طلمبة الباور ضربت

**ahmed2801** · 01-09-2012 12:59 AM

طلمبة الباور جابت زيت من الاكس من ورا الطنبورة.
والميكانيكى قالى لازم تتغير ف اقرب فرصة .. وإمشى معاك زيت وراقبها باستمرار لانها بتخر زيت او افصلها لك وتمشى من غير باور..انا فضلت امشى بالباور وأخد معايا زيت وكل ما تنقص ازودها لحد ما اركب الجديده.
فيه حد من السادة الاعضاء ملاك الشيرى يعرف طلمبة ايه تركب عليها بدون تعديل ولا أركب بتاعتها الصينى من عند صقر.
العربية شيرى A11 كاملة مانوال 2007.
فى انتظار ردودكم لو سمحتم.
أخوكم
أحمد شحاتة

**arwah** · 01-09-2012 11:04 PM

ممكن اوكتافيا بدون اي تعديل ولكن الحقيقه مش عارف a4/a5 هما بتوع الاستعمال قالولي انها سكودا وممكن اللانوس مع تعديل بسيط وفيه واحد قال لي ان صاحبه ركب طرمبة فيرنا المهم انك تاخد معاك القديمه وربنا يوفقك ان شاء الله وبلغنا ركبت ايه والكلفه قد ايه علشان كلنا نستفيد بالمناسبه انا ركبت الطرمبه بالمصنعيه ب450 جنيه بس للامانه مش حلوه ربما لانها استعمال وربما ما كانتش سليمه

**midoo50** · 02-09-2012 11:00 AM

السلام عليكم
انا جربت اركب طرمبة الفرنا استيراد وكانت اكتر من رائعة والتعديل كان يادوب فى تركيب المسامير وحاجة كمان هى الخرطوم ودى المشكلة انه بيضطر الى تغيير الخرطوم لواحد اطول وبيلفه ودى حاجة ماريحتنيش فركبت بتاعتها من عند صقر بس الحق يقال طرمبة الفرنا كانت ناعمة وخفيفة جدا احسن من الفابريكة بتاعتها وممكن تسأل الميكانيكى بتاعك وهو يفيدك برضو

**ahmed2801** · 03-09-2012 11:36 AM

المشاركة الأصلية كتبت بواسطة midoo50

السلام عليكم
انا جربت اركب طرمبة الفرنا استيراد وكانت اكتر من رائعة والتعديل كان يادوب فى تركيب المسامير وحاجة كمان هى الخرطوم ودى المشكلة انه بيضطر الى تغيير الخرطوم لواحد اطول وبيلفه ودى حاجة ماريحتنيش فركبت بتاعتها من عند صقر بس الحق يقال طرمبة الفرنا كانت ناعمة وخفيفة جدا احسن من الفابريكة بتاعتها وممكن تسأل الميكانيكى بتاعك وهو يفيدك برضو

شكرا لردك يا استاذ ميدو.
وهل بتاعة صقر اللى راكبة عندك دلوقت تعمل بكفائة الاصلى بتاعتها.
وشكرا مرة تانية.