سؤال لمالكي الألنترا md عن ظاهرة غريبة في الزجاج الخلفي

**Samir Elshahawy** · 01-09-2012 03:08 PM

الاخوة الكرام / نجوم هيونداي و مالكي الالنترا md

فيه مشكلة غريبة لاحظتها امبارح في الألنترا 2012 و عايز أعرف حد تاني واجهها و لا لأ

في الاونة الاخيرة لاحظت أنعدام الرؤية من الزجاج الخلفي و في البداية اعتقدت أن ده بسبب الشماسة اللي ورا احتمال تكون المسام بتاعتها أتقفلت لكن في نفس الوقت لاحظت أن الزجاج لما ابص عليه من بره العربية زي مايكون مشبر أو عليه طبقة شمع

و فعلا من حوالي 3 أسابيع قمت بمحاولة لمسح الزجاج من الداخل و كانت مفاجأة ...
الفوطة اللي استخدمتها أصبحت سوداء اللون و الزجاج كان عليه طبقة كثيفة من مادة شمعية تشبه الطين الي حد بعيد

و بالامس تكرر نفس الشئ مرة اخري و بتنظيف الزجاج قمت بازالة مادة شمعية متكونة علي الزجاج

الاغرب بقي أني كنت قافل العربية و مشغل التكييف بالليل و رايح مشوار لوسط المدينة و طبعا الرؤية أتحسنت بشكل مذهل و لكن لاحظت اثناء عودتي بعد أنقضاء المشوار و حوالي ساعتين قيادة بدء تكون أثار طبقة مماثلة مرة أخري ظهرت في شكل بقع منفصلة و متناثرة علي الزجاج من الداخل لاحظتها مع الضوء الشديد من السيارات التي خلفي

ياتري حد قابل المشكلة دي و لا لأ ؟
و ياتري ده أيه ؟
هل هو من الغبار اللي في الجو خاصة اني باحب افتح الزجاج و مش من هواة تشغيل التكييف ؟
و لا تأثير الشمس و الحرارة العالية علي مادة التابلوه الخلفي ؟

**akmm** · 01-09-2012 03:37 PM

متابع ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟

**AshTurbo** · 01-09-2012 04:51 PM

مش عارف ياباشمهندس أية المشكلة الغريبة دي بس أنا عندي ستارة ثابتة ومكتفي بالمرايات علشان كدة مأخدتش بالي من الحكاية دي أنا نازل دلوقتي هبقى أبص وأقول لحضرتك وفي أنتظار أراء باقي الملاك .

**exact** · 01-09-2012 05:44 PM

جرب نضف بمنظف زجاج وبعدين wd40 وبعدين منظف زجاج تاني

ومتستعملش جرايد في تلميع الازاز ابدا

**ibnmoaz** · 05-09-2012 10:29 AM

دا يا بشمهنس من استعمال ملمع تابلوه وفبر من اللي بيتحضر عند الجماعه بتوع غسيل السيارات و الكار كير.الظاهر مع الشمس بيتبخر علي تلزجاج اﻻمامي و الخلفي انا كان حصل معايا قبل كده موضوع البقع ده بالذات مع مشوار في الشمس او ركنه طويله وبقيت بعد كده باستخدم stp وخﻻص

**Eng.Geo** · 05-09-2012 01:31 PM

شماسة اللي هي ايه ؟ ... ستاير كبس ؟
كان في موضوع زمان عن حاجة زي كدة بس الزجاج الأمامي هو اللي كان بيعمل الموضوع ده والناس أستنتجوا انه بسبب ملمع الطابلوه أو حاجة كدة بتتحط عالطابلوه بتبقي مخرمة (فرش كاوتش) وكانت هي السبب ولما شالوها بقت تمام
ممكن تكون الستارة هي السبب أو حاجة تانية قريبة

**Samir Elshahawy** · 05-09-2012 02:27 PM

المشاركة الأصلية كتبت بواسطة eng.geo

شماسة اللي هي ايه ؟ ... ستاير كبس ؟
كان في موضوع زمان عن حاجة زي كدة بس الزجاج الأمامي هو اللي كان بيعمل الموضوع ده والناس أستنتجوا انه بسبب ملمع الطابلوه أو حاجة كدة بتتحط عالطابلوه بتبقي مخرمة (فرش كاوتش) وكانت هي السبب ولما شالوها بقت تمام
ممكن تكون الستارة هي السبب أو حاجة تانية قريبة

تصدق ممكن !!
لأن القاعدة البلاستيك للستارة فعلا محروقة من الشمس