عايز اغير المساعديين والسوست للفلوينس
حاسس ان ان المساعديين بتاعت الفلوينس مش اد كده
وبداء ت اداور على انواع جيدة
لاقيت ال koni FSD (المانى)
وفى ال KONI COIL-OVER بس ده رياضى جدا
بس مش عارف اغير ولا فى نوع تانى احسن
عرض للطباعة
عايز اغير المساعديين والسوست للفلوينس
حاسس ان ان المساعديين بتاعت الفلوينس مش اد كده
وبداء ت اداور على انواع جيدة
لاقيت ال koni FSD (المانى)
وفى ال KONI COIL-OVER بس ده رياضى جدا
بس مش عارف اغير ولا فى نوع تانى احسن
طيب هو حضرتك هتجيبهم ازاى او منين
لأنى بفكر برضه انى اغيرهم فى عربيتى ( citroen c4 )
انا شايف ان حضرتك عرضت الكاوتش ل225\55 هل احساسك ان المساعدين و السوست مش قد كده من قبل ما تعرض الكاوتش ولا ظهرت بعد ما عرضت الكاوتش
مع خالص تحياتى
كوني FSD مش هيعمر في شوارعنا الجميلة
هات كوني الرياضية اعتقد لونها ازرق دلوقتي او كوني العادية ال oem replacement
لو هتغير السوست معاهم يبقي تعمل حسابك ان العربية هتوطى من 3 ل 4 سم
لو مساعدين بس هتوطى في حدود نصف سم بس
التعديل فى الكاوتش أو الجنط أو المساعد لازم يكون مدروس كويس عشان منخسرش العفشة وتخسر فلوسك وراحتك جوا العربية
أنا بنظر للعربيات الأوتوماتيك إنه خسارة فيها التعديل فى الكاوتش والجنط لأن أداءها مش رياضى ومش عربيات حرق وشد وكدا
والمقاس بتاع الفلوانس الاصلى كويس جدا ومناسب لشكل العربية ومش محتاجة أى تعديل دا من وجهة نظرى
انا ركبت المساعدين الكونى العادية (بديل المساعدين الاستوك) بس ركبت الورا بس و دول لونهم احمر و بيركبوا على السوست الأصلية, و كان فى الكونى ال Adjustable ال سبورت لونهم اصفر و مفترض انهم محتاجين كمان السوست الكونى السبورت عشان يركبوا.
عربيتى بورا و انطباعى العام انهم افضل من الستوك انا لسه كنت مغير المساعدين الأمامى باخرى اورجنال, بس حسيت ان الكونى مدينى اداء افضل من حيث الثبات و النعومة (و مقدرش احكم اوى فى موضوع النعومة ده لان البورا عفشتها ناشفة اساسا)
انا المساعدين جايبهم من التوكيل الأصلى ارابكوم و معاهم ضمان سنة, و ده تخوشلوا يمين القبل سيتى ستارز و انتا جاى من عند النادى الأهلى. ثمنهم 1200 ج الجوز, بس ممكن يتعمل واجب بسيط فى حاجة بتاع 50 جنيه.
بس طبعا الأصفر اغلى, هوا كان قلى على ثمنهم هما و السوست بس انا مش فاكر.
لأ مفيش مشاكل معاهم.........النشوفية أو الدبدبة هتحسها بسبب أنك غيرت لعفشة رياضية مش علشان مركب مساعدين من غير السوست ولا بالسوست.
أنا سألت على موقع كوني قبل ما أشتري........الرد كان أنهم عادي بيركبوا بدل الأصلي بدون أدنى تأثير سلبي على العربية و العربية بتوطى حوالي نصف سم..........و ده اللى حصل بالظبط.
هما عموماً متعاونين جداً...........أنا مرة ال knob اللى بيتظبط بيها المساعدين ضاعت مني......بعتت قولتلهم أنا عاوز أشتريها لوحدها أجيبها منين............الراجل قالي قولي عنوانك بالتفصيل و هنبعتلك واحدة ببلاش.........و فعلاً فى خلال 3 أسابيع لقيتها وصلت.
عادة علو الأداء بيعني زيادة النشوفية
المفروض أن ال FSD معمولة علشان تحل المشكلة دى بأنها تظبط نفسها بنفسها......بس اللى أتقالي من أرابكوم أنها مش مناسبة لشوارعنا و هتودع بدري أو بمعنى أدق موضوع ال auto adjust ده هو اللى هيبقى مش شغال.
أعتقد كل الماركات التانية فيها نفس القصة......أداء عالي = نشوفية عالية.
طيب فى حاجة تانى تدينا راحة عالية فى ال كونى
او فى ماركة تانية زى ال مونرى (monroe) او (bilstein).
BILSTEIN B6 Adjustible 10
BILSTEIN B8
للأسف مش هقدر أفيدك لعدة أسباب.......أهمها أن موضوع الراحة ده نسبي.....يعنى أنت حاسس الفليونس عفشتها ناشفة ممكن أنا أركبها أحس أنها ناعمة.
بس كقاعدة عامة........أداء أعلى= نعومة أقل
ده غير أن أى حاجة manually adjustable هيبقى الموضوع معاها مش سهل زى ما أنت متوقع...........يعني ماشي جوة البلد و سرعات عادية هتبقى محتاج أقل أداء علشان تحس بنعومة أعلى
لو هتطلع على طريق سفر هتحتاج أداء أعلى و نعومة أقل
علشان تظبط المساعدين الموضوع مش سهل........يعنى لو ظبطت الأتنين اللى قدام واحد أنشف من التاني بيأثر على عمر المساعد على المدى الطويل......ده غير أن المساعدين الخلفي لازم ترفع العربية علشان تعرف تظبطهم.
بس بشكل عام المونرو الماسك توكيلهم غبور و بيدى ضمان سنة مساعدين اداء عادى بس اعتقد اقل من الكونى كجودة, فى لهيطة فى التوفيقية (تقريبا اسمو هشام لهيطة) عندو انواع اخرى من المونرو بس معرفش ايه نظامهم مجربتهومش. و اخيرا تجربتى مع البيلشتاين مكنتش لطيفة, مساعد ناشف جدا و ده نفس احساس صديق جربهم قبل كده.
بص عشان مدوخش نفسك انا معرفش انتا بتشتكى من ايه, بس اصبر على المساعدين العندك لغاية مايفرهدوا شوية, و بعديها لو عاوز تحسن اداء ثبات العربية ساعتها عليك و على الكونى بس اعمل فى حسابك لو ركبت السبورت فده هينشف العفشة شوية و لو ركبت الزى الستوك اعتقد ممكن تديك اداء افضل شوية و مش هتنشفلك العفشة اوى يعنى.