الموضوع: تقرير عن تركيب لمبات للماروتي

السلام عليكم ورحمه الله وبركاته

مع تاني تقرير ليا والمره ده عن لمبات الماروتي وطبعا كلنا عندنا الماروتي بنحس انها لمبه سهاري مش لمبه تنور الطريق
المهم قعدت اجرب انواع كتير وللاسف انا مبلاقيش الانواع المشهوره والنضيفه في الزقازيق
وللاسف بضطر اني استخدم اي حاجه متاحه ليا
طبعا كلنا عارفين ان اللمبه بتاعتنا طبق ولاكن انا اتفاجات اني لقيت عندي فنوس لمبته طبق وفانوس لمبته شوكه او تلت سنون ايان كان اسمها

وطبعا علشان نركب لمبات لازم كتاوت علشان منحرقش دراع النور
والتكلفه للكتاوت الحاجات الاساسيه
1-الكتاوت 27 جنيه وفي ب 25 وفي ب 30 طبعا وفي 27 انا جبت الي ب 30 وبعد الفصال 27 سنه علشان انزل 3 جندي
2-فيشه جديده لاني خليته عمل وصله ملهاش علاقه بالضفيره او السلوك الاصليه والواحده ب 2 ونص جند بعد ما برضو نزلت نص جندي يعني السعر 3 بس نضاف جدا

3-السلك بيختلف حسب المساحه وكدا عامتا انا مش متذكر كانوا كام لاني عاملهم من زمان ولاكن متذكر ان الادوات كلها كانت 50-70 وطبعا انا برضو كانت اول مره في حياتي اشتري وكدا اكيد الحاجه ارخص من كدا في حتت تانيه اهم حاجه خليها ملهاش علاقه بضفيره العربيه الاساسيه يعملها وصله منفصله
اه نسيت مهم جدا سلك الارضي يكون نضيف والسلوك بشكل عامه وهو ده الي ممكن يخلي الطلبات من 40 ل 70 و 80 حسب النوع والسمك والكلام المعروف ده كله وانا جبت انضف حاجه لقتها
واخيرا 15 جنيه اجره الكهربائي

نيجي لموضوع التقرير نفسه وهيا اللمبه في الاول جبت لمبه هالوجين الابيض ده وركبتها في كشاف واحد ب 35 جندي الماني 100\90 مش متذكر النوع لانها من اكتر من 3 شهور
لمجرد التجربه للون وكانت النتيجه بلاش ابيض خالص وادتهم لواحد صحبي لانهم مش بيبانوا كويس

التجربه التانيه: فلبس 100 على تسعين برضو محصلتش على اي اداء يحسن الرؤيه نهائيا

التجربه التالته: والاخيره لمبتين jhoan 260\200
وطلعوا اداء نوعا ما احسن بكتير اكيد مفيش مقارنه مع الماركات العاليه ولاكن الي في المتناول وده ب 20 جندي ومش عارف رخيصه ولا غاليه كدا ولاكن فعلا اللمبه مش وحشه قوي والغريبه انها عند والدي في اللانسر عامله اداء كويس جدا
وده صوره في شارع مضلم بدون النور


سوده كحل وده بقى والنور منور


وده صوره في شارع منور بدون اضائه العربيه

وده وهو منور ومعلش بقى التصوير مش قد كدا

بسي للاسف عندي توزيع الاضائه بتاعت الفوانيس مش مظبوطه خصوصا الفانوس اليمين مش موزع كويس نهائيا وعاوز اظبط الرجلاش
معلش بقى على جوده التقرير الرديئه واعذروني ومنكم نتعلم

الف مبروك يا محمد ماشاء الله ربنا يبارلك فيهم
شغل عالي وتقرير ممتاز ومتقلش مبتداء وعايز تتعلم ههههه لا اصلي كلام يابااشا
وبخصوص رجلاش دي بقا تقف شارع بتعكم اللى مفهوش نور دة
وتقعد تضبط بقا يامعلم عندك 3 مسامير فوق وا2تحت يمين وشمال فانوس
للى فوق تضبط اتجاة فانوس تحت ووفوق ومسمارين تاين واحد للزويه شمال وتانى لليمين
تقعد تضبط وتركب وتشوف نور فارش كويس وانت ع ضبطه اعدتك فى عربيه وربنا معاك ان شاء الله