الموضوع: حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

المشاركة الأصلية كتبت بواسطة ahmed_fahmy

والله يا سيد باشا فكرتنا بشوية كلام اقرب لتلوث سمعى فعلاً طبعاً انت وضحت النهائي بخصوص العربيات القديمه وكان التعامل معها ازاى من الملاك الاصليين وبعد كده اللى اشتروها بربع سعرها الاصلى معتقدين انهم هيتعملو معاها بنفس طريقة المعامله مع العربيات اللى بنفس سعرها بس فئه اقل يعنى تلاقى واحد اشترى مثلاً فورد مونديو موديل ١٩٩٨ بسعر هيونداى اكسيل وتلاقيه بيقول ايه ده قطع غيار غاليه جداً وطبعاً بيروح لنفس ميكانيكى الاكسيل بتاعو القديم اللى طبعاً بيعرف فى كل حاجه ويبداء معاه فى الاختراعات وبعد ما تخرب ويكون شطب على جيبو يقلو ما هى عربيات وحشه........
و٩٥ من العربيات اللى باظت فيها وحدات الabs بسبب الاتى
١- يا باشا زيت الفرامل ما بيتغيرش ده بيتزود والمثقف شويه اللى هو يعنى معاه محو الاميه يقولك دى دايره مغلقه يا باشا وطبعاً الرايش بيسد بلوف وحدة الabs وبالتالى تخرب
٢- يروح يجيبلك زيت ابو علبه صفيح اللى هو الاصلى فى نظرو وده طبعاً هياكل كل الصمامات فى وحدة الabs
ده دور الميكانيكيه فى تخريب وحدة الabs
الفتايس الوتوماتيك نفس الجمله مبيتغيرش بيتزود والثقافه دى كانت بسبب ان ملوش طبه ومكنوش لسه بيعرفو يفكو كرتيرات وتكنولوجيا شفط الزين كانت حاجه من الفضاء بالنسبه لهم وكان بيحصل الاتى
١- يقنعك بعدم تغير الزيت لحد ما تجيب فتيس
٢- لمي يكون عايز يعمل مصلحه ويفهمك انو هيغيرلك الزيت اللى كل اصحابو قالولك مبيتغيرش يقوم يغيرلك زيت بور لعربيه بتاخد زيت مختلف زيى سيات وفولكس وعربيات كتير بالنالى تجيب فتيس عادى جداً
ادخل على الاختراعات
لاحظ معظم الفورد اسكورت والفيستا بتدخن من الشكمان سبب الميكانيكيه بتوع الكباري والتعديل فى بلف صغير اسمو pvc وده مسؤول عن عدم رجوع بخر الزيت وطبعاً شكلو عادى فممكن يتلغي ايه يعنى والناتج ان ممكن يخلو صاحب العربيه فى عمرة متور بسبب بلف ب١٥٠ جنيه
وغيرو من بلاوى ممكن نتكلم عليها سنه مش هتخلص اهم حاجه حالياً تثقيف الناس ولازم يفهمو ان الميكانيكى اللى مبيعرفش يقرا ولا يكتب مينفعش تسلمو حياتك يعنى يكسر خرطوم سيرفو ويلزقهولك بأمير ويربطلكش مصمار المقص عشان قام يضرب كشري او شاي بلبن والنتيجه انك تعمل حادث لا قدر الله بسبب استهتار الجماعه دول اللى مينفعش يتقال عليهم ميكانيكيه وفعلاً اتبع نصايح المنسقين عشان توفر على نفسك والله المستعان

الله يا احمد أفندي علي مشاركتك
الف شكر لحضرتك علي الأضافة
الله لا يسامحهم الأميين معدومي الضمير

بمناسبة مسامير المقص
وانا بعمل شغل عند العفشجي أكتشف ان في مسمار من مسامير المقص مكسور - اتاري الواد بتاع الزوايا فأخر مرة كنت بظبط عنده كسره وماقليش
نفسي اعرف خبي عليا ليه ؟؟؟ كان متخيل اني هعمله ايه ؟؟؟؟ مش كان قالي وكنت خدت بالي وغيرته في ساعتها
انما تقول ايه في قلة الضمير

وفعلا لو علي الفتي هنقول كتير اوي