الموضوع: عاللى بيحصلى وعاللى بيجرالى .. وقول الحمد لله يا أبو حميد

المشاركة الأصلية كتبت بواسطة ahmed_hamdy

نقصان الزيت بيسخن اه طبعا على حد علمي
بس بكميه قد ايه مش اعرف بصراحه يعني كيلو يسخن ولا لاء مش اعرف بالضبط

والله يا أبو حميد ناس بتقول بيسخن وناس بتقول لأ .. بس كتير أجمع على أن كيلو مستحيل يكون سبب فى سخونة العربية

المشاركة الأصلية كتبت بواسطة ahmedeihab

حبيبى يا هانى باشا

باشا الحمد لله على كل حال طبعا سواء انا او انت

بلنسبه لوضوع السخونه ده طالما الريدياتير لسه معمول

يبقى طرومبه المياه تقليبها ضعيف

بجوار ان الريدياتير ممكن يكون مش حلو

و طبعا الزيت الناقص يسخن العربيه خصوصا ان ناقص كيلو

و بلنسبه لحوار الفتيس ده طبعا حوار رزل خصوصا ان مسمار اللى وقع

بس أحمد ربنا انه مسمار و مطلعش زى ما انت متخيل اللهم ما احفظنا

و الحمد لله على كل حاجه تعالى فى صفى و حاجزلك مكان على الكنبه بتاعت العين

اللى بياخد عين يركن جنبى

ربنا يكفينا شر العين و يرحمنا بقا من الناس دى

طلع حاجه لله زى ما انا عملت بنيه انه يحفظك من عيون الناس و يكفيك شر الطريق

و ربنا يسترها علينا و عليك و على جميع المسلمين

^_^

ايه يا صاحبى .. العيون مش سايبانا فى حالنا والله

ربنا يسترها علينا كلنا وبإذن الله فى نيتى أنى أدبح حاجة أول ما الظروف بإذن الله تتحسن شوية

بكرة إن شاء الله هروح لبتاع الردياتيرات يشوف القصة ديه إيه والحمد لله أنها جت على قد كده

بقولك يا أبو حميد بالمناسبة

أنا كنت ناوى أقلب عربيتى V-tech أول ما ربنا ييسر بشوية فلوس لأنى يوم الجمعة أكتشفت معنى الثبات إزاى مع الهوندا الصراحة .. يا ترى هينفع خصوصاً إن عربيتى EX لو عندك معلومة هتكلفنى كام قولى الله يباركلك.

المشاركة الأصلية كتبت بواسطة ahmedeihab

يعنى ايه هقلبها VTEC

انا هعرف هقلبها Si او SiR لكن جديد عليا دى

لو قصدك انك هتجيب مكنه فيها VTEC اه كده ممكن افهم شويه

لو عايز موتور فوق ال 150 حصان يبقى هتدخل فى 10 الاف بلموتور و المصنعيه و العفشه و كل المشتملات

لو عايز مكنه عاديه هتقفلك بتاع 7 الاف جنيه كله شاكب راكب

^_^

يا عم الحاج أنا اللى جديد معلش سامحنى

معرفش يعنى إيه Si او SiR

كل اللى أعرفه أن فى موتور أسمه VTEC

لو عندك وقت ياريتك تفهمنى إيه هما Si و SiR وقصدك إيه بكلمة ماكينة عادية ؟؟

المشاركة الأصلية كتبت بواسطة ahmedeihab

ال Si مكنه بتبقى 2 كامه 1600 سى سى 137 حصان بدون Vtec

ال SiR مكنه بتبقى 2 كامه 1600 سى سى بيتراوح بين 158 حصان الى 175 حصان طبعا بها Vtec

و ال GsR مكنه بتبقى 2 كامه 1800 سى سى بيتراوح بين 190 و 200 حصان طبعا بها Vtec

و ال Type R مكنه بتبقى 2 كامه 1800 سى سى بيتراوح بين 195 و 205 حصان طبعا بها Vtec

من غير ما اطول عليك

خد الموضوع ده هيفيدك كتير

الموضوع ده فيه كود الموتور بالسعه الليتريه بقوه الحصان و فيه Vtec و لا لاء و بينزل فى عربيات ايه

اسعار المواتير بتبدأ من لو انت عايز قوه حصان صغيره ( 110 حصان مثلا ) هتدفعلك بتاع 5 الاف جنيه

لو مواتير رياضيه فوق ال 158 حصان هتلعبلك فى 10 لحد 14 الف بلعفشه بلمصنعيه بكل حاجه

اللى هتعمله هتدخل بكود الموتور على Google علشان تعرف شكل الموتور مش اكتر


http://www.nilemotors.net/Nile/290001-z-_.html


يارب اكون افدتك يا هانى باشا و انا تحت امرك فى اى وقت

^_^

طبعاً يا كبير أفدتنى جداً

بس فى حاجة كنت من فترة بكلم ظاظا هوندا وقالى أنه عنده مكنة Vtec عاملة 4500جم

كان بيشتغلنى ولا إيه ؟؟