الموضوع: من القاتل

المشاركة الأصلية كتبت بواسطة houras1010

من حوالى 10 ايام ميكروباص فى طريق المريوطيه وقف ينزل ركاب والعادى انهم مبقوش يركنوا على جنب
فى مجيه صرصار الغيت - التوك توك-
3 بيجروا بيه سرقينه واصحابه بيجروا وراه بموتسيكل التوكتوك جى عكس دخل ما بين الرصيف والميكروباص فى نزله واحد خده فى وشه طيره 23 متر بالتمام
صرصار الغيت اتقلب على جمبه والعيال نزلت منه طارو على الطرق الجانبيه
فى نقطه اسعاف قريبه من الدائري فيها عربيه واحده مش موجوده والنقطه مقفوله فين يا جدعان الناس طلعوا حادثه على الدائرى ناس اتصلت بالأسعاف الراجل مرمى ومفيش اسعاف جت واحد شيل نفسه المسؤليه شاله وراح المستشفى
النهارده اتقال ان مات
تفتكروا مين اللى قتل الراجل ده
المكروباص اللى مركنش على جنب
التوكتوك اللى سهل سرقته وكله شبه بعضه عشان مابيترخصش
الحراميه اللى بتسرق فى عز الضهر لسهوله السرقه
اللى دخل التوكتوك البلد
الأسعاف اللى مجتش
الراجل اللى انتحر عشان نزل من بيته

لا حول ولا قوة الا بالله
القتله هم التوكتوك في الاساس ويتحمل الميكروباص جزء كبير من المسئولية

واللي دخل التوكتوك وتعمد التعنت في عدم ترخيصه شايل وزر كل جريمة حصلت من تحت راسه

انا لله وانا اليه راجعون
حسبي الله ونعم الوكيل

انت فكرتني بالظبط بسؤال ( مين اكل الجبنة؟ )
كلهم مسئولين بدايتاً من الجحش بتاع الميكروباص لحد طبعا سواقين التوكتوك
حسبي الله ونعم الوكيل فيهم كلهم

للاسف كل دول مسئولين
سواق الميكروباص والحرامية اللى سرقوا التوك توك واللى سمح بدخول التوك توك والاسعاف كمان للاسف