آخر استشارات ما قبل الشراء
بسم الله الرحمن الرحيم
السلام عليكم ورحمة الله
وحوش نايل موتورز ووحوش اللوجان
بعد رحلة طويلة من الاستشارة والاستخارة ومشورتكم الغالية
الحمد لله استقريت اني اشتري لوجان مانيوال فول اوبشن
لكن فاضل كام استفسار يبقى كتر خيركم لو كملتوا مشورتكم بيهم
اولا
انا هشتري كاش ان شاء الله فهل اقدر ارخص في نفس اليوم ولا فيه ورق هستناه بعد يومين مثلا (عشان اعرف اروح استلم الصبح بدري واخد اجازة مخصوص ولا لأ)
ثانيا
عايز اعرف اقرب موزع في القاهرة او الجيزة بيسلم موديل 2013 بالكاسيت اليو اس بي والبلو توث (بعد ما ظهرت مشاركات من بعض اخواتنا انه نزل في الاوتو بس والمانيوال في دفعات منتظرة)
وعايز موزع يسلمني بسعر التوكيل
72.5 ميزيدوش مليم
وجزاكم الله خيرا