التحضير للقاء نمور كيا وعودة للمقابلات ..... وحشتونا

السلام عليكم ورحمة الله وبركاته

ازيكو يا نمور كيا جارى الترتيب لعمل مقابلة بأذن الله يوم الجمعة 14/9/2012 حبيت اعرف بس مين هيحضرلان على حسب العدد هيتحدد المكان ، وبأذن الله بعد فترة هعمل موضوع فيه كل التفاصيل .
طبعا الاعضاء القدامى عارفين يعنى ايه مقابلة فى قسم كيا وياريت المقابلة دى ترجعهم تانى
لاصحابهم وللمنتدى لان بجد وحشونى جدا .
اما الاعضاء الجدد مشتقين نشوفكم ونعرف احنا بنتكلم مع مين من وراه الشاشة المقابلة بتكون عبارة عن لقاء بين ناس افتراضين بنشوف كلامهم بس وبتتحول الى ناس حقيقين بيتعرفوعلى بعض اكتر بتنشا صداقة حقيقية بعيد تماما عن مجال السيارات والامثلة كتير فى المنتدى ، بنتكلم عن العربيات اللى فى قسم كيا وبره كيا بنشوف عربيات بعض والتعديلات اللى بيعمله كل واحد فى عربيته لو فى مشكلة بنشوفها على الطبيعة وبنحلها بما لدينا من خبرات فى القسم ، بنجرب عربيات بعض بنتعرف على ناس من اقسام تانية بيكونو مشرفنا بيكون احساس تانى وانت بتكتسب صديق جديد
فى حياتك ، ده لينك اخر مقابلة تمت لقسم كيا كانت المقابلة الخامسة للقسم

http://www.nilemotors.net/Nile/219562-a.html

والحمد لله بيكون التنظيم جيد الى حد كبير واللى حضرو قبل كده ال 4 مقابلات هما اللى يقولو .
على بركة الله نبدا التحضير واللى عنده اقتراح لمكان يكون مميز وواسع وفيه بارك للعربيات يتفضل يقترح علينا .

يا خسااااااااااااااااااااااا ااااااااااارة يا ابو ليلى شوفلكوا يوم غير جمعة وسبت لمدة 4 شهور :dd
اصلى رشقت فى كورس بعد الجيش كدة على طول قبل ما اكسل كل جمعة وسبت

على البركه
و حاول يا وليد تيجى و لو ساعتين .
اكيد القرص مش طول النهار يعنى ؟؟؟؟
نفسنا نشوفك يا معلم

اه هو مفيش حد من الرجاله جى و الا اه ؟؟؟؟؟؟؟؟؟؟؟؟
فان باقى النمور

ياهههههههههههههههههه ياههههههههههههههههههههههه ههههه ياههههههههههههههههههههههه ههههه
أخيرا" أخيرا"
خالص تقدير واحترام وامتنان لشخصك الكريم يا أبوليلى شكلك كده راجع بقوة ان شاء الله
والله الواحد حسه اتنبح ولاالأعضاء (النمور)ولا القائمين بالعمل فى الوكيل ولا أى حد بقى بيساند هذا القسم تحس للأسف انه بقى يتيم معلش انا اسف فى اللفظ بس لما الواحد يلاقى اقسام تانية فى الطالع وهذا القسم فى -------
الواحد بيحزن فعلا" معلش انا بقول الكلام ده وانا لم اتفاعل مع هذا المنتدى إلا من 9 أشهر تقريبا وكان فى البداية حاسس انه ممكن يكسر الدنيا ممكن يكون وشى وحش عليه بس كان حلو لأقسام أخرى
المهم الناس لو تعرف ان هذا التواصل ممكن يعود عليهم بالفائده اد إيه كان الكل شارك وتفاعل وتوصلنا مع الوكيل إللى هو اذن من طين واذن من عجين وتحس ملوش كبير اه والله الواحد مش عايز يكلم وللأسف الكلام ده طالع منى انا .. بس لازم نكلم ونقول الحقيقة ونضع ايدنا فى ايد بعض علشان تعم الفائدة على الجميع ونتنواصل صح ونصحح اخطاء الوكيل ونجبره على التواصل السليم مش تواصل وخلاص والله الواحد بقى مكسوف فى وسط الأقسام الأخرى
وعلى كلا اتمنى نجاح هذه المبادرة التى اتيحت لنا من خلال شخصك الكريم وطبعا الكلام ده هيوضح من خلال تفاعل النمور معها وكم عضو سوف يأتى هذه المقابلة وانا على اتم استعداد الحضور من السويس فى حالة تفاعل النمور معك وسوف اقوم بدعوه بعض الأعضاء المقربين لى تلفونيا علشان نفسى تكون مشاركة مثمرة وبداية صفحة جديدة لنمور المنتدى
والله ولى التوفيق

معاكو باذن الله

واقتراحى يكون ف الرحاب

اقتباس:

---

المشاركة الأصلية كتبت بواسطة mmbadroo

ياهههههههههههههههههه ياههههههههههههههههههههههه ههههه ياههههههههههههههههههههههه ههههه
أخيرا" أخيرا"
خالص تقدير واحترام وامتنان لشخصك الكريم يا أبوليلى شكلك كده راجع بقوة ان شاء الله
والله الواحد حسه اتنبح ولاالأعضاء (النمور)ولا القائمين بالعمل فى الوكيل ولا أى حد بقى بيساند هذا القسم تحس للأسف انه بقى يتيم معلش انا اسف فى اللفظ بس لما الواحد يلاقى اقسام تانية فى الطالع وهذا القسم فى -------
الواحد بيحزن فعلا" معلش انا بقول الكلام ده وانا لم اتفاعل مع هذا المنتدى إلا من 9 أشهر تقريبا وكان فى البداية حاسس انه ممكن يكسر الدنيا ممكن يكون وشى وحش عليه بس كان حلو لأقسام أخرى
المهم الناس لو تعرف ان هذا التواصل ممكن يعود عليهم بالفائده اد إيه كان الكل شارك وتفاعل وتوصلنا مع الوكيل إللى هو اذن من طين واذن من عجين وتحس ملوش كبير اه والله الواحد مش عايز يكلم وللأسف الكلام ده طالع منى انا .. بس لازم نكلم ونقول الحقيقة ونضع ايدنا فى ايد بعض علشان تعم الفائدة على الجميع ونتنواصل صح ونصحح اخطاء الوكيل ونجبره على التواصل السليم مش تواصل وخلاص والله الواحد بقى مكسوف فى وسط الأقسام الأخرى
وعلى كلا اتمنى نجاح هذه المبادرة التى اتيحت لنا من خلال شخصك الكريم وطبعا الكلام ده هيوضح من خلال تفاعل النمور معها وكم عضو سوف يأتى هذه المقابلة وانا على اتم استعداد الحضور من السويس فى حالة تفاعل النمور معك وسوف اقوم بدعوه بعض الأعضاء المقربين لى تلفونيا علشان نفسى تكون مشاركة مثمرة وبداية صفحة جديدة لنمور المنتدى
والله ولى التوفيق

---

ربنا يكرمك ويبارك فيك باذن الله كلنا لاازم نشارك ن ده بيتنا كلنا ولو لينا حق عند اى حد لاازم كلنا نتجمع والبداية دايما بتكون من خلال المقابلات

اقتباس:

---

المشاركة الأصلية كتبت بواسطة AHMED1718

معاكو باذن الله

واقتراحى يكون ف الرحاب

---

اكيد معانا باذن الله يا احمد انت من كبار القسم
------------------------------------------------
فين باقى الناس اللى انا عارف انهم جايين باذن الله بس لاازم يقولو علشان
يشجعو الباقى :fdsa:
ياسر الصياد
نورمال
عمرو عبد السلام
م / عمرو شرف
م /حاتم السباعى
م / ياسر - ياسو
أ/ خالد - كارينز
تمتم - تامر 77
الشريف
محمد حمدى
محمد رشدى
طارق
احمد المصرى
والله لو عديت الصفحة ما هتقضى فين نمور الريو والاسبورتاج عاوزين نشوفهم نتناقش فى العربية
وباذن لله هيكون معانا ناس من نيسان وهيونداى وشيفورليه وباقى الاقسام
احنا قسم كيا وطول عمرنا كبار يبقى لاازم مقابلتنا تكون على قد المستوى

محمد مطفى ياريت تكلم الناس فى التليفون وانا اللى اعرفه هكلمه

انا ان شاء الله جاي في أي حتة

ونفسي نرجع زي أيام زمان يا رجالة

حبايب قلبى :)))

كلكم واحشنى والله ونفسى اشوفكوا

بس للأسف مش هعرف أجى عشان انا فى الخلاط :(

مقابلة سعيدة وأبقوا أفتكرونى :)

يارب تكون مقابلة موفقة أنا نفسى من زمان أتشرف بيكم معاكم انشاء الله

والله كل النمور وحشونى وان شاء الله معاكم المقابلة دى

ان شاء الله جاى

انشاء الله معاكوفى اى حتة وطبعا يا ابو ليلى معاك من يوميها الصبح انشاء الله

تمام يا رجالة ان شاء الله مقابلة تكون ممتعة
فى ناس انا بعت ليهم رسايل على الموييل واللى معاه رقم حد يا جماعة يكلمه
بأذن الله هعمل موضوع فيه التفاصيل وتاكيد الحضور مرة تانية منكم
صحيح عاوزين غدا زى كل مرة ولا مشروبات وبس ؟

ياريت تكون المقابلة فى الرحاب

والله انا سايب تحديد المكان لحد دلوقتى ليكم واسمع ارئكم
والرحاب مكان كويس وعملنا فيه مقابلتين قبل كده
وكل مرة كان فى كنتاكى لو فيه مكان يجمعنا كلنا ويكون بعيد عن الدوشة
ياريت الناس تقترح .

معاكم ان شاء الله .. وليا اقتراح على المكان يكون coffee shop company الى فى شارع النصر المعادى ... كبير جدا جدا جدا ومفتوح هوا يمكن اسعاره عاليه شويه بس محترم اوى .. والركنه اى نعم ب 10 جنيه بس بتسبيب المفتاح للامن وهما بيتصرفوا فى الركنه ... ولو المكان هايكون صعب على الناس انا ربنا يسهل واكون معاكم فى اى مكان تانى بس حسب شغلى

اقتباس:

---

المشاركة الأصلية كتبت بواسطة ابو ليلى

السلام عليكم ورحمة الله وبركاته

ازيكو يا نمور كيا جارى الترتيب لعمل مقابلة بأذن الله يوم الجمعة 14/9/2012 حبيت اعرف بس مين هيحضرلان على حسب العدد هيتحدد المكان ، وبأذن الله بعد فترة هعمل موضوع فيه كل التفاصيل .
طبعا الاعضاء القدامى عارفين يعنى ايه مقابلة فى قسم كيا وياريت المقابلة دى ترجعهم تانى
لاصحابهم وللمنتدى لان بجد وحشونى جدا .
اما الاعضاء الجدد مشتقين نشوفكم ونعرف احنا بنتكلم مع مين من وراه الشاشة المقابلة بتكون عبارة عن لقاء بين ناس افتراضين بنشوف كلامهم بس وبتتحول الى ناس حقيقين بيتعرفوعلى بعض اكتر بتنشا صداقة حقيقية بعيد تماما عن مجال السيارات والامثلة كتير فى المنتدى ، بنتكلم عن العربيات اللى فى قسم كيا وبره كيا بنشوف عربيات بعض والتعديلات اللى بيعمله كل واحد فى عربيته لو فى مشكلة بنشوفها على الطبيعة وبنحلها بما لدينا من خبرات فى القسم ، بنجرب عربيات بعض بنتعرف على ناس من اقسام تانية بيكونو مشرفنا بيكون احساس تانى وانت بتكتسب صديق جديد
فى حياتك ، ده لينك اخر مقابلة تمت لقسم كيا كانت المقابلة الخامسة للقسم

http://www.nilemotors.net/nile/219562-a.html

والحمد لله بيكون التنظيم جيد الى حد كبير واللى حضرو قبل كده ال 4 مقابلات هما اللى يقولو .
على بركة الله نبدا التحضير واللى عنده اقتراح لمكان يكون مميز وواسع وفيه بارك للعربيات يتفضل يقترح علينا .

---

تسلم يا عمدتنا علي العزومة الجميلة دي
بالشفا اولها تدبيس اهه
و كمان ان شاء الله هتكون مقابلة مميزة لتشريف المهندس نورمال بأذن الله
و ان شاء الله الحبايب كلهم يتواجدو فيها اختار انت بقي المكان و اظن الرحاب مميزة

أنا لسه راجع من السفر والله وشايف الموضوع دلوقتي
إن شاء الله تعالى جي مقدرش أفوتها المرادي
لو كنتاكي الرحاب تمام "نو بروبليما" معلش كل واحد وثقافته

و انا كمان معنديش مشكله مع الرحاب .خصوصا ان حبيبى المهندس محمد رشدى هناك و هشوفه .

اقتباس:

---

المشاركة الأصلية كتبت بواسطة ls1090

ان شاء الله جاى

---

منور يا كبير و يا ريت نشوفك .و يا رب تعمل فى الرحاب

بناءا على توجيهات راعي الرياضة في مصر وراعي قسم كيا فخامة الرئيس ابو ليلى وبرؤية مستقيلة تم التوجية بكتابة المشاركة على النحو التالي :

انا جي معاكم انشاء الله ~ إييييييييي ء

ايوه هو اللي اصر اكتب المشاركة كده - ونعتذر للساده القراء عن اي روائح غير مرغوب فيها ظهرة اثناء قراءة المشاركة

ههههههههههههه ماشى ياعم ياسر
كده الاتجاه للرحاب على البركة .. بكرة بأذن الله فى الروقان نعمل الموضوع

بعد اذن حبيبي الغالي عمدتنا ابو ليلي كنت من فترة نفسي اجمع بعض مالكي القشقاي
و بعض مالكي السبورتاج مع وجود بعض الاخوة المحايدين لكي نقوم بمقارنة عملية و حقيقية
و ليس الهدف منها اننا نطلع برأي واحد ان السبورتاج افضل او القشقاي افضل و لا ان نجد انفسنا مجتمعين علي رأي واحد لان من الصعب ان تتوحد الاراء و الاذواق ( فلولا اختلاف و تنوع الاذواق لبارت السلع )
و لكن
الهدف منها اولا و اخيرا هو خدمة المنتدي الذي ندين له بالكثير و لن نوفيه حقه
و هي فرصة لكي يحكم الاخوة الاعضاء علي مميزات و عيوب كل سيارة منهم و نقوم بعمل موضوع مجمع في كلا القسمين بعد ذلك و يدخل الاخوة الافاضل المحايديين ليدلو بشهادتهم فيما شاهدوه حتي يستفيد كل اعضاء المنتدي فيما بعد و كم من عضو يحتاج لمثل هذه المقارنات قبل الحجز لاننا بنكون مترددين احيانا
و وجدتها فرصة ان نأخذ ربع ساعة علي هامش هذه المقابلة يا كبيرنا
منتظر الاذن يا ريس كي ندعو من الان

فكرة عبقرية يا صديقى واتمنى من كل قلبى ملاك الاسبورتاج يكونو موجودين
لان فعلا المقارنة بين العربيتين هى الشغل الشاغل للمقبلين على الشرا وانت معاك القشقاى
بأذن الله تتحقق على اكمل وجه والدعوة بالتاكيد ستوجه لقسم نيسان بعد عمل الموضوع
طبعا انت ملكش دعوة بنيسان انت واحد مننا من زمان والمقابلات تشهد
واتمنى للمرة التالتة ملاك ريو يحضرو معانا لانى ملاحظ محدش فيهم لغاية دلوقتى
قال جى احنا كلنا هنا قسم واحد مهما كان نوع العربية وشخصيا لا اتمنى انفصالهم عن القسم
طبعا اتمنى من ملاك الكارينز يكونو موجودين ا/ خالد يا كبير الكرانزوية نفسى اسوق الكارينز
قبل ما اموت .

اقتباس:

---

المشاركة الأصلية كتبت بواسطة ابو ليلى

فكرة عبقرية يا صديقى واتمنى من كل قلبى ملاك الاسبورتاج يكونو موجودين
لان فعلا المقارنة بين العربيتين هى الشغل الشاغل للمقبلين على الشرا وانت معاك القشقاى
بأذن الله تتحقق على اكمل وجه والدعوة بالتاكيد ستوجه لقسم نيسان بعد عمل الموضوع
طبعا انت ملكش دعوة بنيسان انت واحد مننا من زمان والمقابلات تشهد
واتمنى للمرة التالتة ملاك ريو يحضرو معانا لانى ملاحظ محدش فيهم لغاية دلوقتى
قال جى احنا كلنا هنا قسم واحد مهما كان نوع العربية وشخصيا لا اتمنى انفصالهم عن القسم
طبعا اتمنى من ملاك الكارينز يكونو موجودين ا/ خالد يا كبير الكرانزوية نفسى اسوق الكارينز
قبل ما اموت .

---

تسلم يا حبيبي
و ان شاء الله يكون فيه كذا عربية قشقاي و كذا اسبورتاج
و ان شاء الله هنتظر الموضوع لدعوة كبير عائلة نيسان الاخ الفاضل أ.احمد مصطفي و اخوانا في قسم الصقور جميعا

بما انى نصى صقر (نيساناوى) ونصى التانى نمر (كياوى) .. :36_3_10[1]:
كان نفسى احضر المقابلة دى بس للاسف الشديد الاجازة خلصت وسافرت امبارح :crying2::crying2::crying2:
لكن ان شاء الله تبقى مقابلة جميلة واتابعكم بالتقارير والصور وآراء الاعضاء :3_3_102[1]:.. قصدى خبراء المنتدى :wink14::wink14::wink14::wink14:

ياخسارة يا يوسف كان نفسى تكون موجود
ايه رائيك نعملك عقد احتراف لمدة سنة فى كيا وسيب احمد مصطفى عليا انا هراضيه

اقتباس:

---

المشاركة الأصلية كتبت بواسطة youssef.awad

بما انى نصى صقر (نيساناوى) ونصى التانى نمر (كياوى) .. :36_3_10[1]:
كان نفسى احضر المقابلة دى بس للاسف الشديد الاجازة خلصت وسافرت امبارح :crying2::crying2::crying2:
لكن ان شاء الله تبقى مقابلة جميلة واتابعكم بالتقارير والصور وآراء الاعضاء :3_3_102[1]:.. قصدى خبراء المنتدى :wink14::wink14::wink14::wink14:

---

والله كان نفسى أشوفك . ترجع بالسلامة ان شاء الله

اقتباس:

---

المشاركة الأصلية كتبت بواسطة ابو ليلى

طبعا اتمنى من ملاك الكارينز يكونو موجودين ا/ خالد يا كبير الكرانزوية نفسى اسوق الكارينز قبل ما اموت .

---

هههه حبيب قلبى يا أ. وائل ... أنا اجيبها لك لحد عندك
إن شاء الله الظروف تسمح وأتشرف بمقابلتكم جميعاً إن شاء الله

اقتباس:

---

المشاركة الأصلية كتبت بواسطة ابو ليلى

ياخسارة يا يوسف كان نفسى تكون موجود
ايه رائيك نعملك عقد احتراف لمدة سنة فى كيا وسيب احمد مصطفى عليا انا هراضيه

---

ههههههههههههه على كام طيب .. يعنى الواحد لازم يبص لمستقبله شوية :coming-soon[1]:

اقتباس:

---

المشاركة الأصلية كتبت بواسطة mmbadroo

والله كان نفسى أشوفك . ترجع بالسلامة ان شاء الله

---

معلش ملحوقة باذن الله الاجازة الجاية ..