هيا الكيا ريو وحشة قوي كدة ؟

**Deshahcoka** · 03-09-2012 06:14 AM

رجالة انا شايف البشر كلها بتهاجم العربية ديه زي ما السيراتوا كانتت بتتهاجم لما نزلت ...

مالها العربية ديه بس ؟ انا شايف انها حلوة قوي و اوبشن و امكانيات و شكل و ادائ ملوش زي ...

ايه الي مخليها بطيخة مضروبة كدة يعني ؟

انا حبيت اسال عشان انا ناوي ابيع السيراتوا و اشتري الريو !

شكرا

**akmm** · 03-09-2012 10:10 AM

وحتبيع السيراتو ليه ؟

**D/FARID CERATO** · 03-09-2012 10:12 AM

??????????????????????

**lenovo** · 03-09-2012 10:16 AM

المشاركة الأصلية كتبت بواسطة deshahcoka

رجالة انا شايف البشر كلها بتهاجم العربية ديه زي ما السيراتوا كانتت بتتهاجم لما نزلت ...

مالها العربية ديه بس ؟ انا شايف انها حلوة قوي و اوبشن و امكانيات و شكل و ادائ ملوش زي ...

ايه الي مخليها بطيخة مضروبة كدة يعني ؟

انا حبيت اسال عشان انا ناوي ابيع السيراتوا و اشتري الريو !

شكرا

والله العربية كويسة جدا بس مشكلتها انها لسه جديدة يدوبك كام شهر والوكيل ما ابتداش يسوق ليها غير من اسبوع في الجرايد لانه عايز ينزلها في 2013 او يرخصها 2013 برغم انها واقفة في المواني من زمان .. وبعد كده حتشوف سعر العربية عامل ازاي .... وعن تجربة انا معايا واحدة خليجي العزل الحراري كويس التكييف حلو كفاءة التكييف بتعلى مع الوقت الموتور لما بيفتح بيبقى رائع وتاخد منه احسن اداء بالاضافة الى الثبات على السرعة العالية ده غير انها عالية عن الارض خصوصا من ورا ..في حاجة تانية حتلاقي ناس كتير بتخاف تشتري العربية ديه علشان لسه جديدة فكلو مستني يشوف اراء ملاكها علشان ما يجازفش ولما تيجي تروح علشان تشتري وتقول لصاحب المعرض اخد ديه ولا الاكسنت الار بي يقولك خد الاكسنت اصل الريو ملهاش قطع غيار فيروح مطفشك من الريو بس كده

**AMRTOTI** · 03-09-2012 10:21 AM

المشاركة الأصلية كتبت بواسطة lenovo

والله العربية كويسة جدا بس مشكلتها انها لسه جديدة يدوبك كام شهر والوكيل ما ابتداش يسوق ليها غير من اسبوع في الجرايد لانه عايز ينزلها في 2013 او يرخصها 2013 برغم انها واقفة في المواني من زمان .. وبعد كده حتشوف سعر العربية عامل ازاي .... وعن تجربة انا معايا واحدة خليجي العزل الحراري كويس التكييف حلو كفاءة التكييف بتعلى مع الوقت الموتور لما بيفتح بيبقى رائع وتاخد منه احسن اداء بالاضافة الى الثبات على السرعة العالية ده غير انها عالية عن الارض خصوصا من ورا ..في حاجة تانية حتلاقي ناس كتير بتخاف تشتري العربية ديه علشان لسه جديدة فكلو مستني يشوف اراء ملاكها علشان ما يجازفش ولما تيجي تروح علشان تشتري وتقول لصاحب المعرض اخد ديه ولا الاكسنت الار بي يقولك خد الاكسنت اصل الريو ملهاش قطع غيار فيروح مطفشك من الريو بس كده

الاستاذ هادى دايما بيجيب من الاخر
متفق تماما مع حضرتك يا استاذ هادى

**HAITHAM1985** · 03-09-2012 10:40 AM

هاقولك ميزة نسبية للريو على السيراتو ....... العفشة ..... أمتن وأنعم

الريو عربية لا غبار عليها ....... مش معنى كده إن السيراتو وحشة

**lenovo** · 03-09-2012 11:13 AM

المشاركة الأصلية كتبت بواسطة amrtoti

الاستاذ هادى دايما بيجيب من الاخر
متفق تماما مع حضرتك يا استاذ هادى

شكرا أ. عمرو المهم التوضيح للناس بشفافية وبدون تحيز يعني احنا حنقارن سيراتو بقالها اكتر من 3 سنين بعربية مكملتش 5 شهور

**amagroup** · 03-09-2012 12:11 PM

نفسي كل التوكيلات يبقي عندها مهارة توكيل هيونداي عشان الاسعار تبقي في تنافس مش واحد بس ياكل الجو وعموما كان في زمان مشكلة قابلت ملاك السيراتو 2007 ان قطع الغيار قليلة انا مش عارف المشكلة دي موجوده لغاي دلوقتي ولا لأ يا ريت حد يفيدني المقصود ان لو التوكيل قدر يحافظ علي استقرارة ويخلي العميل يثق فيه زي ما هيونداي عاملة بتجرأ الناس علي الشراء ولو ان الهيونداي ليها مقلب كبييييير قوي للي اشتري هيونداي اكسنت اسبورت اللي نزلت 2010 2011 وخلاص ومنزلتش تاني اعتقد ان دي صدمه عشان قطع غيارة مش وموجوده لانها طبعا مبعتش كتيير

التوكيل لو بتاع مقالب بيخلي الناس تكش منه وعلي فكرة انا احترم منتجات كيا جدا زي الهيونداي بالظبط

**2CODE** · 03-09-2012 03:01 PM

السيراتو عربية جميلة ولكن بالطبع الريو اخدت طبع جميل في الشارع الكل عرفها وكأنك ماشي في الشارع بفراري في زمانها خصوصاً انها الشكل الجديد من الجيل الثاني من تصميمات كيا :)

المهم العربية حتى الان بدون مشاكل معايا ومع 5 هنا برضه من المنتدى العربية تمام من ناحية المشاكل محصلتش حاجة غير في اول فرزه من العربية كان السوفت وير للكمبيوتر فيه مشاكل واتحدثت بسوفت جديد للفرز الاول وفي الفرز التاني نزلت بالسوفت وير متحدث

وحتى الان مفيش مشاكل تاني موجوده في العربية كحالة عامة ومن ناحية العربية نفسها مواصفات وكماليات وشكل وسعر مقبول يعني تدفع 122 الف وتاخد 2 ايرباج و abs و ebd ودي اهم حاجة خلتني اشتري الريو

استهلاكها في البنزين وسرعتها على الطريق بيرجع ان الموتور 1400 بيولد 109 حصان ودي تكنولوجيا جميلة جداً في الريو موتور السنة دي

**Tmhami** · 03-09-2012 03:58 PM

نفسى أعرف وزن العربيه كبير كده ليه ( وزنها 1600Kg)
طب ده مش مأثر على السحب
أكتر حاجه خايف منها موضوع السحب
متخيل أن لو العربيه فيها 5 أفراد و التكييف شغال العربيه حتبقى تقيله أوى فى السحب
ياريت حد يرد عليا فى الموضوع ده