عايز اعرف معلومات عن اسعار قطع غيار نيسان جوك انا بفكر فيها ومحتار مابينها والالنترا ادعولى بالخير وانصحونى
عرض للطباعة
عايز اعرف معلومات عن اسعار قطع غيار نيسان جوك انا بفكر فيها ومحتار مابينها والالنترا ادعولى بالخير وانصحونى
قصة اسعار قطع الغيار مش هى اللى حتحسم لك موضوع الاختيار
لان كل العربيات الجديدة اسعارها غالية فى التوكيل والكل قريب من بعضه جدا
خالى بالك الجوك حاجة والالنترا حاجة تانية
فعايز اعرف حضرتك حاطط الاتنين فى دماغك من اى ناحية ؟!
الجوك شبابية .. والالنترا طبعا اوسع منها
وعلى العموم قريب باذن الله الاسعار حجيبها مع اسعار الصنى الجديدة
انا سمعت كلامكم وروحت اتفرجت على الجوك تانى لا فعلا مش هتناسبنى قعدتها مش مريحة فقولت الالنترا بس مش عارف اية رايكم بدات افكر فى القشقاى مانيوال مقارنة بالالنترا هاى لاين لانى مقدرش دلوقتى ازود لفئة الاتوماتيك رائى حضراتكم اية
موضوع المانيوال ده يتوقف على حضرتك و الاماكن اللى بتسوق فيها. يعنى لو بتسوق على طرق سريعه معظم الوقت يبقى الموضوع مش هيفرق معاك قوى لكن المشكله لو سواقتك جوه البلد فى الزحمه لان فى الحاله دى المانيوال هيبقى عذاب و كمان فى نقطه تانيه ان الطلب على الاتوماتيك اكتر من المانيوال بكتير و لذلك سعر اعاده البيع للاتوماتيك هتلاقيه احسن بفارق ملحوظ عن المانيوال . لو بتسوق فى زحمه يبقى خليك فى الاتوماتيك و ممكن تشوف كسر زيرو او تدفع اللى مع حضرتك و تقسط الباقى و بكده تبقى جبت الحاجه اللى انت عايزها مش دفعت فلوس قد كده و انت مش مقتنع بيها قوى او تحجز من الوكيل و هتستلم بعد فتره تكون جهزت فيها باقى المبلغ المطلوب و بالتوفيق
طالما فكرت فى المانيوال يا دكتور ..
ياريت تدخل الاوكتافيا اول فئة فى المقارنة وشوفها كده ومش هاتخسر حاجة
عالاقل عربية عضمة وجامدة وامان وصيانتها متوسطة لا عالية ولا منخفضة وكمان تستحمل الطرق اللى ذكرتها من الشرقية ومدن القناة زراعى وصحراوى
انا عندى الاوكتافيا اول فئة برقبة الالانترا اعلى فئة وصدقنى ركوبة ما تتعوضش باوبشن العربيات الكورى كلها
فعلا خليك في الفنتاسيا عربيه تحفه احنا معانا اول فئه في الأوتو
عربيه عظيمه و فيها كل الأبشنز اللي ممكن تحتاجها
(abs,ebd,2-air bags,bluetooth,multi-function,foge light,مرايات تعتيم,حساس مطر,طارة جلد,مثبت سرعه ,تكييف خلفي و أمامي,tcs,حساس قياس ضغط الأطارات,مرايات كهرباء و ضم كهرباء,وحدة رفع,سنتر,تحكم في اضاء المصابيح الأماميه,كمبيوتر رحلات)
ده غير التقفيل الممتاز و الثبااااااااااااااااااااا ااااااااااات الخرافي
وبالتوفيق انشاءالله
طالما قعدت فى الجوك ومستريحتش يبقى القاشقاى وش
عربية جميلة وفخمة وبرستيج
سيبك من الالنترا
اناروحت التوكيل فى طريق مصر اسماعلية وصدمنى وقالى العربية الفئة2013 الهاى لاين143.5 بقت 146.5 وحجز واستلام اخر شهر 11 ومش موجودة لية اصل اتهرب شحنة2013 غير مطابقة للمواصفات دخلت البلد والمركب كمان الى جت التوكيل رجعت كلها تانى واقولة طب اجيبها من الموزعين قالى براحتك قولتلة لوجة الله قالى بلاش غير مطابقةعديت بالصدفة على توكيل بريليانس اتفرج بس بصراحة اول ماشفت v5عجبتنى وقلت هية دى ماكينة مايفك ميتسوبيشى يابانى وعفشة لوتس وشكل تحفةواى بى اس واى بى دى وبى دى واى اس ار و4 ايرباج وبلوتوث وطارة مالتى ولاقط ردار وجنط 17 وفتيس استربيترونيك وشاشتين كمبيوتر وفتحة سقف وغيرها من المواصفات غير الليدات قدام وورا فى الفوانيس العدسات والوسع الرهيب والقاعدة المريحة والارتفاع الارض و8 سماعات وايمبوليزر وسمارت كى وغيرها وغيرهاودخل 3 عليا وانا بتفرج ودفعوا10 الاف وحجزوا فى ساعتها انا هستخير وهروح يوم الجمعة احجز العربية ان شاء الله ادعولى وسعر الهاى لاين 136 الف وفى مانيوال واتوماتيك هاف وانا بعد الحجز هاعمل تيست درايف وربنا يسهل بقى اية رايكم انا عارف هاتقولوا صينى لكن الماكنة يابانى مايفك والعفشة لوتس انجليزى وتقفيل جميل وما فيهاش سوك الالنترا وعالية وكمان سعر الالنترا 2013بقى رهيب وهوفر30 الف عن الجوك واوسع واشيك وبعد كلام المندوب النهاردة مش عارف ربنا يوفق الكل يارب للى فية الخير يارب
مشكلة ماركات كتير زى البريليانس مش بس انها صينى
انما بعد سنتين ثلاثة بالكتير بتلاقى نقص شديد فى توافر قطع غيارها خاصة الهيكل الخارجى وحاجات بسيطة زى شبكة ولا فانوس ولا جنط وطبعا الاستيراد شبه نادر والميكانيكا ممكن تلاقى نفسك بتركب حاجات تمشيك مش بتاعتها اصلا وده لقلة المبيعات
وعندك اكبر عربية بريليانس باعت فى مصر هى الجالينا واسأل حضرتك عنها دلوقت بعد ما كسرت الدنيا واللونين والحركات شوف دلوقت فى سوق المستعمل وحالة العربيات اللى ماشية عاملة ايه ؟ ونزلوا سعرها من 145-150 الى 100 الف ج بس وطبعا تجميع البافارية جنب بى ام دبليو ده لا شايفه ميزه ولا عيب لأن المكونات هى الاساس وتوليفها مع بعض
ولما تشوف السبلندور ولا الfrv و fsv هتلاقيهم اقل كمان من انتشار الجالينا ..
وبخصوص الصينى فى مصر .. عندك قصص وذكريات تحزن بس اصحابها من فرط المشاكل والخسائر ما بيقدروش يتكلموا زى الكومودو والشيرى A11 وA11 LONG وQQ وB15 والجريت وول وفاشون ونوع تانى شبه البى ام X5 كان نزله وليد توفيق صاحب توكيل كيا السابق ونوبل وجيلى الفروتة والCK وغيرها كتيييييييييييير من تجارب الصينى المريرة فى مصر للاسف ..
يمكن انجحهم الاسبيرانزا لما قفلها ابو الفتوح فى مصر بس برضه لا ترقى بمستوى العربيات التى تستحق الركوب
نصيحتى من اهم قواعد شراء العربيات فى مصر .. التوكيل وقطع الغيار بانواعها ميكانيكا كهرباء واكسسوارات وليس سعر ولا كماليات ولا تصميم جذاب ولا غيرها !!!
بالظبط زى ما بتكون بتدور على عروسة عشان تتجوزها وتكون مسؤولة عن بيت واولاد ..
بالتوفيق ان شاء الله