golf 6 vs. Opel Astra Cosmo 1.6

**okacha** · 02-09-2012 12:17 PM

ممكن اعرف ليه الاسترا افضل من الجولف؟انا ركبت الاتنين و حاسس فعلا ان الاسترا الجديده ليها طعم تانى غير الجولف 6
بس ساعه الشراء الواحد يفضل يفكر برضه دى جولف.
هل فى فرق فى قطع الغيار و الصيانات ما بين العربيتين و لا متقاربين؟
هل فى عيوب معينه فى الاسترا او الجولف؟

**dede_dodo88** · 03-09-2012 12:23 AM

المشاركة الأصلية كتبت بواسطة okacha

ممكن اعرف ليه الاسترا افضل من الجولف؟انا ركبت الاتنين و حاسس فعلا ان الاسترا الجديده ليها طعم تانى غير الجولف 6
بس ساعه الشراء الواحد يفضل يفكر برضه دى جولف.
هل فى فرق فى قطع الغيار و الصيانات ما بين العربيتين و لا متقاربين؟
هل فى عيوب معينه فى الاسترا او الجولف؟

طول ما في كلام على فتيس الجولف أكيد هكش و أنا بفكر فيها.. أنا عن نفسي أستبعدتها تماماً من حساباتي وقت ما كنت بفكر في عربية..
زي ما في كلام سيءعن توكيل أوبل ففي كلام أسوأ على توكيل الفولكس..
من تجارب ناس أعرفهم بس في عربيات تانية غير الجولف الفولكس توكيلها حرامي, و واحد أعرفه حرقوله التابلوه و هما بيصلحوا التكييف و لما جم يغيروهوله جابوله تابلوه تاني مش بتاع العربية.
الأسترا كحجم أكبر مشكل ملحوظ جداً سواء في الطول أو العرض عن أي عربية موجودة في فئتها, أرتفاعها عن الأرض جيد جداً عشان المطبات و كده,, العربية تعاملها مع الطرق المكسرة و المطبات ممتاز جداً و العفشة ناعمة جداً فالركوبة بتبقى ممتعة مش متعبة خصوصاً ان الكراسي مريحة..
كجودة صنع أنا شايف أن الأسترا تتفوق على الجولف على الرغم أنها تقفيل بولندي,, كونسول الجولف فقير و ممل لأقصى درجة على عكس الأسترا..
الأسترا ممتازة على السرعات العالية و الهاندلينج و الثبات على المنحنيات على سرعة فوق الممتاز تحس العربية لازقة في الأرض.
موتور العربيتين فقير بالنسبة لعربيتين المفروض أنهم ليهم طابع رياضي. بس غالباً حتى الأسترا hp أعلى هو 115 مش متأكد الجولف تقريباً 100.. طلعة الأسترا تقيلة شوية لكن على سرعة الدنيا بتبقى كويسة جداً..
الأسترا الدركسيون كهرباء فناعم لأقصى درجة و ده بيزود متعة السواقة لأنه ناعم و دقيق في التوجيه..
صيانة الأسترا منصور مخليها زي معظم العربيات مش زي الألماني كل 10 ألاف أو لما العربية تقولك.. يعني أنا عملت لحد لدوقتي الـ5 و 10 و لسة عامل الـ15 ألف و التكلفة أعتقد أنها مش غالية..

**melagouze** · 05-09-2012 02:15 AM

المشاركة الأصلية كتبت بواسطة dede_dodo88

طول ما في كلام على فتيس الجولف أكيد هكش و أنا بفكر فيها.. أنا عن نفسي أستبعدتها تماماً من حساباتي وقت ما كنت بفكر في عربية..
زي ما في كلام سيءعن توكيل أوبل ففي كلام أسوأ على توكيل الفولكس..
من تجارب ناس أعرفهم بس في عربيات تانية غير الجولف الفولكس توكيلها حرامي, و واحد أعرفه حرقوله التابلوه و هما بيصلحوا التكييف و لما جم يغيروهوله جابوله تابلوه تاني مش بتاع العربية.
الأسترا كحجم أكبر مشكل ملحوظ جداً سواء في الطول أو العرض عن أي عربية موجودة في فئتها, أرتفاعها عن الأرض جيد جداً عشان المطبات و كده,, العربية تعاملها مع الطرق المكسرة و المطبات ممتاز جداً و العفشة ناعمة جداً فالركوبة بتبقى ممتعة مش متعبة خصوصاً ان الكراسي مريحة..
كجودة صنع أنا شايف أن الأسترا تتفوق على الجولف على الرغم أنها تقفيل بولندي,, كونسول الجولف فقير و ممل لأقصى درجة على عكس الأسترا..
الأسترا ممتازة على السرعات العالية و الهاندلينج و الثبات على المنحنيات على سرعة فوق الممتاز تحس العربية لازقة في الأرض.
موتور العربيتين فقير بالنسبة لعربيتين المفروض أنهم ليهم طابع رياضي. بس غالباً حتى الأسترا hp أعلى هو 115 مش متأكد الجولف تقريباً 100.. طلعة الأسترا تقيلة شوية لكن على سرعة الدنيا بتبقى كويسة جداً..
الأسترا الدركسيون كهرباء فناعم لأقصى درجة و ده بيزود متعة السواقة لأنه ناعم و دقيق في التوجيه..
صيانة الأسترا منصور مخليها زي معظم العربيات مش زي الألماني كل 10 ألاف أو لما العربية تقولك.. يعني أنا عملت لحد لدوقتي الـ5 و 10 و لسة عامل الـ15 ألف و التكلفة أعتقد أنها مش غالية..

الكلام ده 100% ..........انت قلت اللي انا عايزه و زياده........ده ملخص سنه من الحيره بين الاسترا و الجولف...........الاسترا بلا شك....افخم....اوسع...شنطه اكبر....عاليه عن الارض....قطع غيارها مش رخيصه بس معقوله........كماليات اكتر بكتيييييير من الجولف ( باستثناء الايرباج) و ارخص 6 الاف جنيه........الوانها تحفه ....و بدات تنتشر بشكل ملحوظ....و ظهور السيدان منها مع اول السنه اللي جايه هيظبط اعاده البيع بتاعها....التوكيل عايز واحد يكون بيعرف ياخد حقه بس هما ذوق الحقيقه....النقطه الايجابيه بالنسبه للجولف انها الماني 100% ....الاسترا بولندي.بس تقفيلها كويس جدا

اشتري الاسترا و ان شاء الله ربنا يوفقك.....لو هيه دي اختياراتك....المقارنه فعلا محسومه

**AhmedZaki90** · 05-09-2012 10:34 AM

خلاص أنا إقتنعت بال Astra و إن شاءالله حجيبها و كمان منصور منزل عرض خصم ٥ او ٦ آلاف جنية و إتصلت بيهم و طلبت Test drive و اللي فيه الخير يقدمه ربنا

بشكركوا جداً و الله علي مساعدتكوا و معلوماتكوا

**AhmedZaki90** · 06-09-2012 02:03 PM

طب معلش يا جماعة في سؤالين، هي الأوبل أسترا مفهاش بلوتوث !! بس في زرار مكتوب عليه phone !! ده بتاع إيه

السؤال التاني إيه رأيكم في السيات ليون !! معلش أنا تاعبكم معايا بس أنا محتار جداً والله

**dede_dodo88** · 08-09-2012 01:59 AM

المشاركة الأصلية كتبت بواسطة ahmedzaki90

طب معلش يا جماعة في سؤالين، هي الأوبل أسترا مفهاش بلوتوث !! بس في زرار مكتوب عليه phone !! ده بتاع إيه

ده منظر بس!!
هي أصلاً المفروض يكون فيها بلوتوث بس معرفش بقى منصور بيشيله و لا بيجيبها من غيره وللا ايه!!..
بس لما بتوصل التليفون بالـaux in هتغنيك عن البلوتوث..

**AhmedZaki90** · 08-09-2012 09:07 AM

المشاركة الأصلية كتبت بواسطة dede_dodo88

ده منظر بس!!
هي أصلاً المفروض يكون فيها بلوتوث بس معرفش بقى منصور بيشيله و لا بيجيبها من غيره وللا ايه!!..
بس لما بتوصل التليفون بالـaux in هتغنيك عن البلوتوث..

tab ya3ni ha3raf atklm fl mobile mn el car kit w kda !!

**dede_dodo88** · 08-09-2012 01:36 PM

المشاركة الأصلية كتبت بواسطة AhmedZaki90

tab ya3ni ha3raf atklm fl mobile mn el car kit w kda !!

كل اللي أنت هتعمله أنك هتجيب كابل Aux عادي جداً و توصله بمدخل الـAux in اللي جنب شاحن العربية و الطرف التاني هتخليه في الموبايل..
و قت ما هتجيلك مكالمة هتفتحها بس من التليفون و هتتكلم عادي جداً بعد كده و أنت سايب التليفون و هتسمع المكالمة على سماعات العربية كأنه بلوتوث بالظبط..

**AhmedZaki90** · 08-09-2012 05:51 PM

المشاركة الأصلية كتبت بواسطة dede_dodo88

كل اللي أنت هتعمله أنك هتجيب كابل Aux عادي جداً و توصله بمدخل الـAux in اللي جنب شاحن العربية و الطرف التاني هتخليه في الموبايل..
و قت ما هتجيلك مكالمة هتفتحها بس من التليفون و هتتكلم عادي جداً بعد كده و أنت سايب التليفون و هتسمع المكالمة على سماعات العربية كأنه بلوتوث بالظبط..

alf shokr ya basha :D hb3tlak msg 3l private b2a 3ashan ab2a atklm m3ak bra7ty :D w a3raf ezay awslak eza kont 3awz a3rf ay 7aga fl 3rbya :)

en mknsh feha ez3ag ya3ni :$