كورسا 2012 ام تيدا هاتش باك

السلام عليكم اعضاء المنتدى الكرام...محتاجة رأى ناس جربوا بالفعل العربيتين او عندهم معلومات أكيدة...ايهما افضل كورسا ولا تيدا ؟؟وما موقف توافر قطع الغيار ؟؟وسمعت ان توكيل نيسان ممتاز وتوكيل اوبل سئ وقطع غيارالاوبل بصعوبة.. لكن بصراحة الكورسا عجبتنى جداكشكل بعد ما كنت خلاص ها اشترى التيدا ...وللأسف كل ما استقر على شئ تحصل ظروف وتأجل موضوع الشراء لكن قدر الله وما شاء فعل..قبل كدة فكرت وسألتكم عن الإبيزا والبونتو ايفو والتيدا واستقريت على التيدا لحد ما ظهرت الكورسا ...المهم محتاجة مساعدتكم بس ياريت عن تجربة...وبالمناسبة انا مش لاقية تيدا فى المعارض!!!وشوفت الكورسا على النت وماشية فى الشوارع فقط ومش عارفة الاقيها معروضة فين...انا اسفة على الاطالة وشكرا لسعة صدركم.

اقتباس:

---

المشاركة الأصلية كتبت بواسطة gha

السلام عليكم اعضاء المنتدى الكرام...محتاجة رأى ناس جربوا بالفعل العربيتين او عندهم معلومات أكيدة...ايهما افضل كورسا ولا تيدا ؟؟وما موقف توافر قطع الغيار ؟؟وسمعت ان توكيل نيسان ممتاز وتوكيل اوبل سئ وقطع غيارالاوبل بصعوبة.. لكن بصراحة الكورسا عجبتنى جداكشكل بعد ما كنت خلاص ها اشترى التيدا ...وللأسف كل ما استقر على شئ تحصل ظروف وتأجل موضوع الشراء لكن قدر الله وما شاء فعل..قبل كدة فكرت وسألتكم عن الإبيزا والبونتو ايفو والتيدا واستقريت على التيدا لحد ما ظهرت الكورسا ...المهم محتاجة مساعدتكم بس ياريت عن تجربة...وبالمناسبة انا مش لاقية تيدا فى المعارض!!!وشوفت الكورسا على النت وماشية فى الشوارع فقط ومش عارفة الاقيها معروضة فين...انا اسفة على الاطالة وشكرا لسعة صدركم.

---

انصحك بالتيدا يابانى معمرة موفرة فى البنزين اوسع توافر قطع غيار هية عند اختى وجوزها وهية بيشكروا فيها قوى وهوة مهندس وبيسافر بيها كتير من الاخر بيقول حمارة شغل غير ان قعدتها مريحة جدا ربنا يوفقك انا عارف الحيرة صعبة انا زيك بقارن بين نيسان جوك والنترا الجديدة ربنا يوفق الجميع ويصلحلك الحال يارب:helloogreen:

عربيه قصاد قصاد عربيه الكورسا تكتسح :)

لكن لما ندخل عوامل زي التوكيل و توافر قطع الغيار و سعر اعاده البيع كل ده في صالح التيدا

ممكن تدخلي الريو عربيه كويسه جداا و حاسس انها مختلفه عن باقي العربيات الكوري من ناحيه اما و خامات الصناعه

اميل للتيدا لاننا فمصر..
والله اعلم

اقتباس:

---

المشاركة الأصلية كتبت بواسطة مدحت البلبيسى

انصحك بالتيدا يابانى معمرة موفرة فى البنزين اوسع توافر قطع غيار هية عند اختى وجوزها وهية بيشكروا فيها قوى وهوة مهندس وبيسافر بيها كتير من الاخر بيقول حمارة شغل غير ان قعدتها مريحة جدا ربنا يوفقك انا عارف الحيرة صعبة انا زيك بقارن بين نيسان جوك والنترا الجديدة ربنا يوفق الجميع ويصلحلك الحال يارب:helloogreen:

---

شكرا لرد حضرتك...وفعلا الموضوع محير جدا....المفاضلة بقت ما بين عربية توكيلها محترم وقطع غيارالى حد ما موجودة امام عربية شكلها ومواصفتها عاجبنى أكتر بس فيه علامات استفهام على توكيلها وتوافر قطع غيرها فيما بعد...وبصراحة مسالة تغيير العربية مش ها يكون كل يوم...عموما ربنا يقسم لنا جميعا الخير وربنا يوفقك فى اختيارك....شكرا جزيلا

اقتباس:

---

المشاركة الأصلية كتبت بواسطة hossam_hassan4

عربيه قصاد قصاد عربيه الكورسا تكتسح :)

لكن لما ندخل عوامل زي التوكيل و توافر قطع الغيار و سعر اعاده البيع كل ده في صالح التيدا

ممكن تدخلي الريو عربيه كويسه جداا و حاسس انها مختلفه عن باقي العربيات الكوري من ناحيه اما و خامات الصناعه

---

اولا شكرا لحضرتك على الرد.....وبالظبط زى ما حضرتك قولت الكورسا تتفوق لكن من ناحية الأكثر عملية التوكيل وقطع الغيار وإعادة البيع التيدا....ونظرا لإن القيادة فى مصر محتاجة عربية حديد فا الامر لا يخلو من تغيير واستبدال قطع غيار ومعاملة مع التوكيل ...وهو ده اصعب ما فى الاختيار العربية اللى الواحد مراتاح وميال لها والعربية الاكثر عملية بس من حيث الشكل تعتبر مجرد مقبولة...اما بالنسبة للريو فا شكلها معقول ولو ان الكورسا أكثر بساطة وياريت لو حد يقدر يفيدنى بخصوصها من الناحية العملية إذا ضفناها للمقارنة بين التيدا والكورسا...

اقتباس:

---

المشاركة الأصلية كتبت بواسطة S O P H O S

اميل للتيدا لاننا فمصر..
والله اعلم

---

شكرا لرد حضرتك

اعضاء المنتدى الافاضل ياريت اللى جرب الكورسا الجديدة يقولى رأية....وإذا كان فيه إجابة او خبرة حول التوكيل من خلال التعامل معاه ومستواه وموضوع توافر قطع الغيار .....ولكم جميعا جزيل الشكر على حسن تعاونكم

سبحان الله......انا عملت سيرش على كلمة كورسا 2012 وقريت موضوعات وردود كتير والنتيجة تباين واختلاف فى الرأى وحيرة اكبر...ناس بتشكر جدا فى العربية او التوكيل وناس غير راضية تماما خصوصا عن التوكيل بجد بعد ما قرأت المواضيع اصبحت أكثر حيرة!!!!!!!!!!!!!!!حقيقى نفسى اى حد يكون جرب الكورسا والتوكيل ويقول رأيه بدون اى مبالغة لا بالسلب او الايجاب أفيدونى جزاكم الله خير

لان ببساطه ممكن تقعد مع مهندس و غيرك يقعد مع مهندس تاني :D و ممكن نفس المهندس بس مضايق :D

بشكل عام توكيل اوبل اغلي و مش كويس بس مش بالشكل البشع و طالما العربيه جديده يبقي مش هتحتاج للتوكيل كتير

انا من راي الشخصي تجيبها و تستحمل غلاسه التوكيل بس هيبقي معاك عربيه محترمه جداا

و الريو انا ماعنديش معلومات عنها كتير بس قريت انه ال safety فيها كويس و ده دايما اللي بينقص العربيا الكوري

و لو قفلت من العربيتين فيه حلول تانيه كتير من فيات بونتو و سيات ابيزا و فورد فيستا و بيجو 207 اعتقد و ستروين c3 بيكاسو و حط تحت ستروين دي 3 4 خطوط :)

انا محتار نفس الحيره بالاضافى انى دخلت الريو والسيراتو معايا

انا معايا كورسا 2012 كامله
العربيه كثبات ومتانه مش هتكلم. .. الالماني معروف
كشكل وشياكه وفخامه واناقه وشباب. ... تكتسح طبعا.
كاداء. العربيه لسه عامله 2000 كيلو يعني مش اقدر احكم جامد عليها بس هديك فكرة مبسطه
العربيه موتور 1400 ووزنها تقيل. وبالتالي العربيه تقيله ومش جرايه. ..
تكييف كويس بس الياباني طبعا تكييفه ما فيهوش كلمه
العربيه جنط.17 وناااااااااعمه ماشاء الله
اقصي سرعه 170 ك.س
معامله.مع التوكيل. .. يوم العربيه برجلت مني وانا بدورها. .رحتلهم الناس بكل ادب واحترام جابو الجهاز وكشفوا عالعربيه واطمنت انها ما فيهاش حاجه. ...
اي استفسار اخر تحت امر حضرتك

تيدا هاتشباك أعلى فئة تكسب

اقتباس:

---

المشاركة الأصلية كتبت بواسطة ibn_seena

انا معايا كورسا 2012 كامله
العربيه كثبات ومتانه مش هتكلم. .. الالماني معروف
كشكل وشياكه وفخامه واناقه وشباب. ... تكتسح طبعا.
كاداء. العربيه لسه عامله 2000 كيلو يعني مش اقدر احكم جامد عليها بس هديك فكرة مبسطه
العربيه موتور 1400 ووزنها تقيل. وبالتالي العربيه تقيله ومش جرايه. ..
تكييف كويس بس الياباني طبعا تكييفه ما فيهوش كلمه
العربيه جنط.17 وناااااااااعمه ماشاء الله
اقصي سرعه 170 ك.س
معامله.مع التوكيل. .. يوم العربيه برجلت مني وانا بدورها. .رحتلهم الناس بكل ادب واحترام جابو الجهاز وكشفوا عالعربيه واطمنت انها ما فيهاش حاجه. ...
اي استفسار اخر تحت امر حضرتك

---

شكرا لرد حضرتك مفيش شك فى الثقة فى الالمانى وانامش من هواة السرعة على الاطلاق وكل تحركى داخل القاهرة وياريت بس اعرف اجيب ال80 فى الزحمة اللى بمشى فيها دا تقريبا اعلى سرعة بتوصل ل60 كل خوفى من التوكيل لإن قطع الغيار مش ها تتوفر الافيه وسمعت ان فيه حاجات مش بتكون متوفرة وبننتظر لحد ما يبعتوا يجيبوها فا ايه الحل لو كانت قطعة غيار حيوية ومهمة!!!!ودا عموما فى الاوبل مش الكورسا 2012 لإنها بالطبع جديدة ....بصراحة عجبانى جدا وبقارن بينها وبين التيدا لإنها اكثر انتشارا لكن حتى التيدا مش موجودة والجديد الله اعلم شكلها ايه ما شوفتش شكلها الاعلى النت...واسرتى بيقنعونى ليه احير نفسى لما ممكن يكون فيه كيا او نيسان متوفر لهم كل شئ..حاجة تحير... لكن ممكن اعرف من حضرتك الاقيها معروضة فين ؟؟ومرة تانية الف شكر وأكيد لو فيه اى استفسار ها ارجع لحضرتك

اقتباس:

---

المشاركة الأصلية كتبت بواسطة mostafa senosy

انا محتار نفس الحيره بالاضافى انى دخلت الريو والسيراتو معايا

---

هى الريو فعلا شكلها جميل لكن اعتقد ان الالمانى او اليابانى افضل والله اعلم ...لكن هى من العربيات اللى لفتت انتباهى ...ربنا يوفقك وتختار الافضل ان شاء الله.

اقتباس:

---

المشاركة الأصلية كتبت بواسطة gha

شكرا لرد حضرتك مفيش شك فى الثقة فى الالمانى وانامش من هواة السرعة على الاطلاق وكل تحركى داخل القاهرة وياريت بس اعرف اجيب ال80 فى الزحمة اللى بمشى فيها دا تقريبا اعلى سرعة بتوصل ل60 كل خوفى من التوكيل لإن قطع الغيار مش ها تتوفر الافيه وسمعت ان فيه حاجات مش بتكون متوفرة وبننتظر لحد ما يبعتوا يجيبوها فا ايه الحل لو كانت قطعة غيار حيوية ومهمة!!!!ودا عموما فى الاوبل مش الكورسا 2012 لإنها بالطبع جديدة ....بصراحة عجبانى جدا وبقارن بينها وبين التيدا لإنها اكثر انتشارا لكن حتى التيدا مش موجودة والجديد الله اعلم شكلها ايه ما شوفتش شكلها الاعلى النت...واسرتى بيقنعونى ليه احير نفسى لما ممكن يكون فيه كيا او نيسان متوفر لهم كل شئ..حاجة تحير... لكن ممكن اعرف من حضرتك الاقيها معروضة فين ؟؟ومرة تانية الف شكر وأكيد لو فيه اى استفسار ها ارجع لحضرتك

---

بص يا باشا
انا وضعتها في مقارنة مع الريو الهاتشباك والشارك والاكسنت ار بي الجديدة. بصراحه التيدا شكلها مش حلو وما عجبتنيش .... الريو ما شاء الله عربيه جميله جدا وفخامه وجمال وكماليات فوق الوصف بس ورق وحياتك. .. والاكسنت. .كوري وانا ما اركبش كوري تسميه تعصب سميه اللي تسميه. ..
المقارنة اصبحت بين عربيتين.
الشارك بالموتور المايفيك الجديد. والكورسا.
انا ولا محتاج مساحه ولا اتساع لاني بركبها لوحدي وهي عربيه لذيذة شكلها من بره صغيرة بس من جوا اتساعها معقول. ...
وفيها كل الكماليات و. جنط 17. بانوراما مثبت سرعه واتنين اير باج وتكييف ووحدات رفع ومرايا تعتيم ..... والكاسيت بتاعها ما شاء الله. يساوي عشر كاسيتات كوري.
وبالسعر ده ... يا باشا دي دبابه صغيرة. .. اقفل باب الريو واقفل بابها وشوف الفرق
.
قطع الغيار لو مش موجودة بتستني اسبوع واحد بتجيلك. وعلي فكرة كل التوكيلات بيكون فيها قطع ناقصه بالتجربه مع تويوتا. وهيونداي كمان..
والعربيه معروضه في منصور رابعه انا شفتها هناك