اخي الحبيب اولا السلام سنوات عليكم و ثانيا كل شيء وله بإذن الله الف حل
انا كن معايا التمبرا لمدة 8 سنوات ونصف وتعبت في البداية من عك الميكانيكية الى ان هداني الله الى من يفهم في السيارة
المكان الوحيد في القاهرة كلها تقريبا اللي عنده قطع غيار اصلية للتمبرا والفيات الحديث عموما هو الكيلاني
وممكن تاخد تليقونه من الدليل الصوتي وعنوانه وسط البلد شارع شمبليون امام كشري ابو طارق اشهر محل كشري في مصر وده عنده كل الاصلي تشتري وانت مغمض بس طبعا اغلى من المحلات اللي برة علشان اصلي
والشيء الكويس كمان ان فيه ورشة كبيرة لازقة في محل الكيلاني فيها ميكانيكية كبار واسطوات كنت بعمل هناك كل حاجة واسعارهم ممتازة وكمان نفس الشارع مليان ورش الكبالن وعلب الدراكسيون اهم حاجة تنزل وتروح بدري انا اعرف الكيلاني بيفتح من قبل الساعة 9 وكذلك الورشة بتفتح بدري على 9 ولذلك كنت بروح بدري واخلص بدري ونصيحة اخيرة التمبرا عربية حساسة جدااااااااااااااااااا وحتتعب قوي لو سبتها في ايد ميكانيكي مش واخد عليه
اعقد العزم وتوكل على الله وربنا يهييء لك كل الخير
اخوك شريف
المفضلات