احسن لون كيا كارينز

**ramymt** · 01-09-2012 09:07 PM

السلام عليكم ورحمة الله وبركاته
يا ترى هو ايه احسن لون لكيا كارينز
انا محتار بين البترولى والبنى وفيه لون زى الابيض اللولى او اوف وايت مش فاكره اوى
ياريت لو حد عنده صورة واضحة للبنى ويقولى ان الابيض اللولى او الاوف وايت اسمه ايه فى البروشور وبرده لو صورة واضحة لعربية باللون ده يبقى الف شكر
ولكم منى جزيل الشكر ومستنى ارائكم
والسلام عليكم ورحمة الله وبركاته

**Domestix007** · 01-09-2012 10:20 PM

الموكا (البني) من أحسن الألوان من وجهة نظري و يا سلام لو مع فرش بيج يبقى حاجة عنب :) .. الأبيض اللي حضرتك بتتكلم عليه إسمه في الكاتالوج Vanilla Shake بس معرفش بيقولوا عليه ايه عندنا في مصر إنت عارف كل حاجة بتتغير :)

**شريف حجازي** · 01-09-2012 11:11 PM

السلفر او الفضي يعني وفية كمان فرش بيج حاجة اخر حلاوة جمعت بين اللون الفاتح من برا العربية الي بيتحمل الاتربة وشكلة شيك وفخم وبيدي للعربية حجم اكبر وكمان لون الصالون بيج بيكون اوسع واجمل في المنظر انا عن نفسي ناوي علي كدة ان شاء الله سلفر وفرش بيج

**hossam_elwani** · 01-09-2012 11:28 PM

الكريمى او الحليبى او المشروم حسب المسمى هو احلى لون عليها مع جنطها الاصلى الــ16 مع صالون بيج

بتبقى تحفه

**Khaled_Nowaihy** · 01-09-2012 11:49 PM

أحلى لون شفته هو البترولى Moon Light Blue
ودى كل الألوان بتاعتها

**Ahmed_Adham** · 02-09-2012 03:43 PM

معتقدش ان في حاجه اسمها أحسن لون لأن كل واحد بيحب لون على ذوقه بس لو هنتكلم على الاعتماديه يبقى خارجي فاتح مع داخلي غامق زى أبيض بره مع رمادى أو اسود جوه وده عشان بره يعكس الحراره وجوه ميبقانش فيه البقع والبهدله خصوصا لو عندك أطفال.

أنا عربيتي موكا (شبه بني) خارجي وبيج داخلي - شيك جدا بس بنتىي مبهدله الكرسي اليمين وبفكر أركب فرش جلد لسهوله التنضيف بس خايف انه يبهدلني في الشمس.