انا عارف ان فى اعضاء عارفين اللى حقوله
بس انا حبيت انوه عشان الناس اللى مش واخدة بالها

اياكم والسرحان بعصبية وبعنف على دواسة البنزين وانت سايق والقيادة العنيفة
لان الاستهلاك البنزين حيكون ناااار وعالى

ححكى لكم عشان تعرفوا انا قصدى ايه

انا معايا عربية تيدا اليابانى 2009 وفولت العربية لغاية الزور .. واطمنت ان الكاوتش عندى مقاس الضغط تمام .. والصيانة تمام عندى مفيش مشكلة

ومشاويرى دايما وسط البلد كوبرى اكتوبر فى زحمته والعباسية واحيانا الدقى والمهندسين ومدينة نصر
وبشغل التكيف دايما .. لقيت بعمل فى الصفيحة 160 ومرة 170 وارقام تخوف


وانا عنيف فى طلعاتى بالعربية .. والسواقة خصوصا لما الطريق الزحمة يفتح

بدوس وبجرى عشان الحق مشوارى .. وطبعا نقلات الفتيس عندى بتنقل بعد 3000 اربى بى ام ولو لقيت طريق مفتوح ممكن امشى على التالت واقفل الاوفر دريف

ومن هنا دخل الوسواس النايلاوى الموتورزى فى دماغى
فقولت اهدى بقاااااااااااااااااا .. عشان اطمن .. يمكن يكون فى حاجة غلط .. ولا هى سواقتى العنيفة

وفعلا .. عدلت من طريقة السواقة .. بقت هادية جدا .. من غير شد .. سواقة شاب رزين فى الخمسينات من عمره .. لقيت استهلاك البنزين فى الصفيحة عمل 210 بالتكييف فى الطرق الزحمة والعادية

اسف على الاطالة .. ملخص الموضوع .. حتحف فى رجلك وتسرح وتتعصب فى سواقتك طلعاتك .. وتعدى كمان سرعات فوق ال120 متجيش تشتكتى من استهلاك البنزين ..

حبيت احكى بصوت عالى يمكن يكون فى افادة للاعضاء الجدد وللاعضاء القدامى لتذكيرهم

ودمتم سالمين

ويكفينا ويكفيكم شر الطريق يارب

تحياتى