عندى مشكلة فى الزجاج الكهربائى لو سمحتوا حد يساعدنى
من كام يوم الزجاج الكهربائى اللى جنبى بقى يعلق يعنى شوية يشتغل عادى جدا و شوية ميرضاش لا يطلع و لا ينزل خالص كنت اركن العربية و اسيبها بعيد عن الشمس يشتغل لغاية من يومين فجأة علق و مبقاش عايز يطلع خالص فكيت الفرش من جوة و اتأكدت من ان الزرار شغال و موصل كهربا و مفيهوش مشكلة و عملت قفلة للمكنتة و برضو الازاز مرفعش المهم قفلت العربية و سيبتها لبليل و بدوس على زرار اللوك من الريموت لقيت الازاز رفع و قفل تمام و اول ما ادور العربية الاقى الازاز نزل لوحدة و الزرار اللى جنبي بتاع المكنة مبقاش لية اى دور بمعنى ادوس على زرار اللوك من الريموت الازاز يقفل و لما افتح العربية و ادور الكونتاكت الازاز ينزل لوحدة مع العلم ان برضو الازاز ساعت يرضى يرفع لو العربية هادية و ساعات برضو المكنة مترضاش ترفع حتى من زرار اللوك بتاع الريموت ...
ياريت لو حد يعرف اروح لحد متخصص اية بالظبط زجاج و لا كهربائى و لا ابواب و لا اية ؟؟
و ياريت حد يقولى على مكان حد يكون فى مصر الجديدة
علشان بقالى كدة اربع ايام تقريبا العربية مفتوحة و بضطر كل شوية اطلع الغطا و اغطيها
وجزاكم الله خيرا