لو سمحتم لو حد عندة معلومة او جرب الكاوتش دة ماركة جينرال فرنسى الصنع الفردة مقاس 185-65-15 ب 450 جم وشكرا
عرض للطباعة
لو سمحتم لو حد عندة معلومة او جرب الكاوتش دة ماركة جينرال فرنسى الصنع الفردة مقاس 185-65-15 ب 450 جم وشكرا
لم اجربه ولكن الصناعه الفرنسى هايله
خليك فى المضمون والمجرب احسن حاجة بريدجستون هتعملها 500 جنية للفرده تايلندى
شوف حضرتك تايلندى او حتى يابانى المهم انها بريدجستون وبعدين السعر أللى انا قولته لحضرتك 500 جنية للفردة ده سعر التوكيل fix&fit
تمام ياباشا
نصيحة لوجه الله ..
مش عشان نوفر 50ج او اكتر فى ثمن الفردة .. نستهون بنوعية الاطارات
ومع احترامى لصناعة الاطارات الفرنسية .. بس ماركة جنرال دى مش موجودة على خريطة صناعة الاطارات بالعالم
وخلى بال حضرتك انا مركب كونتننتال فرنساوى فى عربيتى .. وكان امامى رومانى وبولندى قولت لأ بس خلى بالك ده brand
ولو شايف انه طرى واحلى من البريدجستون التايلاندى الناشف والفرق 5ج بس
يبقى حضرتك صورلى كل الرموز على جانب الاطار المذكور باقصى حمل مسموح به واقصى سرعة ومعامل الحرارة والتماسك ونقشة المداس وانا افيدك اذا كان هايريحك فى الصنى ولا لأ
لأنى مقتنع مليون فى المية بأن الصنى مش اى فردة تكون مناسبة عليها ..
شكرا لرد حضرتك ودة موقع الشركة لو حضرتك ممكن تفدنا يبقى جزاك الله كل خير
General Tire - Off-Road and Performance Tires - The Tires
مبدئيا زى ما توقعت .. ماركة تقليدية عادية هدفها تحقيق اطول فترة استعمال واقل تكلفة وبالتالى اقل سعر لأنها بدون تكنولوجيا ونقشاتها تقليدية وتصلح لكافة المواسم وظروف القيادة
وطبيعى تختار الاطارات المندرجة تحت بند passanger او سيارات الركوب وطبعا مقاس الصنى 185/65-15
ويتضح ذلك من نقشة الشجرة الموجودة اول فئة G-MAX AS-03 ..... لا تصلح بتاتا للصنى او غيرها من سيارات الركوب العادية فى بلدنا الجميلة مصر ومقاساتها كلها كبيرة عن الصنى وسرعات V - W .. ومن الاخر كده عربيات سباق بجنوط كبيرة !!!
الفئة الثانية Altimax-RT .. وعيوبها من وجهة نظرى ان اقصى سرعة للاطار هى 190 كم/س T واقصى حمل هو 88 أى ما يعادل 560 كجم او 1200 رطل لكل اطار
الفئة الثالثة ALTIMAX-HP .. وهى نفس النقشة السابقة (افضلهم فى الاختيار) والفارق فقط فى اقصى سرعة 210كم/س H ونفس الحمل 88
فى حين ان اغلب مواصفات هذا المقاس تكون كلها H والحمل بين 88 و 91 (اى ما يعادل 615 كجم او 1360 رطل)
وطبعا TEMP A - TRACTION A
والنقشات بها ممرات طولية اكثر من 2 (2-4 تقريبا) مما يساعد على ثبات اكتر على الطرق الممهدة عكس المذكورة فى ماركة جنرال وايضا صوت الاطار ع الارض الله اعلم بيه ومحتاج تجربة ..
فى النهاية لو ليس سيىء للغاية ولا ممتاز جداااا .. هو وسط بين الاتنين وبيفكرنى بماركة انجليزية اسمها AVON ليست مشهورة وهتلاقى اعلانها على المحور فى اتجاه ميدان لبنان ع اليمين ..
انا ممكن انقل تجربتي علشان انا لسه مغير 4 فرد قريب
انا سالت زي حضرتك كده في اكتر من مكان ووصلت للاتي:
العربيه الاول كان فيها bridgestone GR80 بس للاسف الموديل ده اتوقف انتاجه والبديل GR 90 ياباني والفرده ب 630 جنيه غالي طبعا
في كمان bridgestone B250 ياباني ودي الي نازله اصلا مع العربيه ب 500 جنيه بس مانصحكش بيها لانها مكنتش عاجباني
الحقيقه انا كنت بدور علي كاوتش كويس ومايكنش غالي وبعد البحث والتمحيص حوالي اسبوع وصلت لنوع اسمه nexen كوري في ناس كتير جربه وشكره فيه
انا جبت منه اربع فرد بس المقاس الاعرض 195/60 R15 هو كويس والفرده طريه
سعره 410 جنيه للفرده
يارب اكون افدتك... تقبل تحياتي