شباب محتاج رايكم ضروري في البولو من 2003 الي 2005

انا عاجباني جدا البولو الفئة دي و نويت ان شاء الله هروح اشوف كام واحده كده بس بالصدفه دخلت لقيت الناس عماله تحذر منها زي ما يكون اللي هيركبها هيلبسه عفريت :I_angr1[1]: طبعا جالي احباط و قلت مافيش قدامي غير اني اسال اتاكد من الناس التقيله ف الموضوع ده مع العلم اني مش هيفرق معايا حوار اعادت البيع عشان ماليش انا في موضوع التنطيط بين العربيات ده بالميت يعني 4 سنين 5 كده لو فكرت ابيع يعني .. كمان الناس بتتكلم ف قطع غيار قليله شوية بس لو هتتلاقا عادي ! الواحد يتعب شوية و يركب عربية محترمة ولا ايه ؟!


مستني رايكم و ياريت كمان لو في معلومة عن توكيل العبور اذا كان كويس لاني مش ناوي الف علي ميكانيكيه

شكرا

انصحك بلاش عشان العربيه ديه
برازيييييييلي
وخد بالك من موضوع برازيلي
والبولو معروف عنه انه المانى او اسبانى
لكن البرازيلي فى مصر حيقرفك فى كل حاجه
انصحك تدور على
بولو 2001
او جولف 2000

شكرا يا فندم علي اهتمامك و واضح ان اللي قريته كده صح :d

خلاص ننقل علي البولو ال 2001 عاجباني برده و في منها واحده ان شاء الله تكون كويسة

في مشاكل او عيوب او كده و ايه اخبار قطع غيارها و شغالين فيها ف التوكيل ولا هستعبطوا :d

معلش بئا تقلت عليك . مش لاقي غيرك حاليا و هشوف الكلام ده بكرة :)

بولــــــــــو 2000 : 2001 عربية محترمة جداااااااااااااا وسهلة الصيانة تتشارك مع الإبيزا والفابيا فى حاجات كتير أوى فى الميكانيكا والتكييف

إختيار موفـــــــــــق

موفق فى الشراء .

الف شكر علي اهتمامكم يا شباب و ان شاء الله كده اكون خفيف عليكوا و العربية تكون كويسة :d و مش كل شوية انطلكوا ببوست طالب حل :)