-
أنا زعلان
السلام عليكم
دايما بقول لصحابي لو حد زعلان مني يجري يقولي فورا أنا زعلان منك علشان كذا و كذا و كذا وياريت دا ميتكررش
وأنا بدوري مبكررش الى بيضايق صحابي علشان كدا الزعل بيقل مابينا جدا جدا
وأنا هتّبع نفس الطريقه مع أصحابي وأخواتي وأساتذتي الي اتعلمت منهم هنا فى المنتدى
طبعا الاول أنا بعتذر للأعضاء الجدد عن الموضوع كونهم ميعرفونيش ودا شىء أنا المسؤل عنه لغيابى فممكن يقولوا بسهوله متتفلق :) ودا حقهم الصراحه
أنما انا بكلم النمور وكل الى يعرفنى فى المنتدى دا
أنا زعلان وواضح أنا زعلان من أيه
زعلان لأنى غبت كتير أوي عن بيتى - أو زي متصورت انه بيتى - ومحدش من "أهل بيتي" أتصل يشوف انا مت ولا لسه عايش ولو عروض شركات الاتصالات على دقايق المحمول مش كافية والمكالمه لسه غاليه عليه الرسائل الخاصه كريم منير مش عامل عليها رسوم
لكن لا مكالمه ولا رسالة ولا ميل ولا أي شيء من أي حد!
انا والله الى حصلي نسانى المنتدى ونساني نفسي بجد لكن لما فوقت وأفتكرت ان بقالي كتير مدخلتش المنتدى استغربت ان محدش كلمني... أنا نسيت المنتدى لمشاكلي ومحدش فكّرني
مؤكد ناس فرحت لغيابي وأنا عارف كدا طيب مفيش وااااااااحد بس مفرحش :)
وعلي فكره - ولاوني مكنتش عايز أقول - أنا سألت على كل واحد غاب أو كان بيغيب عن المنتدى بمكالمه لو معايه رقمه أو برساله خاصه لو معيش
بالذات مع النمور حاولت أكتر من مره أسأل على أحمد سامي و نادر نبيل والناس القدام وبعت رسايل كتير ليهم أى نعم معبرونيش :) لكني مرتاح أني سألت على الناس الى أتعلمت منها وخدموني بموضوعتهم.
أنما واضح ان الي بيقع في المنتدى دا بيتنسي ومحدش بيفتكره :)
على كل حال دا عتاب مش عايز حد يكلمني ولا يبعتلي رسايل خاصه :))))
بس زي مقولت لما زعلت حبيت أقول لأصحابي أني زعلت وزعلت من أيه
وإن شاء الله أرجع أشارك زى الاول وأحسن وأنا عمري مبخلت بوقتى على المنتدي زى مهو عمره مبخل بخبرته عني
سلام
-
ليك حق تزعل لو افتكرت انا مين :36_3_10[1]:
انا بهزر معاك بس اولا حمد لله على السلامة
المشكلة اللى بتحصل لمعظم الاعضاء اللى بيختفو مش بيبقا ظروف او مشكلة بيبقا حالة ملل او زعل من مواضيع غير مهمة او سعات انشغال بمشاكل حياة مع احترامى للمنتدى اللى واخد كل وقتى وانا على النت تقريبا
بس اخيرا وليس اخرا ابعتلى رقمك علشان للاسف مش معايا
-
والله يا اخ نورمال انت موضوعك هين امال تعمل ايه بقى فلى بيقاطع اهله وصله الرحم
-
معلش انا معفش حضرتك , بس عموما خليك انت افضل من الجميع
ويا بخت من قدر وعفى , لعل الناس كان عندهم اعزار او كان فيه مشاغل
وربنا يطمنا عليك دايما وعلى الزملا الاعضاء ومحدش يحصله حاجه وحشه
-
حمد الله على السلامه وكل واحد وليه ظروفه المهم ان حضرتك رجعت للاسف انا لسه جديد فالمنتدى ولاكن احب اقول لحضرتك متزعلش مشاغل الدنيا بس والاهم من ده كله ان حضرتك رجعت للمنتدى بالسلامه
-
انت روحت فين كل الفترة دة وعلفكرة انا كلمتك من فترة واعذرنى الايام بقت بتجرى بسرعة زى ما حصل معاك انا كمان نسيت اكلمك لانك نسيت تسال او تتصل :( كدة انت عليك عزومة كبيرة لكل الاعضاء المقصر فى حقهم بس ياريت متطلبش من الادارة توقف الاكونت :))
-
عاش من شافك يا علي :)
يمكن ما تعرفنيش او ما جمعناش حوار شخصي قبل كده بس انا كنت باتابع مشاركاتك :)
خليك بقى ما تختفيش تاني :)
-
يا هندسة والله انا قولت حاجة من 2 يا مليت من المنتدى , يا بعت سوسو ونسيت الناس خلاص على العموم حمدالله على السلامة ونبدا مع بعض باة انا كمان لسة مخلص جيش ورجعت انهاردة ولا حد سال عليا بس قول الحمدالله :)
-
الحمد لله على سلامتك يا نورمال .... أنا اللى زعلان منك على فكرة
لكن رجوعك نسانى انى زعلان منك
والحمد لله على سلامتك
-
حمد لله على السلامة يا نورمال فى بيتك وسط اصحابك واخواتك
Content Relevant URLs by
vBSEO 3.6.0 PL2