الموضوع: والنبى يا أهل الخبرة تساعدونى ؟؟؟؟؟؟؟؟؟؟؟

والله ماعارف اقولك ايه يا دكتر احمد .... بس هو بالنسبة لقوة المتور. التويوتا. وبالنسبة للعفشة. التويوتا تكسب بس بالنسبة للوسع الكريستاله صالونها اوسع من الكوروله حبه
بس كي اكون امين معاك موديل ٩٩ يعني برضو هتحتاج شوية مصاريف وصرف عليها بس تعاله مثلاً قارن كورولا ٩٩ ب لانوس ٢٠٠٨ هتلاقي الانوس عجزت وشخ شخت اكتر من كورولا ٩٩ وهتلاقيها تعبانه جداً
والمشكلة كمان ان اسعار الانوس في السوق ٢٠٠٨. بتلعب في الخمسينات رغم انها متسواش اكتر من ٤٣ بس انتا عارف بلدنا الحبيب الغالي قد ايه بيدي قيمة للي ليس له قيمة وكل واحد عاوز يبيع باعلى سعر. قال ايه علشان ياخود الفلوس يحطها في عربية جديدة كان ده سبب جوهري انو يغلي سعر الحاجة. المعفنه الخربانه بتاعتوا
وتلاقي العربية مشمووومة ومشنشة ومخبطة من كل حته. ويقلك فبريكااااا ياباشا بخلاف الانسر او الكورولا هتلاقيها نضيفة ورشة بره هههههههههه. يعني حتى السقف مرشوش بس حاجة متخلكش تقلق. عادي اهم حاجة الدواخل. في الانسر الكريستاله او التويوتا عيون. رغم انها عاجوزة بس هتلاقيها ماسكه نفسها كده ولسه واقفه بكل صمود واعتزاز بعكس الانوس او الفيرنا الي هتلاقيها مايصه واخدة بونية على كام شلوت في وشها ومعدومه العافيه .... ده اذا مكنتش شغاله عربية ايجار ... وتحس ان العربية متشلفطة من كل حته تقلش صاحبها كان بيرميها في نص الشارع او كان بيشغلها ميكروباص بعد الظهر. لذلك احب اقولك كان الله في عونك

بس رجح قلبك ياعزيزي وشوف العربية الي ترتاح لها اكتر هل بترتاح للكورولا ولا بترتاح للكريستالة. والاتنين زي الفل. بس المهم تركب العربية. الي انتا بترتاح لها. زي الجواز. كده. هتلاقي قدامك عروستين وحده سمرة وعادية وابوها دكتور او لووه والتانية بيضة وشقرة وعنين زرقة بس ابوها مش عارف ايه واخواتها ايه واهلها مش هيسعدوك في المهر بعكس التانيه بنت الدكتور او اللوه صحيح انها مش حلوة بس اهلها هيسعدوك في الجهاز والفرش وفي النهايه لا بتاخود دي ولا بتاخود دي. وبتروح تتزوج وحده قلبك مرتاح لها.

بس بصفه عامة. الكورولا بتقبى ماسكه نفسها كمان اكتر من الانسر وتلاقيها محتفظه كده بشببها والاثنين ثابتين على الارض مع ان الكورولا اثبت اكتر. اما الانسر بتبقى ثابته بس في العربيات الكاملة الي هيا بيسموها اسبور امو فتحه في السقف. دي بتبقى عبشتها رياضيه اكتر