الموضوع: تقرير صيانة 20000 ومشكلة الفتيس

سلام عليكم
ناخد الموضوع واحده واحده كده عشان فيه حوارات-- اولا خلينا فى الصيانة
صيانة العشرين كاملة وشوية مشاكل عندى كده يبصو عليها زى الكلاكس صوته وحش وفيه صفارة مع التكييف اول ماا ادوره وكبل البطارية كان مريح شوية وكل ده ظبطوه و 100 100
الصيانة بقى لقيت البوجيهات الأصلية وغيرتها وفلتر البنزين الأصلى فلتر الهوا كان نظيف والراجل قالى مش محتاج يتفير تنضيف بس وطبعا بصو على الفرامل وكشف الكومبيوتر وتفيير الزيت والفلتر وكده
المهم الصيانة خلصت فى ساعة ونص ساعتين تقريبا مع شوية المشاكل اللى فوق دول
نيجى بقى للمهم -- الفتيس
انا كان عندى مشكلة ان ساعات الفتيس مكنش بيرضى يجيب مارشديير او يتحرك من على p الا لما اطفى وادور تانى
المهم يمين شمال قعدوا تلات ساعات بيحاولو يعرفو ايه المشكلة وكشفو بالجهاز طلعلهم ايرور p0705 فى الفتيس
المهم توصلو ان المشكلة فى حاجه من اتنين :
1- مكنة الفرامل
2- حاجه اسمها سويتش متعدد بتاع الفتيس مكانعا تحت فلتر الهوا كده

جابو قطعة تانية من السويتش وركبوها والمشكلة اتحلت زى الفل قالو خلاص هنركبهالك ودى ب 350 جنيه
قولتلهم بس انا فى الضمان قالولو بس انتا فوت صيانة 5000 و 15000 وده لازم نعملك جواب ضمان وغبور يوافق او لا دى حاجه فى ايده

المهم كان قبلها اصلا كانو عاوزين يغيرو الكلكس برضه ب 200 جنيه بس مكنش موجود وصلت معاهم ان عشان 150 تمن صيانة 15000 ادفع 500 لقطع الغيار

قمت مكلم غبور الخط الساخن قالولى كلم ابو رواش شرحتلهم المشكلة قالى اديينى المهندس اللى معاك -- كلم المهندس شرحلة المشكلة واتفقو انهم يدخلو كل حاجه فى الضمان عادى
انا مكنتش متخيل الصراحة ان الموضوع هيمشى بالتليفون وان التوكيل بالأحترام ده وخصوصا بعد الكلام اللى بسمعه عليه وسمعته اللى مش قد كده

المهم غيرو السويتش فى االضمان بعد ما قعد 6 ساعات

والحمد لله العربية دلوقتى تمام

اه نسيت المركز اللى الصراحه كلهم ناس محترمين وناس فاهم انا عملت الصيانة فى مودرن سيرفيس

وكلفتنى 900 جنيه

والسلام ختام

عقبال صيانة ال500 ألف أستاذ عاطف ومبروك حل المشكلة وبأذن الله التوكيل في تحسن الى الأفضل .