عملتهم فين ,, سعرهم رخيص لو الواحده ب 20 بس!!
عرض للطباعة
ياريت ياباشا تقول جبتهم منين
الف شكر لصاحب الموضوع و فعلا دة احسن حل سمعته لحد دلوقتى لان فعلا مكان المسمار يستحمل توسيع و الجلبه كبس و الاهم ان المطاط مضمون لانه لماركة نضيفه. هو المركز اللى فى جسر السويس بتاع عادل معوض و لا مركز تانى؟
بالنسبه للناه اللى خايفه من موضوع اللحام فيه حل سهل و هو ان العفشجى بيخبط على الجلبه من الاطراف مع المقص بحيث انها متبقاش دايرة وبكدا بيضمن انها متتحركش من مكانها و لو لا قدر الله حبيت تغيرها بيرجع يخبط الجلبه تانى بحيث تبقى دائريه و تطلع معاه بسهوله.
عادل معوض كويس بس مش بحب اتعامل معاه غالى بالنسبة للناس التانية وكمان هو ساعات كتير بيبعلك قطع الغيار من عنده وكلها تقريبا مش بتبقى اصلى عن تجربة
هاوصفلك المركز ده من عند عادل معوض
هاتخلى عادل على يمينك وتمشى قدام شوية هاتلاقى شارع بيدخل فيه الميكروباص والعربيات يمين هاتدخل معاهم هاتمشى شوية هاتلاقى على ايدك الشمال موقف اتوبيس هاتدخل الموقع ده هاتلاقى المركز جوه وصاحب المركز اسمه المهندس احمد
معالى الباشا .... لو سمحت ممكن عنوان المركز بالتفصيل ولو فيه تليفون لو امكن .... لانى عندى مشاكل فى العفشه وممكن اروح له علشان قريب .... شكرا جدا
شارع متحف المطرية من ناحية جسر السويس
تمشي فيه لغاية مركز شباب منشية التحرير في موقف اتوبيس هناك اسمه 46 مشهور جدا
المركز جوا الموقف وانت لما تروح هناك هاتوصل بسهوله للمركز لانه بيبقي زحمة جدا يعني تعمل حسابك انك هاتستني شوية هو فيه يجي 8 صنيعيه واسم صاحب المركز المهندس احمدش
متشكر جدا جدا ياباشا
انا عديت عالمركز ده امبارح لانه جنب بيتى و قابلت الباشمهندس احمد شخص محترم جدا وطلع جرب العربية وقالى فعلا الجلب عندك بايظه قلتله انا جايلك من طرف واحد كنت انت عملتله جلب فورد قالى انا بعمل الجلبتين الكبار فورد و الصغيرين جى ام فانا هنزله دلوقتى اعملهم و ان شاء الله هقلكوا عالنتيجه
لسه عاملهم فى عربيتى ومتفائل خير بيهم
العربيه افضل كتير طبعا
بس الى بيشترى يخلى باله عشان فيه جلب صناعة صينى فورد
متشتريهاش واشترى الالمانى