الميجان 2............السيارة ذات ال 120 حساس :)

**Ahmed Selim** · 01-09-2012 11:35 PM

معلش يا تامر بك...........أقتبست جزء من العنوان من أحد مشاركاتك :)

طبعاً الكلام كتير على أن الميجان مليانة حساسات........نشوف مع بعض كده...........مع العلم أن الصورة فيها الحساسات الخاصة بالكماليات و ليست الميكانيكة.

السؤال............كم مرة ذكرت كلمة سنسور ؟

الإجابة : 3 مرات

و بما أنه دى حساسات للكماليات...........هنضيف من عندنا 10 حساسات ميكانيكية كمان ( رقم جُذافي ) يبقى المجموع 13 حساس.

مع العلم ان الحساسات الميكانيكة اللى أعرفها هى الأتي
1- حساس أوكسجين
2- حساس كامة
3- حساس شكمان
4- حساسات ABS
5- حساس ضغط الزيت
و مش فاكر تاني حالياً

السؤال التاني إجباري : أيه من الحساسات دى مش موجود فى العربيات اللى فى نفس الفئة و بنفس الكماليات ؟؟؟

**تامر.محمد** · 01-09-2012 11:49 PM

ههههههههههههههههههههههه و الله حدث بالفعل و اتقالت قدامي
و بصراحة اقتبست التعليق الشهير بتاع و الله مانا رادد و ما علقتش هههههههههه

**khaabas** · 02-09-2012 01:23 AM

سبحان الله الميجان من العربيات اللى احبها جدا بس الصراحة اخاف منها لسبب بسيط ان اجتمع راى الغالبية على انها عربية اعطالها كتير ، صيانتها صعبة ؛ قطع غيار نادرة خارج التوكيل واتذكر صديق ليه كان راكب ميجان قديم موش فاكر موديل كام بالظبط وكان عاوز يغير يا سير كتينة يا حاجة تانية موش فاكر والله بالظبط لان الموقف من زمان شوية والله ما فى ميكانيكى عرف يعمل اى حاجة فيها وده من وجهة نظرى عيب خطير لان موش كل لما احتاج اعمل حاجة فيها اروح للتوكيل فلو كنت من اى محافظة تانية هاضطر ان اشيلها واوديها التوكيل فمينفعش طبعا لان كل واحد بيجيب العربية علشان اكيد تريحه موش تشله ؛)

**kimo1972** · 02-09-2012 02:11 AM

والله يا جدعان العربية محترمة ومظلومة وقطع الغيار مرططة فى صقر قريش والحرفيين والميكانيكية اكتر من الهم عالى القلب .... ( على فكرة العربية مش قريبتى ومش ببيع بتاعتى)
عربية ركوبة / دقة فى الصنع والتقفيل / اوربى وحط تحتها 100 خط / أمان حدث ولا حرج / ثبت حدث ولا حرج / كماليات مش محتاجة تحطلها حاجة ( انا مكسوف اركب فيها دى فى دى حاسس انه شعبى اوى عليها)
من الاخر يا جماعة العربية عايزة اللى يهتم بيها ويطبب عليها لان المتعة والفخامة ليها ناسها يعنى عمرك مثلا ما تلاقى معلم راكب ميجان............ صح ولا انا غلطان
العربية مظلومة مظلومة

**MohammedAladel** · 02-09-2012 04:02 AM

بصراحة أحسن إنها مظلومة وإن كل الإشاعات دى عليها عشان تبقى عربية مميزة هههههههههه

يا جماعة ياللى قولتو كلام فوق لو قرأتوا الحساسات دى ومعناها إيه هتلاقوها موجودة فى أى عربية فيها نفس الأمكانيات دى

العربية مش معقدة خالص خالص أنا بحب التكنولوجيا فيه حد تانى مش بيحب التكنولوجيا يبقى يركب 128 والعربية التكنولوججيا اللى فيها عادية جدا جدا أنا مش شايف حاجة غريبة الصراحة

أانا مش عاجبنى فى ميجان مكان زرار الإنتظار فى التابلوه تصميم مكانه سئ للغاية جمب زرار التشغيل الميجان عايزها فخمة بجد يبقى تركبها الهاى لاين فرش بيج بيبقى ليه شكل تانى غير الفرش القماش وغير القماش فى جلد الأسود غير كدا العربية لا غبار عليها دا أنا برغم حبى للعربية دى قل ما أجيبها بابا طبعا لا يعرف غير اللانسر والإلنترا وكان عايز يجيب سيراتو زيرو قسط
المهم أنا اللى مسكت فى العربية دى برغم إنى هشتريها مستعملة وبرغم كل ما قيل دخلت هنا المنتدى قسم رينو مش عايز أقولك انا حبيت العربية أنا حبيت الناس اللى هنا أصبحت العلاقة إنسانية شفت الميجان بقى حلوة إزاى ؟

**MohammedAladel** · 02-09-2012 04:19 AM

المشاركة الأصلية كتبت بواسطة تامر.محمد

ههههههههههههههههههههههه و الله حدث بالفعل و اتقالت قدامي
و بصراحة اقتبست التعليق الشهير بتاع و الله مانا رادد و ما علقتش هههههههههه

وأهو أتقال تانى يا باشا أول ما الناس شافت العدد وشافوا رأس الموضوع

**MohammedAladel** · 02-09-2012 04:26 AM

أحب اضيف على الكلام دا إن الميجان فيها حساس أمامى فى الفانوس وحساس خلفى تبع الفانوس معرفش بينزل عندنا فى مصر ولا لأ

وإنت منور الزينون النور الواطى يعنى تعرفوا إن شدة الأضاءة بتزيد مع السرعة ؟؟؟؟؟؟؟؟

**medori** · 02-09-2012 11:05 AM

المشاركة الأصلية كتبت بواسطة Ahmed A.Maksoud

معلش يا تامر بك...........أقتبست جزء من العنوان من أحد مشاركاتك :)

طبعاً الكلام كتير على أن الميجان مليانة حساسات........نشوف مع بعض كده...........مع العلم أن الصورة فيها الحساسات الخاصة بالكماليات و ليست الميكانيكة.

السؤال............كم مرة ذكرت كلمة سنسور ؟

الإجابة : 3 مرات

و بما أنه دى حساسات للكماليات...........هنضيف من عندنا 10 حساسات ميكانيكية كمان ( رقم جُذافي ) يبقى المجموع 13 حساس.

مع العلم ان الحساسات الميكانيكة اللى أعرفها هى الأتي
1- حساس أوكسجين
2- حساس كامة
3- حساس شكمان
4- حساسات ABS
5- حساس ضغط الزيت
و مش فاكر تاني حالياً

السؤال التاني إجباري : أيه من الحساسات دى مش موجود فى العربيات اللى فى نفس الفئة و بنفس الكماليات ؟؟؟

كالعادة طبعا موضوع مميز زى كل موضوعاتك يا أحمد، هى كعدد كتير شويه و فى sensors منهم مش موجوده فى العربيات التانيه بس زى منتا قايل ان دول كماليات زياده فى العربيه اللى متضايق منهم و باظ منهم اى حاجه مثلا و شايفها ملهاش لازمه، خلاص لو باظت سيبها بايظه و مش هتاثر على العربيه فى حاجه، مش كده ولا انا غلطان؟

حساسات الميكانيكا انا شايفها كلها مهمه جدا عشان لو باظت حاجه بتبقى عارف العيب منين فى الغالب، فدى ميزه مش عيب.

ممكن خدمه بقى يا أحمد، ياريت مشكورا تشير المانيوال ده و تحوطلنا اللينك عشان المانيوال اللى معايا هو الuser handbook و مش فيه الحاجات ديه و ياريت لو حد يكون عنده كل الmanuals بتاعت العربيه يعمل موضوع كامل يتحطوا فيه و يفيدوا الناس كلها

-

-

الموضوع: الميجان 2............السيارة ذات ال 120 حساس :)

LinkBack

أدوات الموضوع

عرض

الميجان 2............السيارة ذات ال 120 حساس :) - انشر الموضوع فى :

-

-

-

-

المواضيع المتشابهه

الميجان مش بتدور ... حساس الكرنك حكايته أيه ؟

سؤال : كام حساس فى الميجان؟ وايه وظيفية كل منهم؟ وبيتغر كل قد ايه؟ وايه اعرض تلفهم؟

حد سمع عن حساس فى الميجان اسمه حساس اكسجين؟

السيارة الرينو الميجان 2008 1

حساس الكامة و الكشف على السيارة

الكلمات الدلالية لهذا الموضوع

المفضلات

المفضلات

ضوابط المشاركة