احسن لون كيا كارينز

**adelghanem** · 21-10-2012 12:40 PM

اللون ازواق ,انا اشتريت اللون الفضى مع فرش اسود والمدام كان نفسها فى لون فيرانى والاولاد واحد كان عايز ابيض والتانى كان عايز اسود مش قلتلك ازواق ,انت شوف الالوان واللى تستريحله اشتريه وربنا يوفقك

**aly_moh** · 22-10-2012 11:40 AM

هات اللون اللى يعجبك انت , انت اللى هتركب العربية بس نصيحة هات الفرش الداخلى غامق عشان الاطفال و الاكل جوة العربية بيبهدلها

**khaled_legend** · 23-10-2012 07:47 PM

البترولي و لكن انا بفضل البتنجاني لانه في الكيا روعه

**yasserelshakwe** · 07-01-2015 09:08 AM

يا شباب انا ناوي اشتري الكارينز موديل 2015 هاي لاين
واللون ها اجيبه بترولي لاني بحب اللون ده
ولكن عاوز نصيحة الخبراء الاعزاء في العربية نفسها هل هي عربية كويسة من حيث سعر قطع الغيار وجودة العربية والموتور
وهل اصلحها عند التوكيل ولا عند ميكانيكية صقر قريش مثلاُ لأني ساكن في المعادي

**houseiny** · 07-01-2015 10:30 AM

فضي حلو ومش بيبان فيه الخرابيش والتراب وبيكبر حجم العربية ، الابيض شيك جداً واحلي لون عليها وخاصة مع السق الاسود بانوراما بيكون تحفة فنية يعيبه الخرابيش بتبان فيه وشكل العربية بيبوظ لو فيها خربوش واحد ، البترولي رائع ومخلى العربية شكلها فخم جداً لكن يعيبه التراب اللي بيبان فيه وعايز تنضيف على طول ومسح العربية كل شوية
انا معايا افضي من بره اسود من جوه بصراحة مريحني جداً من عناء النضافة كل شوية

**amr_naser** · 07-01-2015 02:48 PM

شوف يا باشا
اولا الالوان ازواق لكن عمليا فيه حجات مهمة الالوان الغامقة بيبان فيها الغبار والالوان الفاتحة لا
الالوان الغامقة حتحتاج منك غسيل كتير وكمان مسح كل يوم وممكن فى اليوم الواحد مرتين ثلاثة كمان يا اما تقبل الامر الواقع وتسيبها بترابها
وطبعا كتر الغسيل مع العوامل الجوية حتلاقى البوية باظت
الالوان الفاتحة العكس ممكن يبقى مليان تراب بس مش باين طبعا ماعاد الابيض

الفرش بقى
الجلد استاذ فى التنظيف بس عيبة فى الحر بيلسوع
القماش بقى عيبة انة بيتوسخ ومش سهل تنضيفة خصوصا لو لون فاتح انما الغامق بيستحمل اكتر
اذا شغلك مفيش فية اى تراب وفى نفس الوقت الناس اللى بتركب معاك كلها بعيد ع الحجات دى حتفضل نضيفة والعكس
كمان بقى الاصفال ما شاء الله من اول الشوكلاتة والبسكوت والعصير لحد التنطيط جوة العربية بيسيبوا بصمتهم فى كل مكان
هههههههههههه حاجة فل الصراحة تدفع فى العربية دم قلبك ويجى عيل يضيع تعب السنين
المهم اختار بذوقك يا معلم وربنا يمتعك بيها ويرزقك خيرها ويكفيك شرها ويرزقك كل خير