الحمد لله .. لعنه شهر تسعه
السلام عليكم ....
اظاهر شهر 8 و 9 دول شهور مش مظبوطه .. ما علينا .. الحمد لله على كل شئ ..
يوم 1 \9 .. المرايه اليمين كان هتتكسر .. بس لحقتها الحمد لله ..غطاها راح .. بس اهو ماشيه
كنت هعمل حادثه و خدت غرزه موت على الطريق وانا راجع من الشغل .. مش داخلها قاصد بس بعدى عربيه وواحد تانى قرر يعمل فزلوك ويعدى عربيه بتعدى عربيه بتعدى عربيه ويقفل الطريق قدامى خالص ..
وصلت الزقازيق الحمد لله .. الكاوتش نام خالص ع الارض .. ومعنديش استبن .. الحمد لله وقفت قدام بتاع كاوتشات .. قالى فيه قطع وعايز شنبر .. قلتله ركب ..هيقعد قد ايه .. قالى شهرين يا بيه .. قلت مش مشكله هيمشى لاخر الاسبوع وربنا يكرم واجيب فردتين قدام ..
يوم 2 \ 9 ... صبحت لقيت فيه خربوش وحكه مش لطيفه خالص ف جنب العربيه .. طب انا راكنها ومحضنها ف الرصيف .. لازق فيه بغباوه .. اعمل ايه تانى !!!
يوم 3 \ 9 ... الشغل كان كتير ف الوحده .. قلت اقلب شويه كده اريح .. لقيت كاوتش العربيه مريح للارض .. فكيناه وطلعت انا والكاتب بالعربيه بتاعته لاقرب بتاع كاوتشات ولحم القطع وشال الشنبر وظبطه .. بس انا مقلق منه جدااااااااا
الحمد لله على كل شئ !! :fdsa:
عايز بقا اغير الفردتين اللى قدام .. اللى عندى حاليا كاوتش اسمه بتلاس ماشى عليه بقالى سنتين .. بتاع 50 الف كيلو .. والطرق فرتكته .. بس عايز اجيب حاجه كويسه وفى الحنين كده .. الواحد معدش ملاحق يجيبها منين ولا منين :I_angr1[1]: