الموضوع: فك وتنظيف فلتر التكييف + هوايات التكييف اليمين والمنتصف والشمال (الطريقة الصحيحة )

السلام عليكم قرأت الموضوع دا سابقا
http://www.nilemotors.net/Nile/290041-ii.html
الطريقة دى غير مجدية للأسف وينتج عنها كسر فلتر التكييف وإذا لم يتم كسره أثناء الفك سيتم كسره أثناء التركيب لأنه ضعيف ومصمم بطريقة تجعل كسره سهل جدا حتى لو بالطريقة الصحيحة من الوارد كسره لأنه ببساطة لا يوجد حيز من الفراغ يسمح له الدخول والخروج بسلاسة ودا أشكر صاحب الموضوع ولكن أقول له
حضرتك تعبت أكتر منى بكتييييييييير وانا حاولت أعمل زى حضرتك لكن لم أوفق فاضطررت إلى الطريقة الصحيحة هما اللى صمموه عملوا الإطار البلاستيكى اللى برا ضعيف عشان يتكسر بسهولة وهما يبيعوا تانى وتالت

المطلوب الآن هو فك درج التابلوه حتى نستطيع الوصول لفلتر التكييف:
نفتح باب السيارة اليمين هنلاقى حتة البلاستيك دى :

نيجى نحط مفك هنا ونطلعها أو بإيدينا هتطلع معانا




بنطلعها بالشكل اللى فوق وبعدين نفك الفبرة دى هنفكها إزا هنشدها لتحت وبعدين نسحبها لبرا هى مصممة كدا وأحنا بنركبها هنضغط عليها على طول هتركب



تمام لحد كدا نروح بقى لحتة الفبر اللى فيها زرار تشغيل وإطفاء الإيرباج
إحنا هنطلع الحتة الفبر دى بإيدينا نشدها لبرا هتطلع ممكن تستعين بمفك بس هى سهلة
بيبقى فيها زرار الإيرباج ممكن تشتغل وهو موجود بحيث إن حتة الفبر تبقى متعلقة فيه بعد ما تتفك وممكن تفصل فيشة الزرار لو عايز بس الفكرة كلها إحنا بنحوش الفبرة دى عشان تحتيها مسمارين
مسمار منهم هنفكه ومسمار تانى هنسيبه ملناش دعوى بيه



نركز فى الصورة دى المسمارين اللى متعلم عليهم بالأخضر هنفكهم هما مسمارين نجمة يعنى لا غنى عن طقم النجمة يكون معانا
والمسمار اللى متعلم عليه بالأحمر مش هنفكه لأنه ملوش علاقة بموضوعنا

كدا يبقى خلصنا من أول جزء الباقى سهل جدا هنعمل إيه ؟
نفتح درج التابلوه هنلاقى حتة بلاستيك مستطيلة من ع الشمال هنخلعها هنلاقى تحتها مسمار نجمة نفكه


بعدين نبص جوا التابلوه من قدام جمب اللمبة بتاعته هنلاقى فيه 3 مسامير نجمة واحد فى النص واحد فى اليمين واحد فى الشمال فك يا معلم


كدا قشطة قوى اقفل درج التابلوه شده بالراحة هيطلع معاك الكبير


هنلاقى حتة موكيت تحته

حتة الموكيت دى واحنا بنركب هنركبها فيه من تحت قبل ما نركبه بالشكل دا هى بيبقى لونها بيج من ناحية ولونها أسود من الناحية التانية


تمام كدا الفلتر بقى موجود تحت ليه حتة بلاستيك لونها أسود نمسكه منها وندوس عليها ونشد بالراحة هيطلع معانا بس بالراحة عليه وشوف هيبقى طويل قد إيه وإن مينفعش يتفك غير بالطريقة دى


الصورة دى بقى بتبين نقاط ضعف الفلتر شايفين عاملينه إزاى بحيث إنك لو وقع منك يتكسر زى البسكوت

المهم طبعا حان وقت التنظيف يتنفخ بهوا بس بالراحة عليه وننفخ فى الجهة النظيفة وليس العكس يعنى ننفخ المنطقة اللى بتدخل هواء على الكابينة عشان الهواء يطلع لبرا بالتراب

أنا بقى اتغابيت عليه و فضلت أخبط فيه على الحيط نزلت أغلب ال تراب اللى فيه ولكن كسرته بس ركبته برضه

فيه غطاء جمب فلتر التكييف من تحت مش محتاجين إننا نفكه لو عايز تفكه براحتك برضه شده من تحت هيطلع معاك

كدا خلصنا من الفلتر لو عايز تقفل على كدا قفل تانى زى ما عملنا بالظبط فى الفك
عايز تكمل خليك معايا

دلوقتى هنبدأ شرح فك هوايات التكييف التلاتة اللى فى النص هنبدأ بيها
هو عامة أنا هشرحهم عشان الباش مهندس هشام هو أنا فكيتهم عشان التنظيف مش أكتر

لكن أنا عايز أعرف الباش مهندس هشام فكهم ليه ؟؟ برضه عشان التنظيف

فيه طريقة أسهل من فكهم قبل ما أبدأ خصوصا إنك هتلاقى كل مجارى الهواء بتاع التكييف فيها تراب ناعم ولازق ومش هتقدر تعمل معاها حاجة لأنك محتاج تفك التابلوه بالكامل الله لا عنهم نظفوا ههههه

ممكن تجيب فرشة أسنان رفيعة وتنظف بيها الهوايات لكن أنا هشرحهم برضه

الهواية اللى فى النص فى الموضوع دا
http://www.nilemotors.net/Nile/303319-a.html


الهواية اليمين قبل ما نركب الفلتر نصبر الهواية دى فكرتها إيه ؟ داخلة ضغط بكلبسات ليها 6 نقاط متثبتة بيهم فى التابلوه طيب ممكن نفكها من فوق آه ممكن بس هتتعب جدا واحتمال تكسرها كمان



طيب أنا مفكتش من فوق أنا وأنا فاكك الدرج نزلت من تحت ونمت على ظهرى زى جوا زى الأسطة بلية وجبت مفك وكشاف وطلعتها من تحت للعلم غلبتنى قوى للعلم فيه كلبسة منهم مش هتقدر توصلها وهى الكلبسة اللى فوق بس دى جبتها من فوق بقى

هنبدأ نفك الكلبستين اللى تحت فى الأول وبعدين اللى فى الجمب ونطلعهم لفوق وبعدين واحدة من اللى فوق والتانية هنطلعها من فوق زى ما قلت و نشد هتطلع معانا بسهولة



إغسلها بمياه وآريال أو السبراى اللى بتقولوا عليه دا wd40 وسيبها تنشف فى الشمس الشموسة وبعدين ركبها ضغط بسهولة هى مفيهاش اى جزء كهربائى عبارة عن بوابة جلد من ورا بتفتح وتقفل
معرفتش أصورها كويس بس دى صورة مش واضحة للهواية من تحت

للعلم إنت هتشوف الإيرباج وهتشوف الفيش بتاعتها لاحظت حاجة غريبة مكتوب على التابلوه srp air bag المفروض إن الإيرباج تبقى ورا الكلمة دى على طول لقيت إن الإيرباج بعيدة خالص عن الحتة دى هتشوفوها لما تفكوا فهل لما بتنفجر بتاخد مسار معين وتروح طالعة من النقطة دى سبحان الله علم الإنسان ما لم يعلم



كدا بقى نروح للهواية الشمال هنفكها بنفس الطريقة دى بس هنبتدى نفك الأول القطعتين الفبر اللى فكيناهم برضه عشان نطلع درج التابلوه

بعدين هنفك الحتة الفبر اللى من ع الجمب برضه بإيدينا



طبعا عشان نفك المسامير دى اللى هى تحت الغطاء الفبر اللى فكيناه




بعد ما نفك المسامير دى
هنحوش الغطاء بتاع علبة الفيوزات ونفك المسامير اللى تحتيه ونطلع ا لغطاء ونعمل زى ما عملنا مع الهواية اليمين بالظبط و نطلع الكلبسات بتاعتها الضغط ونفكها ونغسلها ونركبها ضغط تانى




معلش لو كانت الصور مش واضحة لكن أى استفسار أنا فى الخدمة ما دمت أحيى ههههههه


شفتو فك الفلتر وتركيبه طلع سهل إزاى وأى حد ممكن يعمله بسهولة ومن غير ما يكسر حاجة

كدا والله أعلم محتاج إنك تفك التابلوه كله يا باشا وهو سهل مش صعب بس لو إنت غاوى هتلاقى مسامير زيادة من ع الجمب اللى مثبتة التابلوه

طبعا هتفك أى غطاء تلاقيه فى وشك هتشيل الغطيان بتوع التويترز وتشيل الوش بتاع الهوايات اللى فى النص وبعدين تشيل الكاسيت وهتفك البلاستيك اللى حوالين الفتيس والعلبةاللى جمبك

دا لو عتشيل التابلوه كله وع العموم أنا هشوفلك الموضوع دا قريب
ومكانها أعتقد إنه هيبقى قدام الفلتر