الموضوع: حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين

المشاركة الأصلية كتبت بواسطة SYD

ياااه يا احمد لو هنتكلم عن المفارقات فدي ماتعدش في مصر
انا بستغرب جدا لما الاقي حد بيسألني أجيب كيا برايد ولا سيات ابيزا ؟؟؟ انا مش بعيب في البرايد - بس هي كعربية امكانياتها لا تقارن بالأبيزا - والعجيب ان سعرها يقترب جدا من الأبيزا واحياناً بيتخطاها في بعض الموديلات - ويمكن دة اللي فتح مجال للمقارنة بينهم - بس هتقول ايه - الناس كلها بتتكلم انها عربية عملية وقطع غيار رخيصة وموفرة وسهلة في البيع
انا اعرف واحد جاب لانوس ب 52 الف موديل 2005 فبريكة برة وجوة وباينها تكييف بس - كنت هتنقط - تجيب لانوس بسعر بورا او توليدو وعلي الأقل كاملة وألماني حتي لو موديل قديم شوية

وفي الأخر يا بشمهندس بتستغرب انهم قالوا علي المرسيدس جر أمامي عشان فرامل اليد بين الكرسيين
اللي خلاهم يقولوا علي العربية حالة شاذة لمجرد انها فبريكة برة دون الأعتبار لحالة الموتور والصالون والكيلومتر وكل الأعتبارات الأخري في التقييم

الابيزا دى مش سهل حد يعرف قيمتها غير واحد بيفهم فى سنة ١٩٩٤ كان عندى سويفت زيرو وكانت ساعتها طفره بالنسبه للعربيات لأن المنافس كان مش موجود فى السعر ده و كانت سيارة الشباب ال ريجاتا والمازدا ٣٢٣ وكان الجامد اور معاه جولف وصديق لى قرر يشترى عربيه واشترا ابيزا زيرو glx وكانت مفاجأه نفس احساس عربية الوالد رحمه الله كانت مرسيدس وكل ما اركب مع صحبى اقولو عداد السرعه عندك بايظ لأن ٨٠ فى السويفت زى ١٢٠ عندو فى الاحساس بالسرعه وساعتها ابتديت افهم يعنى ايه المانى وكانت طبعاً فى الفرامل ملهاش علاقه بالسويفت وبعد ٧ سنين باع الابيزا واشترا لانسر ٢٠٠١ وبعدها قاللى الابيزا كانت برقبتها وفى الاخر رجع برضو واشتري المانى تانى ودي مشكلة اللى ركب المانى هو الوحيد اللى عارف قيمة العربيه واللى بيركب عربيات من زمان واكتسب خبره مش هيفرق معاه كلام اراجوزات تجارة السيارات