-
تجريبتى مع mg3
السلام عليكم شباب نيل موترز
اول موضوع ليا فى المنتدى وحابب اشارك عن الـ MG 3
انا معايه الـ 1300 CC من يناير ودلوقتى مشيت 6000 كيلو
سافرت بيها السوخنة 4 مرات واسكندرية مرتين وشرم مره
وسافرت ليلا 3 مرات من المجموع
وبدون مبالغة العربية فى الثبات ممتازة جدا جدا بس بعد ال 160 صوت المطور بيعلا
وبشكل عام العربية جراية على الطريق وثابتة
بالنسبة للصيانة حتى الان انا على تجربة صيانه الالف وكانت فى التوكيل فى 6 اكتوبر والناس تعاملها كويس ومحترم (طبعا دا وش القفص) :satelite:
وقريبا تقرير بعد صيانة الـ 10000
وبالنسبه للتقفيل مفيش مشاكل بس فى حاجه مش فاهمها حتى الان فى التكيف
مع بدايه الصيف التكيف بقى بيشتغل لوحدو مع تدوير العربية والصراحه كلمت التوكيل قلت ليكون ابشن وانا معرفش :shyy: وصراحه قالولى اجى ويشوفو المشكلة بس انا مرحتش
واختفت الظاهرة دى من كام يوم وبردو لسه مش عارف ايه موضعها
اما الـفرامل ونظام الـ 4 abs ومانع الانزلاق فا الصراحه محترم وظاهر اوى فى الفرمله المفجئه وخصوصا فى طرق مصر السريعه المليانه بمطبات بدون سبب
تقيمى للتقفيل جيد مع العلم والتزكير بموضوع التكيف واضيف ان حمالة الرف الخلفى اتفكت :(
اما باقى التقفيل الداخلى جيد جدا
اما العفشة حتى الان مفيش اصوات ولا تزيء ولا تخبيط ولى ترزيع مشاء الله
سؤال لاصحاب الفئة الــ 1600 CC
النظام الرياضى S فى الفتيس بيعدل زمن النقل على الـ RPM ؟ وياريت من كام الى كام
وائل البجرمى
http://sphotos-b.xx.fbcdn.net/hphoto...74532403_n.jpg
-
Content Relevant URLs by
vBSEO 3.6.0 PL2