كسرت مراية الشماسة

**MohammedAladel** · 02-09-2012 04:14 AM

بابا جه من مشوار ركن العربية نزلت ركبت لقيت الرخصة قلت أحطها فى الشماسة ما هى ليها مكان ودى أول مرة أحطها
أنا متعود أن ا لشماسة مفيهاش مراية لقيت فيه باب شديته اتفتح لقيت المراية قلت يا سلام يا ميجان كل شوية أكتشف فيكى حاجة مكنتش أعرفها

رحت قلت طيب تعالى يارخصة طيب تتحط فين تتحط فين ؟ فيه رسمة من برا عليها رمز محفظة كدا

رحت سبت الحتة دى وعملت ناصح وحطيت الرخصة بين المرايا وبين الباب وأقفل الباب يا معلم وافتح ملقتش الرخصة الرخصة دخلت جوا إيه العمل أفتح أقفل أقفل أفتح يهديكى يرضيكى مش طالعة

قلت مفيش حل غير إنى أفك المرايا كلها رحت اتغابيت عليها طلعتها مرة واحدة اتكسرت

وبعدين أنا سمى وموتى لما أبوظ حاجة أنا أساسا أى حاجة بايظة لازم أصلحها فوق تحت هتتصلح حتى لو مكنش ليها تصليح

المهم أخدت مقاس المراية رايح أجيب زيها بكرة فيه واحد بيفصل مرايات معتبرة هى مرايا عادية وبسيطة خالص مفيهاش أى شغل مش حاجة فانسى يعنى

ها بقى تنصحونى أفصل مرايا زيها بالظبط ولا هلاقيها متفصلة عند أى حد بتاع مرايات ولا إيه بالظبط

هل فيه أنواع من المرايات دى

للعلم سعرها تفصيل مش هيعدى ال 4 جنيه

بالنسبة بقى لمراية العربية نفسها هل لو اتكسرت بتتفصل وهل اللى بتتفصل دى بتكون بنفس الجودة ولا فيه فرق بين المرايات ؟

عايز حد خبرة فى الموضوع دا يرد عليا

**windofchange** · 02-09-2012 04:58 AM

اهم شيء ان المراية اللي هتركبها تديك نفس البعد للمراية القديمة وتكون نفس السمك علشان تركب مظبوط

**ibn_seena** · 02-09-2012 05:10 AM

ههههههههههه
عملت زيي كنت مرة لسه شاري نت بوك لاختي وعاوزة نت. بدور لقيت مكان للشريحه تحت البطاريه ومرسوم عليه علامة شريحه قلت مصلحه واهو احسن ما تاخد المودم وبحط.الشريحه يا باشا هوب لقيتها بتلق جوا اتاري ما فيش مكان ليها وكان يوووووم. ما خلصتش يومها. عياط واتبهدلت اتبهدلت يعني لحد ما طلعتها. هههههههههه