| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 6 1 2 3 4 5 6 الأخيرةالأخيرة
النتائج 1 إلى 10 من 53

  1. #1

    SYD

    الصورة الرمزية SYD

    رقم العضوية : 94704

    تاريخ التسجيل : 14Apr2011

    المشاركات : 12,403

    النوع : ذكر

    الاقامة : Haram - Giza

    السيارة: OPEL VECTRA 2.0

    السيارة[2]: Seat IBIZA 1999

    دراجة بخارية: NO

    الحالة : SYD غير متواجد حالياً

    افتراضي حتي لا تؤول سيارتك الجديدة الي ما آلت إليه سيارات السبعينيات والثمانينات وحتي التسعين - Facebook Twitter whatsapp انشر الموضوع فى :

    hasad">

    السلام عليكم ورحمة الله وبركاته
    أخواني واخواتي احبائي في منتدي نايل موتورز

    سنتعرض اليوم لموضوع غاية في الأهمية يدور في ذهني منذ فترة ليست بالقصيرة وقد آن له ان اتعرض اليه اليوم وهو موضوع خاص بصيانة سيارتك والتي تعتبر للبعض منا هي اما كل استثماراته في الحياة او هي عائل لأسرته او مصدر لدخله او حتي تعينه علي قضاء حوائجه وحوائج اسرته.

    حول تسميه الموضوع بهذا الأسم

    سبب تسميه الموضوع بهذا الأسم هو مقارنة سريعة بين حال سيارات السبعينيات والثمانينيات وحتي التسعينيات وبين حال السيارات بعد ال2000 والغرض ليس الأساءة لسيارات هذه الفترة ولكن هو التعرض فقط لحالها
    فمعروف عن هذه الفترة انها كانت الفترة الذهبية او العصر الذهبي لمعظم مصنعي السيارات فظهرت فتلك الأونة سيارات خالدة تحمل لنا ذكريات من عبق الماضي الجميل مثل الساحرة مرسيدس 200 ومعشوقة الشباب والحرية البيتل والسيارة الأقتصادية 128 واخواتها كال 124 وال125 واللادا وسيارة المهام الصعبة والأعمال الشاقة المؤبدة البيجو 504.
    أكرر ، انا لا اعيب في هذه السيارات ولكن اعيب علي الزمن والعيب فينا نحن، فنحن من ظلم هذه السيارات. ظلمناها بجهلنا وظروفنا الأقتصادية.
    ظلمناها بأتباعنا لأرشادات الميكانيكية الغير متخصصين – كيف لنا ان نتبع الميكانيكي التارك للمدرسة الأمي الذي لا يستطيع حتي القراءة والكتابة وتركنا ارشادات مصنع السيارة وهو الذي درس من الهندسة ما يكفيه لكي يصنع سيارة ؟؟؟؟؟
    سيقول لي البعض ان من تلك السيارات المذكورة سالفاً من هي حتي عامنا هذا 2012 تعمل وبكل كفاءة، سأقول له ابحث وراء تاريخ السيارة ستجد صاحبها او مالكها الأول اما كان يتعامل مع مركز الخدمة المعتمد او كان يقوم بأصلاحها عند احد المتخصصين في صيانة سيارته وليكن حديثنا عن المرسيدس 200 ذات الثلاثين ربيعاً
    اشتهرت هذه السيارة بأنها رمز للثراء وعليه فكان يمتلكها اما الأثرياء او اساتذة الجامعة وكانوا يقومون بالصيانات عند مركز الخدمة او المتخصصين كما ذكرت أنفاً.
    وانظر ايضا لحالها اليوم عندما خرجت من دار العز والكرامة لتدخل دار الأهانة في بيوت الصنايعية وتدخلهم في شئونها فخربوها.
    أشتهرت ايضاً هذه السيارة بأن لا أحد يستطيع أصلاحها او فهم الغازها غير المتخصصين وكانت من اوائل السيارات التي ظهر لها متخصصين ويقال عليهم "ميكانيكي مرسيدس" فحافظ عليها حتي عامنا هذا علي حالها.
    وانظر ايضا علي سيارات الزمن الجميل وهي الأن تعطل السير بسبب وقوفها المتكرر كأتوبيس المدارس والسبب هو عدم وجود متخصص لها كالفيات 128 وال124 (أكثر السيارت ظلما من أصحابها)
    لم اسمع يوما عن ميكانيكي فيات 128 او 124 او 132 او ميكانيكي بيجو 504
    ولكننا ايضا نسمع عن ميكانيكي بيتل وهذا ما جعلها تصمد نوعا ما امام غدر الزمان وتنجح في معتركات الحياة.
    --------------

    بعد كل هذه المقدمة الطويلة سندخل في صميم موضوعنا محل حديثنا اليوم وهو كيف تقي سيارتك من جهل الميكانيكي وعبثه بها لكي تعبر بها من ظلمات الأعطال الي نور القيادة المريحة وسيكون علي شكل أفعل ولا تفعل
    = أولا وقبل اي شئ – لا تتبع ارشادات الميكانيكي اياً ما كان ولا تغتر بسنه او سمعته الطيبة او كلامه المعسول او حنية قلبه وحرصه علي جيبك وتقليل النفقات
    ولكن اتبع دليل السيارة (أن وجد) او ارشادات منسق قسمك وأصحاب الخبرة في القسم وهنا في المنتدي.

    = لا تقوم بتركيب البدائل الأرخص سعراً والتي يقترحها عليك الميكانيكي – ولكن أتبع ارشادات منسق قسمك وأصحاب الخبرة في القسم والتي قاموا بأختبارها وتأكيد صلاحيتها لمثل سيارتك.

    = لا تشتري قطع غيار مجهولة المصدر او الهوية والتي بالطبع ستكون أرخص سعراً من قطع الغيار الأصلية المعتمدة وأيضاً أتبع ارشادات منسق قسمك وأصحاب الخبرة في القسم والتي قاموا بأختبارها وتأكيد صلاحيتها لمثل سيارتك.


    = أبتعد عن الميكانيكي العام او ما أطلقت عليه مصطلح Generic وهو الذي يقوم بأصلاح كافة انواع السيارات في الكون ويزعم أنه يفهم في جميع انواع السيارات وأشتهر بحسن الأخلاق وانه حنين – ولكن تعامل مع الحراق او المغالي في مصنعيته ولكنه متخصص في سيارتك والأفضل أتبع ارشادات منسق قسمك وأصحاب الخبرة في القسم والذين قاموا بتجربته وتأكيد صلاحيته لمثل سيارتك.
    أنا اتفق مع القول ان فكرة تصميم ميكانيكا السيارت متشابهة لحد كبير والأختلاف في تطبيق هذه الفكرة ولكن الأجدر علي فهم طريقة التطبيق هو المتخصص في هذا النوع وهذه الفكرة.


    كل ما سبق طبقه مع الكهربائي والعفشجي وحتي السمكري والبوهيجي.


    أمثلة علي بعض المعتقدات الخاطئة والتي أضلونا بها أصحاب الجهل والتضليل


    زيت الفتيس مش بيتغير – زيت الفتيس بيتزود فقط

    احب اقولك ان زيت الفتيس مش بينقص تحت اي حال من الأحوال ولو نقص اعلم انه يوجد تسريب من احد الأويلسيلات او الطبات
    طب تعال نغيره او حتي نزوده – ستجد من يقول "حط زيت 90" طب بناء علي اي اساس من الأسس العلمية والمعملية قدرت لسيارتي انها متوافقة مع مثل هذه اللزوجة ؟؟؟؟؟؟؟!!!!!
    وحتي لو ، فهذه اللزوجة بها درجات متعددة منها W90/80 و منها W90/75 أيهما استخدم ؟؟؟
    بلاش دي طب استخدمها بأي معيار API-GL4 ولا API-GL5 ؟؟؟؟؟
    أنا متأكد انه سيخرج لسانه من فمه ويسيل لعابه

    زيت الموتور المناسب

    ستجد أقاويل كثيرة جدا جدا جدا في هذا الموضوع وهو من أكثر المواضيع جدلا بين الأعضاء هنا في المنتدي وقد أغرقوا المنتدي بمثل هذا التساؤل "أحسن نوع زيت ايه ؟؟"
    كل ما يسعني قوله هو ان الزيت ليس بالنوع – الزيت باللزوجة ، وانسب لزوجة مكتوبة في دليل المستخدم أو أتبع ارشادات منسق قسمك وأصحاب الخبرة في القسم والذي قاموا بأختباره وتأكيد صلاحيته لمثل سيارتك.

    ثرموستات الكوع

    قد لا يعرف البعض ماهي اصلا ثرموستات الكوع وهنا تكمن المشكلة ، وتكون سيارتك مرتع للميكانيكي لكي يعبث بها ويلغي ما يلغي ويطبب ما يطبب ويختصر ويشطب ويعدل كيفما يحلو له – فقد وجد ضالته وهي سيارة لا يستطيع صاحبها الجدال معه وهات وخد في الكلام – فهو الأن في موضع قوة بحكم أمتلاكه معلومة لا تعلمها
    وحتي لو لم تعلم ماهي القطعة المراد ألغائها بزعم عدم توافقها مع البيئة المصرية فأنا علي يقين ان مصنع السيارة لا يهزي ويخترع ماهو غير مناسب ويتعب قلبه في ابحاث وتجارب ثم يأتي المخترع الصغير المصري ويقوم بألغائها
    وعليه – لا تقوم بألغاء اي قطعة من السيارة حتي وان كنت لا تعلم وظيفتها او أقنعك بعدم جدواها وعدم ملائمتها للبيئة والجو المصري وانها تناسب البلاد الأوروبية في جوها الحار – وقل له كلمة واحدة فقط وحتي وان كنت غير متأكد او لا تعلم
    قل له "طب ماهي موجودة في السيارات الأسيوية و طبيعة اسيا مشابهة لمصر من حيث درجة الحرارة" ايضا سيخرج لسانه من فمه ويسيل لعابة مرة ثانية والأفضل أتبع ارشادات منسق قسمك وأصحاب الخبرة في القسم والتي قاموا بأختبارها وتأكيد صلاحيتها لمثل سيارتك.

    زيت الفرامل

    لو سألت اي ميكانيكي في الدنيا "ماهو افضل زيت فرامل" سيرد بكل ثقة lockhead العلبة الصفيح
    طب اي درجة ؟؟؟؟ دوت كام ؟؟؟ سيقول دوت 3
    طب ليه ؟؟؟؟ يا بيه الدوت 4 للأيه بي اس – رغم ان تقريبا اي سيارة بعد 95 تستعمل دوت4 علي الأقل
    -----------------

    الأمثلة كثيرة جدا علي فتي الصنيعية ولن استطيع احصائها كلها هنا جملة واحدة ولكن كل ما يجدر بي قوله هو اتباع ارشادات دليل المستخدم "الكتالوج" الخاص بسيارتك وسؤال اصحاب الخبرة في قسمك وانا متأكد انهم سيقوموا ان شاء الله بالأجابة علي تساؤلاتك جميعاً بالأجابة الأنسب والأصح لسيارتك

    تحياتي لحضراتكم جميعا
    وادعوا الله ان يوفقنا واياكم لما يرضي ويكون فيه الصلاح في الدنيا والأخرة
    أخوكم محمد سيد




    Eng. Mohamed Sayed | MS Networking Trainer
    IBIZA MK2 (Typ 6K) APQ 1.4 MPI R4 44KW - 60hp

    <a href=http://www.nilemotors.net/Nile/signaturepics/sigpic94704_5.gif target=_blank>http://www.nilemotors.net/Nile/signa...pic94704_5.gif</a>

    صفحة القسم علي الفيس بوك


  2. #2

    الصورة الرمزية Ahmed A Rahman

    رقم العضوية : 13961

    تاريخ التسجيل : 01Jul2008

    المشاركات : 4,984

    النوع : ذكر

    الاقامة : Rehab city

    السيارة: Nissan Sunny 2014

    السيارة[2]: RENAULT LOGAN 2010

    دراجة بخارية: agala

    الحالة : Ahmed A Rahman غير متواجد حالياً

    افتراضي -

    تسلم ايدك مشاركة ممتازة

    انا كان معايا 128 وعملت فيها اللي ما يعمل
    كنت بصرف عليها بالالوفات
    ولكن مشكلتي كانت مع قطع الغيار الاصلية اللي مش لاقيها ولا الصنايعية اللي بيفهموا او الاكتر الصنايعية اللي بيفهموا بس بيستسهلوا

    د. أحمد عبد الرحمن
    ونرجع ثاني: نفسي الناس تبطل تقول الحشيش مفيهوش ادمان


  3. #3

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    ربنا يبارك فيك


  4. #4

    الصورة الرمزية thunder155

    رقم العضوية : 37607

    تاريخ التسجيل : 08Apr2009

    المشاركات : 718

    النوع : ذكر

    الاقامة : A.R.E

    السيارة: not yet

    السيارة[2]: fiat uno 93

    دراجة بخارية: none

    الحالة : thunder155 غير متواجد حالياً

    افتراضي -

    عندك حق , بس قطع الغيار الأصلية مبقتش موجودة


  5. #5

    الصورة الرمزية Amr Axel

    رقم العضوية : 41844

    تاريخ التسجيل : 04Jun2009

    المشاركات : 8,706

    النوع : ذكر

    الاقامة : في بيتنا

    السيارة: هوندا سيفيك / بي ام دبليو 316i

    السيارة[2]: سوزوكي التو / رينو لوجان

    دراجة بخارية: جاية في الطريق

    الحالة : Amr Axel غير متواجد حالياً

    افتراضي -

    تسلم ايديك يا بشمهندس محمد موضوع رائع و للأسف مش هنخلص من فتي الصنايعية و ده اللي بيخلي الواحد يغير اغلب قطع غيار الصيانات بنفسه و يقولك أصل القطعة ديه ملهاش لازمة أصله الخواجة بقي ههههههه ناس كتيير متعرفش ان الميكانيكي بيحاول يجمع حديد و قطع ع اد ما يقدر عشان يبيعها و ده اللي شوفته يعني تعدي عليه العربية او الكارو عندك اه تعالي حمل

    بالاضافة انه بيحاول يقلب منك قطع الغيار القديمة فدايما بقول الناس قطع الغيار الفبريكة متتقلبش لأن عليها بتجيب القطع الجديدة و تقيسها
    اما قطع الغيار اللي بتتغير بعد كده ارميها و و لا تدهاله او لو عايز تدهاله في داهية يشبع بيها

    بخصوص زيت الفرامل فيه عربيات بعد 2000 و الموصي سواء الدليل او الغطا دوت 3
    و فتي الجديدة لما تيجي تغير زيت الفرامل يقولك يا عم زيت الفبريكة يتزود بس ههههههههههه يا عم و ايه يعني راح ولا جيه زيت ليه خصائص و بيفقدها و طبيعي بيلم شوائب و رطوبة ساعتها يقف يتنح و يقولك ايوة صح المفروض يتغير بعد فترة هههههههههههههه امال كنت بتكلم هندي و لا ايه لما بقولك غيره

    بخصوص زيت الفتيس و الفتية المعتادة زي بتاعت مبيتغيرش و يتزود فيه نقطة الناس لازم تاخد بالها منها في موضوع الزيت اللي بيتزود ده و الموضوع ده فيه شرح للغش اللي بيتعرض له الكثير

    http://www.nilemotors.net/Nile/225059-a.html



  6. #6

    الصورة الرمزية fepsceasar

    رقم العضوية : 32627

    تاريخ التسجيل : 10Feb2009

    المشاركات : 1,939

    النوع : ذكر

    الاقامة : cairo

    السيارة: اكسارا

    السيارة[2]: فيات 128

    دراجة بخارية: i hope

    الحالة : fepsceasar غير متواجد حالياً

    افتراضي -

    المشكلة يا باشا فى التوكيلات التعبانة واللى بتغلبك واللى بتستهبل فى الاسعار او يسيبك لتجار الروبابكيا

    يقول اللورد كرومر فى مذكراته: لم اجد فى مصر الا المصريين فقط.. بعضهم يصلى فى المسجد وبعضهم يصلى فى الكنيسة لكن كلهم مصريون.

    أبو كمال


  7. #7

    الصورة الرمزية elsharief

    رقم العضوية : 117923

    تاريخ التسجيل : 16Dec2011

    المشاركات : 72

    النوع : ذكر

    الاقامة : القاهرة

    السيارة: لايوجد

    السيارة[2]: لانسر ex2012

    دراجة بخارية: ss

    الحالة : elsharief غير متواجد حالياً

    افتراضي -

    شكرا
    موضوع رائع


  8. #8

    الصورة الرمزية kar!m

    رقم العضوية : 7018

    تاريخ التسجيل : 06Mar2008

    المشاركات : 6,388

    النوع : ذكر

    الاقامة : Cairo

    السيارة: Mercedes C200

    السيارة[2]: Golf MKII

    دراجة بخارية: Honda CBR 400 FireBlade

    الحالة : kar!m غير متواجد حالياً

    افتراضي -

    موضوع ممتاز فعلا .. و فعلا فتي الصنايعيه ده بيودي العربيه في داهيه.

    طيب أنا هقول لك على مصطلح بأه يمكن انت مسمعتوش قبل كده .. من فترة كنت بعمل شغل في عربية سابقة .. و لقيت الميكانيكي بعد ما خلص سايب شوية مسامير على ورود .. بقول له ايه ده .. قال لي يا باشا "دي زيادة فابريكة"

    يعني حاجات ملهاش لازمة .. عاوز حد بيفكر بالطريقة دي و العربية بتتصلح بالطريقة دي .. تكمل سنه أصلا شغل بعد كده.

    طبعا أنا خليته يركب كل حاجه تاني .. و يرجع كل حاجه زي ما هي.

    القران الكريم بجودة صوت عاليه جدا
    http://www.nilemotors.net/Nile/230790-a.html


  9. #9

    الصورة الرمزية Mahmoud Nagieb

    رقم العضوية : 82481

    تاريخ التسجيل : 01Dec2010

    المشاركات : 721

    النوع : ذكر

    الاقامة : Cairo

    السيارة: Renault Logan 2012 Black Line

    السيارة[2]: Renault Logan 2011 F/O

    دراجة بخارية: Not yet

    الحالة : Mahmoud Nagieb غير متواجد حالياً

    افتراضي -

    موضوعك رائع يا باشا ووجه نظر تحترم

    بس الكلام ده يتقال لما تلاقى توكيلات محترمة فى مصر

    وانا بتكلم عن تجربة ... مش كلام مرسل

    وياريت بس حضرتك تبص بصة على موضوعى فى قسم اللوجان وبعدين ابقى قوللى حكمك

    http://www.nilemotors.net/Nile/306580-a.html

    تحياتى

    إذا الشعب يوما اراد الحياة .... فلابد ان يستجيب البقر....تحيه لكل مصرى وطنى شارك فى ثورة التحرير .....


    Mr_7oda سابقا


  10. #10

    الصورة الرمزية تامر.محمد

    رقم العضوية : 5118

    تاريخ التسجيل : 01Feb2008

    المشاركات : 11,185

    النوع : ذكر

    الاقامة : Cairo

    السيارة: Megane II 2010

    السيارة[2]: كانت دايو لانوس1 99 - وزة :)

    دراجة بخارية: none

    الحالة : تامر.محمد غير متواجد حالياً

    افتراضي -

    hasad">

    بصراحة الله ينور عليك
    موضوع الغاء الثرموستات ده من اللي الميكانيكية بهدلوا الناس فيه بس عشان يلموا جهلهم

    اما نقطة الصنايعي المتخصص فهي اساس و قلب الموضوع و انضف حاجة ممكن اي حد يعملها بعد التوكيل
    و سر اي عربية حالتها ممتازة مالك بيحافظ عليها و بيصينها و يصلحها اول بأول + صنايعي متخصص
    و اي حد يلاقي نفسه زبون دائم عند ميكانيكي يعرف انه لازم يغير الميكانيكي ده

    الكلام ده عن تجارب

    ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد

    [sor2]http://imageshack.us/a/img838/2058/8l0n.jpg[/sor2]



 
صفحة 1 من 6 1 2 3 4 5 6 الأخيرةالأخيرة

المواضيع المتشابهه

  1. مشاركات: 22
    آخر مشاركة: 12-09-2012, 09:50 PM
  2. مشاركات: 19
    آخر مشاركة: 06-09-2012, 07:28 PM
  3. اكتشف ترتيب اعتمادية سيارتك - بين سيارات العالم
    بواسطة hero في المنتدى ورشـــة نــايل مــــوتـــورز
    مشاركات: 2
    آخر مشاركة: 24-05-2012, 06:38 AM
  4. مشاركات: 25
    آخر مشاركة: 18-07-2010, 08:25 AM
  5. كيف تعرف انك من جيل السبعينات والثمانينات
    بواسطة mada121977 في المنتدى المنتــــــدى الاجتمــاعى
    مشاركات: 15
    آخر مشاركة: 02-08-2009, 12:33 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2