كيا بيكانتو اوتوماتيك ولا افيو اوتوماتيك ولا لوجان اوتوماتيك؟ محتارة جدا
كيا بيكانتو اوتوماتيك ولا افيو اوتوماتيك ولا لوجان اوتوماتيك؟ محتارة جدا
اختي العزيزة :
في المرتبه الاولى : كيا بيكانتوا.
في المرتبة الثانية : افيو
في الشلته الاخيرة : لوجن .
عندك الكيا الشركة الام. ( فورد مازدا وتمتلك كيا ). يعني عربية. جامعه كزا تكنولوجيا. ( يباني على الماني على امريكي على كوري ) فانصحك بيها عربية شبابية عملية اعتداية ( يعني تعتمدي عليها ) صغيرة وواسعه جداً ومريحة وثابته وخامتها ممتازة جداً عن الاختيارات الاخرى.
الافيو. هيا عربية لانوس. الشكل الجديد بشوية تكلونجيا جديدة بس عربية تقليدية بس حلوة
اللوجن عربية روماني. شركة رينو. بتساعدها وبتتصنع في المغرب كويسة لرجل كان سايق شاهين او ريجاتا وعاوز عربية. ومبيدزرش على الرفاهيه لكنوا بيدور. على الوسع. ....
فمش عاوز اقولك. كسيده ولانك بنت والكلام ده لأ. انا لسه واحد شب. عندوا اسرة صغيرة زوجة وطفلين نصحتو بيها بكل ثقه وتوكيلها توكيل محترم. ونقدر نقول على البيكانتوا حققت المعادلة الصعبة عربية صغيرة وكتكوته. كده وسمبتيك وروشة وفي نفس الوقت واسعه جداً ومريحة جوا حتى لو كان الي هيركبها زكية زكريا هتستحمل وتشيل وتسافري بيها كمان والقرار في الاول والاخير ليكي
[overline]كلامك صح مليون الميه ... بس عيب البيكانتو الوحيد من وجهة نظرى سعرها المبالغ فيه بالنسبة لإمكانياتها وحجمها [/overline]اقتباس:
المشاركة الأصلية كتبت بواسطة y a r i s
شخصيا افضل البييكانتو لو استخدام شخصى او اسرة صغيرة
انا معاك قلباً وقالباً بس .... تقول ايه على اليارس الي سعرها نط من ٩٥٠٠٠ ووصل ١٣٣ الف جنيه ولا تقول ايه على العربية الصيني الاسبرينزا الهاتش باك الي كانت ب ٤٠ ودلوقتي بقت ب ٥٨ وتقول ايه على الهونداي الينترا الي نطتت من ٩٥ ووصلت لغايت ١٦٠ انا لسه كنت بفكر. في الموضوع ده النهرده اكتشفت انو عيب جنيه ، الجنيه بتعنا قوتوا الشرائية ضعيفه .... النهردة مثلاً ادي لابنك اتنين جنيه وقلوا هاتلك بيه حاجة حلوة هيقولك يابابا اقل كيس شيبس ب ٣.٥ جنيه هههههه بس في ناس بتقولك كلوا من الحكومة اليابانية والين بتعها الي مره في الطالع ومره في النازل وبعد حادثة المفاعل النووي والتسونامي والتسرب الاشعاعي الحكومة اليابانية فرضة ضرايب على المصانع والشركات والصادرات. فرفعت اسعار الحاجة واثرت على الدول المحيطة بيهااقتباس:
المشاركة الأصلية كتبت بواسطة kingrab
بس بيني وبينك صديقي الي بقولكم عليه كان هياخود فيرنا ب ٧٣٠٠٠ بس لمن جينا قارنا الفيرنا ب الكيا اول فئة. الي هيا ١٢٥٠ سي سي ب ٧٤.٥ قلنا لا الكيا تكسب تصميم جديد وسع رحابة مفهاش حكة المطبات وشوية لمسات بتبقى جميلة ( جنوط وكده ) وشكلها الدينميكي ووسع الكبينة الداخليه. القعده ذات نفسها تحففففففه ملمس الخامات الي فيها والتكنولوجيا الي فيها ده حتى اختلفنا انا بقولوا هات النبيتي. الحمره دم الغزال يقولي لأ بناتي واني احاول اقنع فيه مفيش حاجة اسمها عربية بناتي او عربية رجالي ده مش قميص مرضاش يقتنع قلتلوا انتا حر بس بيني وبينك لونها الاحمر ده تحففففففه. ترجعك شباب كده يا أخي وعاوز يجيب اللون الاسود وهيا فعلاً عربية سبووووور وشبابية وفي نفس الوقت عائلية وربنا يقدم مافيه الخير.... وشكراً لك
شكرا جزيلا علي الردود السريعة و المفيدة.انا كدة خلاص توكلت علي الله و قررت اشتري البيكانتو الخليجي.
جزاكم الله كل خير
هيا عاملة كام البيكانتو الخليجي
فيه 3 فئات :الفئة الاولي 82500اقتباس:
المشاركة الأصلية كتبت بواسطة y a r i s
الفئة التانية 86500
الفئة التاتة 96000
و بالنسبة للوكيل الفئة الاولي 81000
الفئة التانية 86000
الفئة التالتة 97000
بس الخلجي تكييفه احسن و اللون 3 طبقات بس هما خارجين من نفس المصنع و مالوش ضمان ووفيه 2 اير باج
ايه رايكوا؟
بصراحة حاجة تحير .... بس على جميع الحالات التلاته احلى من بعض. واي وحده هتختريها يبقى اختيار موفق وكافية ياست الكل انها. صناعه وتقفيل كوري ١٠٠٪. دي لوجدنا ليها. تمن
اما بالنسبة. انك تاخديها. خليجي ولا مصري.
المصري معاه ضمان وربنا
والخليجي معاه كل حاجة الا الضمان هههههههه. فحاجة تحير وتمخول بس بيني وبينك انا لا ؤؤمن بحاجة اسمها ضمان في البلد دي. ده على مستوى غسالة باضت تاني شهر اشتريتها وقعدوا يلاوعوني ويلاوعوا قلبي. سنتين وعلى قطعه ناقصة. ومش عارف ايه وفي الاخر قالولي عيب استدام قلتلهم عيب استخدام يعني ايه كان المفروض اغسل ببرسيل بس انا غسلت بؤوكسي. ولا حطيت فوطة زيادة مع الغسيل فحاجة تفقع المرارة .... بس بالنسبة للعربيات علشان تكوني في الضمان لازم تروحي الصيانة. بانتظام وكل صيانة. هتدفعي شيء وشويات حتى لو على تغير زيت وفلتر ممكن تغيريهم بره في التوكيل هيدفعوكي بلاوي .... فلو تعرفي مركز بره او عندك حد يقدر ياخودلك العربية كل ١٠.٠٠٠ كيلو مثلاً يظبطهالك في اي حته هاتي الخليجي وتوكلي على الله اوبشن فيه حلو وحاجة فخمة. وبالتوفيق
الصراحة انا مش عارفة اشكرك ازاي.انت فعلا افدتني اوي.ربنا يوفقك و يجازيك كل خير .
اقتباس:
المشاركة الأصلية كتبت بواسطة شيماء
العفو يا أخت شيماء ده وجبنا .... بس ان كنتي مصرة انك تشكريني. فأنا مش هكسفك ياستي .... ياريت بس تعملي حسابي في حته من الخروف الي هتدبحيه لمن تشتري العربية. يعني شوية ريش كده على كام موزة وياريت تتوصي باللية حاكم بتبقى جميلة ولزيزة على الفحم وشوية من الدهاليز اهو العيال يتغذوا ويرموا عضمهم شوية ههههههه والف مبرووك مقداماً .... ويارب يباركلك فيها ويكفيكي شر العين وشر الطريق وشر الحميررر ويديكي خيرها ويكفيكي شرها. وتكون وش السعد عليكي قادر ياكريم
بيكانتو صفقة فاشلة
سعر مبالغ فيه
إمكانيات عادية
مينفعش تتقارن بالأفيو ولا اللوجان بكل بساطة فئة غير الفئة
لو مكانك مش هشتريها
عايزة عربية فى فئة البيكانتو وتحط عليها فيات بونتو وبسعر كويس تمنها فيها بجد
ومعتقدش إن البيكانتو دى ثبات زى ما الأخ ياريس بيقول
البونتو عربية جميلة بجد ونصيحة منى ليكى حرام تدفعى فى صندوق الدنيا دا المبلغ دا كله لما فى إيديكى عربية احسن منها كماركة وتصنيع وسعر
أنت بجد فظيع فاااااااااااظيعاقتباس:
المشاركة الأصلية كتبت بواسطة y a r i s
اقتباس:
المشاركة الأصلية كتبت بواسطة mohammedaladel
يا أخت شيماء ابقي اعملي حاسب الاستاذ محمد في حته من الكتف كده هههههههه خلاص ياعم ولاتزعل نفسك حبيبي يامحمد. ....
انا مش هتكلم انا عاوزك تعدي على اي معرض عندو كيا بيكانتو وقلوا بعد ئزنك افتحهالي. عاوز اتفرج عليها .... وان شفت اي واحد سايق بيكانتو في اشارة قلوا بعد ئزنك ايه رئيك في العربية بامانه ....
وبعدين هنروح بعيد ليه عندك اللوجن مفاهاش بور. والافيو هاف بور. وشوف دريكسيون البيكانتوا ونعومتوا .تلفوا بطراطيف صوبعك ... شوف الماترليل الداخلي لتالت عربيات .... وعلشان محدش يفهمني غلط ويقول اني من ملاك كيا بيكانتو ولا حاجة بس جربتها وسوقتها وجربت الافيو. واشتريت لوجن قبل كده بس بصراحة شركة كيا مبتلعبش والاتقان في صنعتهم. بسم الله مشاء. الله بيصنعوا عربيات محترمة .... واقسم بايات الله لولا الفلوس عجزت معايا شوية كنت زودت ٣٠٠٠ وجبت الكيا ريوا بدل الهونداي rb وكانت ساعتها لسه مطروحة في الاسواق
واحمد زي الحج احمد. والخيرة في ما اختره الله .... وبعدين العربية الكيا البيكانتوا عربية محترمة وشياكة واناقه وبرسيج وشبابية وتقفيل مفهوش الهوى مفهوش غلطة يا اخي امسك اكرت الباب من جوا في البيكانتوا وامسك الاكرة البلاستيك في اللوجن ولا حظ الفرق. أقولك. روح معرض المصرية للسيارات وهتلاقي التلات عربيات واقفين جمب بعض. وقارن بعنيك وبايديك المس بس اقولك بلاش تلمس حسس على العربية دي وصاجها عامل ازاي وحسس على العربية التانية وانتا هتعرف الفرق على طول وفاكر العيوب بتاعت اللوجن الي اتناقشنا فيها بالموضوع التاني ان لقيت عيب واحد من الي انا قلتهم في عربية كيا بحق بلاش كده شوفت عصاية الفتيس الاتوماتيك في اللوجن شوفتها قابه لفوق ازاي ههههههه. حاجة كوميدية كده بس تعالة شوف عصايت الفتيس الاتوماتيك في الكيا عاملة ازاي. .... وحتى بالنسبة لصاحبت الموضوع الاستاذة شيماء. لمن تيجي تركن في وسط الزحمة. في العربية الكيا البيكانتوا هتركن وهيا مغمضة بخلاف عربيات مبهوئه على الفاضي .... انا عاوزك بس تركب العربية البيكانتوا وشوف الوسع بتاعها في الصالون الداخلي واركب في اللوجن واركب في الافيو. ومستني تحكيلنا. شوفت ايه بامانه وضمير
إيه اللى إنت بتقوله دا هو فيه اساسا حاجة إسمها نص باور ومين قال إن اللوجان مفيهاش باور ؟؟؟؟اقتباس:
المشاركة الأصلية كتبت بواسطة y a r i s
للاسف يا عزيزى كلامك كله غلط فى غلط فى غلط فى غلط
راجع مشاركتى شوف انا كاتب إيه طلعت الأفيو واللوجان من المقارنة لأنهم فئة مختلفة ونزلت البونتو مع البيكانتو
البونتو تكتسح بلا أدنى شك من كل الجوانب والشكل دا أذواق بس البونتو شيك جدا والبيكانتو شيك برضه بس هى من الآخر عربية بناتى قوى
الله ينور عليك يا محمد باشا. واخر كلمتين في مشاركتك. جبت الزبدة. والخلاصة لصاحبت الموضوع. ( هيا عربية بناتي ). ونفس الحكاية اختلفت فيها مع صاحبي ولكن على اللون مفيش حاجة اسمها عربية بناتي وعربية صبياني ومفيش حاجة اسمها لون بناتي ولون رجالي
يعني انتا يا محمد باشا ممكن تكون راكب عربية كيا بيكانتوا ولونها احمر. ويجي حد من صحابك يشوفك راكبها ويقلك اده اده اده !!! ايه العربية الي انتا راكبها دي. .... دي عربية بناتي. ئقلع. بسرعه العربية وانزل منها قبل ماحد يشوفك ويدحك عليك هههههههههههه اكيد لأ طبعاً .... ده بالعكس هتبص تلاقي زمايلك يقولولك وااااااااااااااااو ايه العربية الشيك الي انتا راكبها دي جبتها منين ! وبكام ! وجيبتها ايمتى ! اما من حيث الفيات هيا الفيات عربية جميلة بس ايطالي. والايطاليين معندهمش الاجواء الحارة ولا الظروف المتنيلة بتاعتنا زي الكوريين الي بيصمموا عربياتهم لدول الخليج الي لوفقشة بيضتين على كبوت عربيتهم يستوا في ثواني ويتعملوا اوملييت
وفي الاول والاخير في البونتوا انتا اسمك راكب عربية فاااايت بس في البيكانتوا انتا اسمك راكب كيااااااا يعني اسم عريق وماركة
حتى وانتا قاعد في مع جماعه في كافية ولا في اجتماع وكنت راكن صف تاني هينده الجرسون ويقول العربية الكيا الي بره دي بتاعت مين بس شوف الاحراج لمن الجارسون ينده بعلوا صوتوا عربيت مييييين الفايت الي واقفه بره صف تاني وطبعاً كل الي قاعدين هيخطر في بالهم انك راكب ١٢٨ هههههههههه شوف بقه أم الاحراج الي هتبقى فيه وبريستيجك الي ضاع ... ده حتى لمن راح تقابل حد وبتقولوا انا راكب عربية فايت كحلي. غير لمن تقولوا انا هستناك وهتلاقيني واقفلك مستنيك في عربية كيا حمره تختلف ياعزيزي صدقني تختلف .... الاسم لوحدوا ليه سعر وليه تمن ويا اخت شيماء توكلي على الله عقبال ماتخلصي ورق العربية اكون فضيت مكان للحمه في الفريزر عندي ههههههههههههه بس متنسيش نايب استاذ محمد
عشان خاطرى أسكت يا ياريس عشان كلامك دا يغرق
ياراجل حرام عليك بقى كيا ماركة أحسن من فيات ؟؟
وبعدين إنت قلت إنك مش هتدخل تانى ؟ ما تخليك عند كلمتك هههههههههههه
طب خلاص ياعم محمد انا بس هاخود اللحمه وماشي ههههههههههههههههه
اقتباس:
المشاركة الأصلية كتبت بواسطة y a r i s
ههههههههههههههههههههههههه ... بجد أنت مشكلة ...
.
بس صحيح يا محمد باشا. انتا في كزا موضوع لاحظت انك هاجمت التويوتا الياباني مش فاكر كانت كورولا او ياريس .... ولمن دخلنا في نقاش بتاع الهوندا. كمان معجبتكش دلوقتي اهو حتى الكوري. لقيتك بتفضل عليه الايطالي .... بيني وبينك انا عايش في الشرق الاوسط يعني جمب خط الاستواء عدل لذلك لا افضل. العربيات الاوروبية. حتى لو كانت الماني لاني بمنتهى البساطة انا معنديش تلوج هنا ... ده الدنيا اول ما تمطر عندنا كل فين وفين بتبص تلاقيها قلبت وحل وطين ومليطة ، وحتى قوس القزح مبنشفهوش في السما. وطول السنا درجات حرارة بسم الله مشاء الله حدث ولا حرج بتخلي الواحد يطلع من هدوموا فايه سر حبك ياباشا للايطالي والفرنساوي ... رغم ان في دول الخليج ملهمش سعر ولا ليهم لازمة هناك والناس مبتركبهاش حتى لو ببلاش عمرك شفت حد جي من الخليج ونازل بعربية فايت وجي نزل يصيف في مصر هههههههه. طب بلاش عمرك شفت حد جي حتى من ليبيا وراكب عربية فايت ولانزلوا بعربية لادا ٢٠١٣ .... ففي عربيات احنا عملنالها سعر وهيا ملهاش لازمة .... صدقني قوة تحمل العربيات الياباني والكوري. اكثر من قوة تحمل الايطالي والفرنساوي .
وانا سامحني مش عاوزك تاخود على كلامي روح اركب وجرب بنفسك. وساعتها هتصدق كلامي .... لان الكلام سهل ومعلهوش جمارك بس جرب وشوف بنفسك وصدق الي قال التجربة خير برهان ... انا عارف ان معندناش تيست درايف هنا في مصر ... بس زي ماقلت لحضرتك روح اي معرض عربيات. وشوف الخامات. بنفسك وحسس عليها كده بايديك والمسها .... هتحس بالفرق .... وان تسنى ليا في يوم من الايام اقابلك و اخليك تسوق عربيتي هخليك تسوقها وتجربها بنفسك
انا مش هقول اي كلام صدقني. انا حتى المني كوبر سوقتها وعجبتني كاحساس قيادة بس معجبتنيش كمتريل او كصالون وزيها زي اي عربية وأدي ياسيدي. فيديو مصوروا بس مكنتش عاوز اعرضوا علشان محدش يدحك عليا لاني معرفتش اشغالها غير لمن سئلت اخويا بتشتغل ازاي وفي النهاية طلعت زي اليارس لازم تدوس على الدبرياج علشان تشتغل
[youtube]http://www.youtube.com/watch?v=i2bS9evZwns&feature=youtube_gdata_player[/youtube]
لو حضرتك عندك أطفال أو في القريب إن شاء الله بلاش البيكانتو
هتزهقك :)
ياريس يا صديقى أنت دائما مصمم على رأيك وهو خطأ و متنساش إن الأخت هتشترى عربية وهتدفع فلوس فحرام إنك تضللها بكلامك دا
أنا مش بعايب على عربية بعينها لكن بقارن عربية مع عربية
لما اتكلمنا عن الهوندا سيفيك مثلا الجديدة قلت شكلها سئ وسعرها غالى لكن أنا بحب هوندا جدا بس الشكل القديم بس برضه سعرها غالى عن اللزوم
لما اتكلمت عن الكورولا الشكل القديم دا عجيبة الشكل العربيات الصينى أشيك منها يا راجل دى مقطومة من قدام ومن ورا كدا متفرقش وشها من ضهرها والشكل الجديد لما نزل بالفتيس إم إم تى فشل فشل ذريع
ومع ذالك نزلت بالفتيس الأوتو العادى وسعرها غلى أكتر من غير أى جديد وخسارة فيها التمن دا
الياريت عربية حلوة مقلتش وحشة بس احنا قارناها بالتيدا والتيدا أفضل منها من وجهة نظرى
ركبت الياريس 700 كيلو سفر رايح جاى موديل 2007 عربية ضيقة جدا بس هى حلوة وعجبتنى بالنسبة لفئتها وسعرها وقتها كان كويس
أحب ف اليابانى سيفيك إمبريزا لانسر شارك غير كدا لا
فى الكورى ولا عربية من هيونداى شكلها عاجبنى أشيك عربية شفتها لهيونداى هى هيونداى كوبيه وجينسس اللى مفيش منها كتير فى مصر
لو هتتكلم عن الخامات السيئة يبقى خليك فى الكورى واليابانى كمان كخامات داخلية و كدا مش قوى
عايز خامات عالية مش هتلاقيها فى العربيات الغالية قوى
معلش يعنى بيكانتو مين دى اللى خامتها كويسة مين قال كدا ؟؟ بيكانتو مين دى بتاع الثبات ؟؟ إنت جربت ؟؟؟
كيا مين دى اللى تقارنها بالمارد الإيطالى فيات مالك فيرارى ومازيراتى وغيرهم من الشركات العملاقة
فيات برافو تعرف عنها حاجة ؟؟ فيات لينا تربو تى جيت تعرف عنها إيه ؟؟؟
فيات بونتو تعرف عنها إيه
فيه حد يقول ع الألمانى وحش ومش مناسب لينا ؟؟؟؟ يا راجل دا بعد الصناعة الألمانية فى العربيات متحكيش
مين قال إن الفرنساوى مش بيستحمل ؟؟؟ أنت جربت ؟؟؟؟
فين الأسعار المبالغ فيها بتاع الفرنساوى والألمانى ؟؟
العربيات الفرنساوى تمنها فيها ومش بينضحك عليك
شاور على عربية واحدة بس ألمانى أو فرنساوى وقول لى دى تمنها مبالغ فيها مش هتعرف لأن العربيات دى تمنها فيها بجد
ا
إنما الياريس بتاعتك تروح تشتريها زيرو هتدفعلك 30 ألف جنيه زيادة مثلا عشان العربية دى شعبية وكله راكبها
مش معنى كدا إن الألفا روميو مش كتير راكبها وحشة
طيب بلاش كدا أنا هقارنلك يابانى بيابانى
هو ليه الكورولا منتشرة والإمبريزا لأ برغم الأمبريزا تحط ع الكورولا كفاية شكلها ؟
مش الأمبريزا يابانى برضه ؟؟ لو جاوبت على السؤال دا مع نفسك هتعرف العربيات الحلوة فعلا فين والعربيات العادية بثمن مبالغ فيه فين وشكرا
وياريت تتأكد من كلامك لأنه خاطئ جدا
معلشى لو سمحت كله كوم و الجمله ديه كوم تانى خالص ....فهمنى لو سمحت ايه علاقة كيا بفورد و مازدا !!اقتباس:
المشاركة الأصلية كتبت بواسطة y a r i s
لصاحبة الموضوع اتمنى من حضرتك قراءة مشاركات الاستاذ محمد العدل MohammedalAdl الى مطلوب موجود فيها و الله ....انا كل مابخش المنتدى و اشوف مقارنات من ديه و اشوف الردود بزعل ان فيه لسه ناس عندها معلومات و معتقدات خطأ بالشكل ده ...
المارد الايطالي. .... ينهر ازرق. هيا شركة فيات تعتبر مارد .... وده ازاي نعرف نصرفوا ياباشا هههههههه بيني وبينك انا مجربتش من عربيات الفيات غير شاهين سنة ٢٠٠٣ وعملت بيها حتت دين حادثة زمان قدام الشيخ زايد. كان ساعتها لسه هيبر فاتح جديد اياميها على ما اتذكر ومكنش فيه المطبات دي
غير كده مجربتش ومحاولتش اجرب اي متركة اسمها فايت خالص ، وحكيتلك زمان لمن ولدي جابلي اول ما اتخرجت من الجامعه عربية فايت ١٢٨ هديت نجاحي ويادوبك جي اشغلها الفتيس طلع في ايدي. وصلحتها وبعتها على طول حكيتلك القصة دي
والسوبارو انبريزا او شركة سوباروا ككول هيا تابعه لشركة تويوتا الي طورتها وحسنتها وحسنت ادائها زيها زي شركة ديهاتسوا كمان تابعه لشركة تويوتا ا.... وسبب عدم الانتشار هو عيب وكيل وعيب توزيع وعيب دعايه واعلان وفرق سعر غير كده هيا عربية ممتازة جداً انا بصراحة جربتها زمان في احد الدول الخليجية عربية ناعمه نعومية السنين. وسوقت كمان سوباروا بابين. اسمها vxr كانت تحفة واول عربية اجربها دفع امامي هيا الفي اكس ار السوباروا واتفاجئة ازاي بتمشي بيها على الرملة الناعمه من غير ماتغرز. ولا صوت التيربوا فيها حكاية
بس صدقني. جرب الكيا وسوقها وبعدين نتكلم .... واليارس بتقول ركبتها لكن انا بسئلك سوقتها. لو مسوقتهاش انا عندي وحده ومستعد اخليك تجربها بنفسك هتعجبك صدقني ، اما بالنسبة للصناعه الالمانية لاغبار عليها بس تعاله شوف قطع الغيار عاملة ازاي تعاله شوف مين بيفهم فيها وبيفهم يصلحها والعيوب الكهربائية المعقدة الي بتبقى فيها واعطال الكمبيوتر بتاعها ومشاكل الحرارة وسخونت المحرك
انا لمن باجي بشتري عربية لازم ابص اشوف قطع غيارها فيين وبكام ومين بيفهم فيها ولو جيت بعتها هبعها بكام وهخسر كام واهكسب كام مش مجرد اني اشتري وخلاص. .... تقدر تقلي كام محل فيكي يامصر بيبع قطع غيار الالالفا روميو ولا هو فين توكيلو اساساً .... بس تعاله شوف قطع غيار الياباني والكوري بسم الله مشاء الله وانتا نازل تجيب علبة سجاير تتكعبلك في محلين او تلاته واربعه لقطع غيارهم الي كل فين وفين لمن تغيرهم. مش زي عربيات المارد الايطالي هههههههههههه ولا العملاق الفرنساوي
بس صحيح يا بوحميد اذا فيات مارد والفرنساوي عملاق اومال تويوتا تبقى ايه عارف تبقى ايه. تبقى صانع السيارات رقم ١ في العااااااالم بلا منازع .... يليها جنرل موترز.... . ثم يليها شركة فولكس
اقتباس:
المشاركة الأصلية كتبت بواسطة ahmedmohamed7
مالك مستغرب ليه. ايه اول مره تسمع المعلومة دي اعمل حضرتك سيرش عن تاريخ العربية وانتا تعرف مين الشركة الام والمالكه لاسهم شركة كيا
هوه الموضوع سخن كده ليه ؟؟
عموماً النصيحة اللى أديهالك مهما كانت العربية اللى هاتشتريها كيا بيكانتو أو لوجان أو أفيو ... علشان خاطرى إبعدى عن الخليجى ... خليكى فى الوكيل والضماااااااااااااااااااا ااااااااااااااااان والكلام ده عن تجربة
أنا عربيتى خليجى وبعانى من كتر الفلوس اللى بدفعها فى قطع الغيار ... ومبتفرقش عن الوكيل حاجة ...
تصحيحا لبعض المعلومات و الحقائق اللي ذُكرت في الموضوع .
شركة كيا مملوكة لشركة هيونداي. (كان فيه زمان تعاون بينها و بين فورد - بس ده كان زمان و دلوقتي هي جزء لا يتجزء من مجموعة هيونداي كيا العالمية و بتستخدم مواتير هيونداي و تصميمات هيونداي .)
شركة سوباورا ........ شركة يابانية و ليست مملوكة لتويوتا نهائيا
تويوتا تملك 16 % من الأسم فقط و ليس لها حق الأدارة أو التطوير أو أي كلمة داخل الشركة .
تويوتا بتعمل حاجة .......... و سوباورا بتعمل حاجة تانية خالص و مفيش أي وجه شبة بين الأثنين في أي حاجة .
شركة فيات من أقدم الشركات في العالم و شركة كيا تأسست بعدها ب 70 عام تقريبا .
أما من ناحية مقارنة الفيات بونتو بكيا (ملناش دعوة بالتاريخ )
الكيا تتميز بالشكل الأنيق جدا ......... و أسم كيا أسم كبير و محترم .
و بونتو تتميز بأسم فيات العريق ......... و ثباتها أعتقد و الله أعلم هايكون أعلى من الكيا ......
بس البونتو شكلها قديم شوية دي من 1994 ....... و شكلها تقريبا ما أتغيرش كتير .
أنما هي عربية ممتازة و حمالة آسية .
و كل عربية لهاعيوبها و مميزاتها .
أنا عايز بس أقول حاجة
العربيات كلها حلوة و كل عربية لها مميزات و لها عيوب ................ و مفيش حاجة حلوة على الأطلاق و حاجة وحشة على الأطلاق.
-------------------------------
ياريس بك
أسلوبك في الكتابة قمة الضحك ................ بأشكرك على اللحظات اللي بتخليني أبستم فيها .... ربنا يباركلك يا باشا .
عايو أقول حاجة تانية و ده رأي شخصي .
الكيا سعرها عالي قوي على عربية 1200 سي سي .