نازل بكرا التوفيقية تنصحونى بمحل اية؟ كاسيت وفرش؟

**ABOELLEEL** · 02-09-2012 05:43 PM

باذن الله هنزل بكرا او بعده التوفيقية وعاوز اجيب كاسيت فى حدود ال 700 (ونأجل السماعات للشهر اللى جاى ولا رايكم اية؟) ياريت حد يفيدنى باسم راجل امين فى التعامل وياريت تنصحونى بموديل يكون ابن حلال وكمان عاوز اجيب فرش فى حدود ال400 كدا يعنى كله شاكب راكب فى حدود ال1000 افيدونى يرحمكم الله ...:D

**Patrickologyy** · 02-09-2012 10:18 PM

بص يا سيدى أولاً أنا نازل بكره أشترى برضه علشان النهارده الدنيا طلعت لأجازه :d
الكاسيت على حسب إحتياجاتك فيه شوف و الأعضاء هايفيدوك بإذن الله :)
محلات الكاسيت أرخصهم و الأرخص و شركه البركه على ما أعتقد دول أحسن حاجه :)

**akmm** · 03-09-2012 10:40 AM

فعلا التوفيقيه وبنفس الترتيب السابق ولاتنسى الضمان علشان تكون مطمئن وكمان تفاصل وبراحتك .

**ABOELLEEL** · 03-09-2012 04:14 PM

انا بشكر حضرتك يا استاذ Patrick.561
وكمان الاستاذ akmm
باذن الله النهاردة او بكرا بالكتير نازل ونصايحكم فى ودنى
ياريت لو حد يفيدنى بانواع ؟؟؟

**Patrickologyy** · 03-09-2012 04:32 PM

بص يا سيدى .. لو إنت عايز الكاسيت فى حدود 570 جنيه مثلاً يبقى Sony CDX-GT500U و ده سي دى و فلاشه و وصله موبايل و جهاز بجد حلو جداً وأنا جربته انهارده مع واحد صاحبى بجد جهاز تحفه و فيه أعضاء كتير هنا مجربينه و عاجبهم قوى :)
لو حابب حاجه أعلى فيه Sony CDX-GT700UI و ده سعره 670 جنيه يفرق عن ال 500 إن شاشته ألوان كتيره مش أحمر بس زى ال 500 علشان لو عايزه يبقى ماشى مع التابلوه مثلاً :)
و كمان فيه تحكم لل أيبود و الأيفون و بتفتح الوش علشان تدخل ال سى دى علشان البكره و العدسه ماتتربش كتير :)
و دى كل إمكانيات الجهازين :
ده الجهاز الأول : http://www.sony-asia.com/product/cdx-gt500u
و ده التانى : http://www.sony-asia.com/product/cdx-gt700ui
بس كده :)

**ABOELLEEL** · 04-09-2012 01:18 AM

[quote=patrick.561;3874503993]بص يا سيدى .. لو إنت عايز الكاسيت فى حدود 570 جنيه مثلاً يبقى sony cdx-gt500u و ده سي دى و فلاشه و وصله موبايل و جهاز بجد حلو جداً وأنا جربته انهارده مع واحد صاحبى بجد جهاز تحفه و فيه أعضاء كتير هنا مجربينه و عاجبهم قوى :)
لو حابب حاجه أعلى فيه sony cdx-gt700ui و ده سعره 670 جنيه يفرق عن ال 500 إن شاشته ألوان كتيره مش أحمر بس زى ال 500 علشان لو عايزه يبقى ماشى مع التابلوه مثلاً :)
و كمان فيه تحكم لل أيبود و الأيفون و بتفتح الوش علشان تدخل ال سى دى علشان البكره و العدسه ماتتربش كتير :)
و دى كل إمكانيات الجهازين :
ده الجهاز الأول : [url=http://www.sony-asia.com/product/cdx-gt500u]CDX-GT500U : Xplod

**ABOELLEEL** · 04-09-2012 10:46 AM

شكرا على الاهتمام
انا نزلت فى الهرم محطة المطبعة وسالت بس مستغرب من الاسعار
يعنى ال gt500 ودا من 625 ل680
وال gt700 ب 850
فكدا فى فرق سعر كبير الا لو الاجهزة اللى قولت عليها صينى مش تايلاندى وعلى العموم هنزل النهاردة التوفيقية ونشوف
اللى عرفتة بقى انى الانواع دى بتاعة السنة اللى فاتت والسنة دى سونى نزلت u45
دا غير ان البيونير افضل بكتير من السونى

**akmm** · 04-09-2012 03:16 PM

تحياتى حضرتك عملت ايه ؟؟؟ فى التوفيقيه والأسعار ايه الأخبار .

**ABOELLEEL** · 05-09-2012 01:19 AM

الحمد لله لسة واصل البيت وهروح بكرا تانى عشان الكاسيت اصغر من الفتحة فهركبلة فريم كدا يثبتة
الاسعار الصراحة الناس هناك بيستهبلو اوى ومحدش عمره بيديك سعر من الاخر لو انت متعرفش الاسعر ممكن يظبطوك فى 100 على الاقل قبل ما تنزل اسال كويس جدا جدا جدا وفاصل كتير جدا جدا جدا

**islammaher** · 06-09-2012 08:27 PM

انا لفيت نفس اللفة بتاعتك من فترة كنت عايز اشترى طقم بايونير كاسيت وسماعات
رحت المطبعة ورحت ادريان وسألت هناك وعرفت الاسعار
وبعدين نزلت التوفيقية لقيت نفس الحاجات اللى عند ادريان بس اسعار جملة عند محل اسمه ارخصهم
وطبعا فى المطبعة قالولى التوفيقية فيها حاجات مضروبة والكلام ده
بص هى هى نفس الحاجات اللى ف المطبعة الفرق انهم بيبيعوا جملة وفعلا اشتريت من ارخصهم كاسيت وسماعات بايونير
كان فى فرق حوالى 200 جنيه عن اسعار المطبعة والحمد لله ركبتهم ونقاء صوت مفيش بعد كده واخذت ضمان ع الكاسيت وليهم معايا 6 شهور وزى الفل
عايز اقولك ان ادريان نفسه هو ومحلات المطبعة بيجيبوا من ارخصهم ده ويزودوا المكسب بتاعهم