رحلت عذانى وتوبتى (ارجو ان تكون عظة للناس)

رحلة العذاب فى الترخيص
المهم روحت الصبح بدرى كلى نشاط وفرحان عشان هنقل ملكية العربية باسمى وكمان هجدد رخصة العربية
المهم روحت الصبح انا عارف ان مرور الجزيرة فى عين الصيرة
المهم روحت هناك قالو ليا لا يا حبيبى دة كان زمان دلوقتى موجود فى الزمالك
روحت الزمالك بسرعة عشان الحق اخلص بئا وانجز اليوم
المهم روحت هناك قالى لا دة راح السبناية ولاة برج التجارة
روحت على هناك
دخلت على الموظف بعد ما وقفت طابو طاويل لقيتو بيقولى هاتلى من فوق شهادة البيانات ونزلى قولتلو ياعم اكتبو الحاجات دى على اليافطة عشان الناس تعرف بدل ما اعد الصف كلو وبعد كدة ارجع تانى
روحت جبت البيانات
قالى طيب بئا انزل هاتلى الملف بتاعك من تحت قولتلو تانى قالى معلش
قولت اشطة معلش معلش مش مشكلة
جبت الملف
وهو بيملى البيانات قالى معاك 5 الف جينة هههههههههههههه ضحكت قولتلو فى حد بيمشى بالمبلغ دة
قولتلو لية قالى عشان هتدفع الضريبة هنا قولتلو لية انا هدفع فى السلام قالى لا الرخصة خلصت لازم تدفع هنا
طبعا اليوم خلص ومشيت عشان ماكنش معايا فلوس
قولت الحمد لله اليوم اضرب
ومشيت ودة كان يوم من ضمن الايام
ولسة هكمل ليكو باقيت المغامرة معا تجديد الرخصة ونقل الملكية
يوم اخر فى رحلة التوبة
المهم روحت اول واحد الصبح قولت اروح بدرى عشان شوية
بس الصراحة شهادة لله هى الدنيا حلوة شوية فى مرور الجزيرة غير السلام خالص بغض النظر عن الزحمة
لكن الماكن محترم وجديد واجهزة تكيف وكمان تلفزيون ومياة ساقعة وكدة
المهم روحت اليوم دة وخلت بقول للموظف عايز اتنين شهادة بيانات واحدة للشهر العقارى وكمان واحدة للمرور
المهم قالى لاء هديك واحد للشهر العقارى الاول ولما تسجل تعالة خد بتاعيت المرور انا الصراحة مفهمتش لية لكن مردتش ارخم علية عشان الدنيا
كانت زحمة
المهم جبت البيانات ودفعت الضريبة فى المرور الجزيزة معا العلم انى هحول مرور السلام
قالى لاء انتا لازم تدفع هنا عشان الرخصة خلصت وحنا من حقنا الضريبة دى قولت ليهم ياعم انتو هوما مش هتفرق كلكو اخوات دفعت 4900 جينة ضريبة
المفاجاءة بئا ونا بجيب المخالفات لقيت عليها 1500 جينة قولتلو ياعم انا شوفت المخالفات على النت ان العربية مفهاش حاجة
عشان كدة انا خلصت للراجل صاحب العربية حقو
اجيبو ازاى دلوقتى ....
رد قالى دى مش على العربية دى على صاحب العربية
قولتلو ونا مالى
رد هاتلى عقد مسجل ونا اشلها لك
قوتلتلو ماشى
انا كدة كدة رايح اسجل
اليوم الثالث
روحت الشهر العقارى والله انا شوفت الدنيا رايقة فرحت اووووى
بقولها عايز اعمل عقد مسجل سيارات
الصراحة مردتش من اول مرة
كررت الكلمة تانى قالتلى روح سوق السيارت العاشر
قولتلة انا مش عايز اشترى عربية انا عايز اسجل العربية بتاعتى هههههههههه
ضحكت قالتلى ونا قولتلك روح الشهر العقارى الى فى العاشر
الصراحة انا زهقت ودخل كام واحد الشهر العقارى بردو سيارات كان نفس الرد ااننا نروح العاشر
طبعا رفضنا وعالينا صوتنا على الاخر
ودخلنا للمديرة قالت انا معنديش موظفين قولتلها دى مش مشكلتنا قولى كدة للوزير يجبلوكو موظفين
المهم بعد نص ساعة من الضغط عليهم عملو العقد
سمعت صوت خناقة فى المكتب روحت اشوف فى اية لقيت اتنين موظفين ماسكين فى بعض عشان
دة مش عايز يشتغل والتانى ويحط الشغل عندو
المهم سبت الموضوع دة ومشيت فى مراحل العقد وعملت العقد
وفى اخر مرحلة كانت الدنيا زحمة
وحصلت خناقة كبيرة فى مكتب المديرة والمكتب شبة التكسر المديرة خدت الاختام وجريت بس الحمد لله انا كنت خلصت بس وقفت اتفرج
ههههههههههههههههههههههههه ههههههه
ونا كنت حاضر المشكلة من اولها المشكة ان واحد واقف فى اخرررررررررر الصف بيقول يجماعة نظام الله يخربات الثورة الى عملت فينا كدة
انا الصراحة مش عارف اية دخل الثورة فى الصف
المهم لقيت واحد فى اول الصف قالو يخربيتك انتا واهلك انا ابنى شهيد دول اسيادك
قالو شهيد اية هو كان طيار المهم شتمو بعض
بس طبعا فى شتيمة خالتنى فطست على نفسى من الضحك الراجل الى فى اول الصف بيقولو انتا فلول
وحنا هنجيبك وهنعدمك ههههههههههههههههههههههههه ههههههههه
طبعا حوال التسجيل دة خد منى تقريبا 3 ساعات او اكتر
الى اللقاء فى يوم اخر
وطبعا هكمل ليكو عملت اية فى المرور تانى
المهم روحت المرور هناك بتاع السلام طلب منى انى اروح مرو ر الجزيرة اجيب مطابقة بصمة من الملف الاصلى
طبعا روحت
وبعد كدة رجعت على السلام تانى فى يوما اخر
وفى الاخر خد تصريح ست شهور للعربية لخاية ما الملف يجى وبعد كدة ابئا اروح اخد الرخصة

انا ندماااااااااااااااااااااا اااااان

الحوار دة خد منى بظبط اسبوعين

الحمد لله انها جت على كده يوم المرور ده كله بيعمل حسابه من قبله هههههه انا اول لما جبت العربيه خلونى روحت سفاجا علشان اجيب شهاده بيانات تانيه علشان البهوات كتبين كلمه 2010 يدوى علشان مكنتش نزلت عندهم على الكمبيوتر قولتله ازاى ومش ازاى قالى مقدمكش حل غير كده واتطريت انى اروح انا والى جايبلى العربيه علشان نجيب واحده تانيه وبعد لما جينا قالولنا عايزين واحده تانيه للشهر العقارى ههههههههههههههههعلشان اسجلها باسمى عملتلهم مجنون والله قولتله ياعم مش هسجل الزفته ديه طلع الرخصه باسم الراجل وانا بعد كده هبقى اطلع واحده من المرور هنا وقعدت فوق الشهر كل يومين اروح المرور لحد لما الافراج بتاعها جه المرور لدرجه ان الموظفين قالولى انت المفروض تبقى موظف معانا فااحمد ربنا انها جت معاك على كده

قصة كفاح

المصالح الحكومية في مصر للآسف هي قصة من المرار و تضييع الوقت و حرقة الدم ............. على الفاضي.

يا سلام ........ أنا فاكر لما كنت بأشتري عربيات و أبيع .......... بورقة ترسلها للمرور و في خلال أسبوع .......... العربية تصبح ملكك
و من غير ما تروح أي مكان و تضيع وقت و توظف ناس ملهاش لازمة .


هنا دوخيني يا ليمونة ........... و تحيا مصر يا رجالة .

إيه ده .......... دفعت 4900 جنيه علشان تجدد الرخصة وتبقى بإسمك ........... لأ تعالى هنا وأقف ؟؟؟

يعنى أنا إشتريت عربية من دكتورة والرخصة بإسمها وسارية لحد مايو 2013 وكنت سابقا نقلت ملكية العربية فى الشهر العقارى ودفعت 1000 جنيه ......... معنى كده إن أنا لما أجدد الرخصة بعد ما تنتهى فى 2013 هادفع 5000 !!!!!!!!!!!!!!!!!!!!!!!!!!!!!!!!!!!!

مقولتليش ... اثناء المعمعه انت كنت مع الفلول واللا مع الثورة ؟؟؟ اصل واضح انهم عاملوك على انك مع الثورة !!

اقتباس:

---

المشاركة الأصلية كتبت بواسطة haitham1985

إيه ده .......... دفعت 4900 جنيه علشان تجدد الرخصة وتبقى بإسمك ........... لأ تعالى هنا وأقف ؟؟؟

يعنى أنا إشتريت عربية من دكتورة والرخصة بإسمها وسارية لحد مايو 2013 وكنت سابقا نقلت ملكية العربية فى الشهر العقارى ودفعت 1000 جنيه ......... معنى كده إن أنا لما أجدد الرخصة بعد ما تنتهى فى 2013 هادفع 5000 !!!!!!!!!!!!!!!!!!!!!!!!!!!!!!!!!!!!

---

لا عشان انا معايا عربية جيب
دى كانت الضريبة بتاعته غير نقل الملكية

اقتباس:

---

المشاركة الأصلية كتبت بواسطة ميرو اسامه

مقولتليش ... اثناء المعمعه انت كنت مع الفلول واللا مع الثورة ؟؟؟ اصل واضح انهم عاملوك على انك مع الثورة !!

---

هههههههههههههههه والله انا كنت واقف بضحك الصراحة
الناس بتتعامل بطريقة غريبة
من البداية اية الى جاب الثورة للصف الى احنا وقفين فى
تانى حاجة الراجل الى شتم فى الاول ميصحش يشتم عشان مش من حقو يحكم على الثورة
والراجل التانى انا كنت حاسيس انو بيمثل وابنو ولاة شهيد ولاة حاجة

اقتباس:

---

المشاركة الأصلية كتبت بواسطة tutankhamoun

المصالح الحكومية في مصر للآسف هي قصة من المرار و تضييع الوقت و حرقة الدم ............. على الفاضي.

يا سلام ........ أنا فاكر لما كنت بأشتري عربيات و أبيع .......... بورقة ترسلها للمرور و في خلال أسبوع .......... العربية تصبح ملكك
و من غير ما تروح أي مكان و تضيع وقت و توظف ناس ملهاش لازمة .


هنا دوخيني يا ليمونة ........... و تحيا مصر يا رجالة .

---

فين الكلام دة الى بورقة للمرور يتم نقل الملكية ونا اروح انقل هناك

اقتباس:

---

المشاركة الأصلية كتبت بواسطة mohammedaladel

قصة كفاح

---

والله ياباشا انا لما خد الرخصة كنت عايز اعيط ههههههههههههههههههههههه
انا راشش والله فلوس لا تقل عن 250 جينة فى المرور
عشان طبعا ماكنش ينفع ارخص بالاكصدام الحديد الى انا مركبو كمان الفامية والنواكل
بس كلو هناك تفتح مخك كلو بيمشى

لا طبعا اللى بيتدفع بيبقى حسب نوع العربية وموديلها وكدا

لصاحب الموضوع: الله يعينك دا ايه دا..... انا لو مكانك كنت همشى بيها منتهية

اقتباس:

---

المشاركة الأصلية كتبت بواسطة ahmed.fahmy

لا طبعا اللى بيتدفع بيبقى حسب نوع العربية وموديلها وكدا

لصاحب الموضوع: الله يعينك دا ايه دا..... انا لو مكانك كنت همشى بيها منتهية

---

المشكلة ان المهلة شهر واحد ولو اتاخرت كونت هدفع ضريبة وتلت

اقتباس:

---

المشاركة الأصلية كتبت بواسطة hussein_ramdan

فين الكلام دة الى بورقة للمرور يتم نقل الملكية ونا اروح انقل هناك

---

ده فى اى دوله فى العالم غبر مصر

زحام اداراة المرور بيبقى مفتعل من الموظفين اللى هناك بعطلك ويشتغل براحته وروح وتعالى لان كل مايكون زحام تبقى عايز تدفع وتخلص وكله مصالح يعن ى مثلا لو عربيتى مفهاش نقل ملكية ولا فحص ولا حاجة ليه متخلص من النت ادفع الضريبة ولو عليها مخلفات ادفعها والرخصة توصلى انما مافيا المرور عطلوا المشروع لانه كان هيقضى على السبوبة وكلة كوم ومرور فيصل المقرف كوم تانى مفيش كرسى تقعد علية ولا دورة مياه ولا مكان تشرب منه كانك رايح تتادب هناك

اقتباس:

---

المشاركة الأصلية كتبت بواسطة Hussein_Ramdan

فين الكلام دة الى بورقة للمرور يتم نقل الملكية ونا اروح انقل هناك

---

اقتباس:

---

المشاركة الأصلية كتبت بواسطة minicooper20

ده فى اى دوله فى العالم غبر مصر

---

بريطانيا البلد ........ آخر خط بنها http://www.kolobok.us/smiles/sport/shablon_03.gif

بيع العربيات هناك كالتالي .

تعرض عربيتك للبيع .

يجي المشتري ...... يديك الفلوس ......... و المرور بيكون مديك أصلا عقد مقسوم نصين.
نص فيه أسمك ....... و نص فاضي .
لما تبيع
أنت بخطك تملى النص الفاضي (و أنت قاعد في بيتكم )
و بعدين تمضي و تخلي الزبون يمضي ............... و ترسل العقد للمرور (هاتضطر هنا تروح مكتب البريد اللي أخر شارعكم http://www.kolobok.us/smiles/sport/fan_1.gif ) و تأخر نفسك 5 دقائق http://www.kolobok.us/smiles/remake/cool.gif و تديله نسخة أصلية بتكون معاك أصلا .
و في خلال 4 أسبوع ................ بيوصلك أخطار بأخلاء مسوليتك عن العربية .......... و بيوصله هو العقد الجديد اللي فيه النصين علشان لو هو حابب يبيع .

لو أنت عايز كمان ما تديلوش ورقة الضريبة و تعمل طلب أسترجاع ....... ممكن كمان تعمل الطلب و يعملولك أسترجاع و هو هنا عليه يدفع الضريبة من تاريخ الشراء .
بس الناس هناك مش بتعمل كدا علشان دي نقطة جذب للشراء و البيع .

يعني تقريبا بتبيع العربية في 5 دقائق .

و مفيش حاجة أسمها تروح المرور ......... و مفيش حاجة أسمها تشيل لوح و تحط لوح جديدة .
و مفيش حاجة أسمها شهادة بيانات ............. و العك اللي عندنا ده .
و مفيش حاجة أسمها شهر عقاري ..... و موظفين يطلعوا عين أهلك ........ و4 أو 5 أيام تضيع في المرور و الشهر العقاري

كل المصاريف هناك تتحسب مرة واحدة و تدفعها عن طريق البريد و خلصنا و كان الله بالسر عليم .

و كل سنة و أنتم طيبين و مصر و ناسها بخير و صحة و سعادة http://www.kolobok.us/smiles/remake/crazy.gif

اقتباس:

---

المشاركة الأصلية كتبت بواسطة ahmed.fahmy

لا طبعا اللى بيتدفع بيبقى حسب نوع العربية وموديلها وكدا

لصاحب الموضوع: الله يعينك دا ايه دا..... انا لو مكانك كنت همشى بيها منتهية

---

أنا عملت كده ....
من 2008 يوم جمعه و الساعة 8 الصبح و طريق بلبيس الصحراوي .... ظابط رخم واقف سحب الرخصه عشان ماشي 120 ... من غيظي حلفت ما هدفع و لا هجيب الرخصة ... و رخصة العربية خلصت شهر 6 سنة 2010 و لسه مجدد امبارح و دفعت بس الضريبة العادية من غير اي غرامات خالص و حوار ضريبة و تلت ده شكله مش صحيح لأن لما جيت اجدد الموظف جددلي عادي بس من تاريخ انتهاء الرخصة ..

ربنا يسهل بقى و اعمل بدل فاقد لرخصتي .. قريبا بس خايف من المرمطة بتاعة القسم و المرور ..

اقتباس:

---

المشاركة الأصلية كتبت بواسطة hussein_ramdan

المشكلة ان المهلة شهر واحد ولو اتاخرت كونت هدفع ضريبة وتلت

---

وحضرتك التلت بتاعك مش اى تلت هههههههه

اقتباس:

---

المشاركة الأصلية كتبت بواسطة hossam_elwani

وحضرتك التلت بتاعك مش اى تلت هههههههه

---

هههههههههههههههههههه