---

المشاركة الأصلية كتبت بواسطة omar_h

ما أنا بفكر أبدأ بال gm و ممكن بعد كده أبقى اجيب بازوكا إن شاء الله ... هصوره حاضر بس هو عامة مقاسه زي الكتالوج و الفتحة مقاسها مظبوط ولماسورة برده و حتى عزلته من جوه بلباد عازل زي مابيقولوا في الكتالوج



بالعكس يا باشا ده أنا باحب الاطالة عشان بتبقى فيها معلومات كتير و شرح وافي :d طب إنت حسيت فرق كبير في الصوت بين البازوكا والصب ؟
و أنا معاك إن فيه أغاني بيبقى البيز فيها أنشف من أغاني تانية بس برده أنا ساعات نفس الاغاني بسمعها شغالة في عربية ماشية في الشارع مثلا والاقي فرق كبير في عمق البيز عن عندي ... بالضبط عندي زي مبقولك البيز عامل زي بتاع السماعات البيضاوي إنما صوته اجمد بكتير طبعا ... إنما درجة البيز نفسها بعيدا عن علو الصوت ماتحسسككش إنه صب يعني

و عامة أنا بحس كمان إن الصب بيفرفر بدري يعني أما اعلي الصوت بيبتدي يفرفر كده معرفش هو اللي ضعيف مش زي ماكنت متخيله ولا الgm ده هو اللي مش مقومه صح

---

زي ما قولتلك بيز البازوكا بيرمي لبعيد وجوا العربيه شغال بردو لكن الصب صوت جوا جامد وبرا يعني مش اد البازوكا يعني تقدر تقول انهم بيكملو بعض
وعلي فكره انتا لو عليت الصوت قوي هتلاقي البيز بيروح دا اكيد لو عايز الصوت يبقا عالي من السماعات والبيز قوي بردو يبقا توطي البيز شويه عشان تقدر تعلي براحتك بقا

اقتباس:

---

المشاركة الأصلية كتبت بواسطة madaxman

زي ما قولتلك بيز البازوكا بيرمي لبعيد وجوا العربيه شغال بردو لكن الصب صوت جوا جامد وبرا يعني مش اد البازوكا يعني تقدر تقول انهم بيكملو بعض
وعلي فكره انتا لو عليت الصوت قوي هتلاقي البيز بيروح دا اكيد لو عايز الصوت يبقا عالي من السماعات والبيز قوي بردو يبقا توطي البيز شويه عشان تقدر تعلي براحتك بقا

---

بالظبببط اللي بيحصل إن أما بعلي بيبتدي صوت البيز يروح والصب يفرفر و يعمل صوت رفرفة كده أكتر منه صوت بيز بس الفكرة إني بأحس إن الكالام ده بيحصل بدري يعني وانا باعلي الصوت يعني وانا باعلي البيز بيبدأ يروح بدري بدري وانا لسة ماعلتش قوي ... الله اعلم بقى هو الصب آخره كده (مع إني كنت فاكره اجمد من كده بكتير) ولا الgm هو اللي مش مقومه كويس

على فكرة أنا من فترة شفت جي إم سوني 1000 وات - واحد تشانيل - 300 آر إم إس للـ 4 أوم و 500 آر إم إس !!!
و ده مخصص للصبات فقط
XM-SW10
أنا كنت شفته عند واحد في التوفيقية بس مش فاكر إسمه !
و كنت سألت هنا عالمنتدى عنه بس يبدو أن ماحدش جربه !
ما تجيبه أنت و تبقى أول واحد يجربه من المنتدى :)

اقتباس:

---

المشاركة الأصلية كتبت بواسطة reallistic

على فكرة أنا من فترة شفت جي إم سوني 1000 وات - واحد تشانيل - 300 آر إم إس للـ 4 أوم و 500 آر إم إس !!!
و ده مخصص للصبات فقط
XM-SW10
أنا كنت شفته عند واحد في التوفيقية بس مش فاكر إسمه !
و كنت سألت هنا عالمنتدى عنه بس يبدو أن ماحدش جربه !
ما تجيبه أنت و تبقى أول واحد يجربه من المنتدى :)

---

هههه لا يا باشا وانا مالي أنا آخد فيه مقلب ولا حاجة :D وبعدين 300 RMS ده قليل بالنسبة للكينوود بيطلع حوالي 500 RMS bridged