أنا عندي لوجان 2012 فول أوبشن , هل ينفع أركب أوبشن البلوتوث فيها زي إللي موجود في 2013 ولو ينفع هل ممكن يركب في التوكيل وتكلفته تبقى كام ؟
ومنتظر المهندسين ترد علينا مع الشكر
عرض للطباعة
أنا عندي لوجان 2012 فول أوبشن , هل ينفع أركب أوبشن البلوتوث فيها زي إللي موجود في 2013 ولو ينفع هل ممكن يركب في التوكيل وتكلفته تبقى كام ؟
ومنتظر المهندسين ترد علينا مع الشكر
الحل الأول:
لازم تجيب كاسيت الرينو ال 2013 من التوكيل ويركبهولك (ويغيرلك المالتي طبعا عشان الجديد فيه زرار الرد) ونظرا للغباء ف الأسعار مش حايقل عن 4 بواكي.
الحل التاني:
تخرج الضفيرة من الضمان وتشتري انت كاسيت بنص السعر ده وتركبه.. العيب انه مش حايركب علي نفس المالتي فانكشن اللي عندك فا حايبقي المالتي فانكشن زينة.
الحل التالت وده أفضلهم:
تجيب حاجة زي دي:
Garmin Nuvi 1690 Review - Watch CNET's Video Review
ده يا سيدي حاجتين ف بعض.. أول حاجة جي بي اس حاتجيبله حامل وتركبه سواء فوق التابلوه أو علي الزجاج انت واللي تحبه.. تاني حاجة فيه Bluetooth وطبعا مش كل GPS Device فيه Bluetooth فا حاتضطر تدور شوية لغاية ما تلاقي واحد. ممكن بقي بدل ال GPS تجيب TV set أو DVD Player المهم يبقي جهاز يتركب علي حامل بدل ما تشيل الكاسيت.. انت كدة روقت العربية وزودت options من ناحية فا المصاريف بدل ما كانت حاتزودلك Bluetooth بس زودت بيها حاجات تانية. ومن ناحية تانية لا حاتلعب ف الضفيرة ولا حاجة وهو أساسا بيركب علي الولاعة عشان يشحن فا مالوش أي علاقة بكهربة العربية.
شكرا على الرد والإهتمام وعلى هذه المعلومات القيمة
تغيير الكاسيت في العربية لا يخرجها من الضمان ابدا
زيه زي الفرش والدواسات
كما يوجد حل آخر هو شراء بلوتوث كتر كت يتم وضعه فى الشماسة بمبلغ يتراوح بين 350 إلى 800 جبيه حسب الموديل.
أنا شخصيا عندى جهاز جابرا مركبه على الشماسة (حجمه معقول و غير ملحوظ) يتعمل مع جهازين محمول فى نفس الوقت و يمكن برجمة ترده على الراديو لينقل الصوت على سماعات السيارة، وإن كان صوته كاف تماما و واضح، و يمكن أيضا استخدامه كترانسميتر ليعرض ملفات الصوت على جهاز تلفونك على سماعات السيارة أو سماعته.