المشاركة الأصلية كتبت بواسطة sherifboo
صباح الفل على احلى منتدى .... نخش في الموضوع على طول من حوالي 3 شهور خدت بالي من عربية لانسر بومة شكلها جديد( مش متهانة يعني ) راكنة قصاد بيت واحد صحبي و عدت الايام و العربية راكنة زي ما هيا .... هنا الفار بدأ يلعب في عبي لتكون مسروقة و لا حاجة ودي الاسباب اللي خلتني افكر كدا كالاتي :
اولا معلقة نمر طبيعي جدا بس ركنتها ركنت واحد مثلا نزل يجيب حاجة من سوبر ماركت و راجع تاني
ثانيا مع مرور الايام بدا التراب يغطيها من فوق لتحت من غير اي اهتمام و حاجات بدأت تتاخد منها يعني كل ما اعدي على صاحبي الاقي فانوس مكسور -مراية مخلوعة ..و كمان لقيت مؤخرا انها وشها اتحرك من مكانه يعني تقريبا حد كان بيحاول يجرها . و كده
تالتا لو دي بتاعت واحد مسافر او حاجة فرضا يعني ليه مايوديهاش اي جراج مع الاعتبار ان كل العمارات في المربع ده فيها جراجات
خماسا لما سالت عليها الغفير بتاع العمارة اللي راكنة قصاده طلع مايعرفش حاجة حتى الناس اللي شغالين في المحلات اللي قصادها
اللي انا عايزه من الوحوش المساعدة في انه فعلا ممكن تكون العربية مسروقة و صاحبها عمال يدور عليها فممكن نعمل ايه في الموضوع ده هي نمرها رن 4732 مصر اللوحة لونها ازرق و مكانها اما بيتزا ماستر ش فيصل امام ش العريش .