الشعب السعودى بيستورد السيارات من الخارج و أحنا لأ ليه ؟

العنوان بيدل على حقد شوية على الشعب السعودى:I_angr1[1]:
لكن طبعا مضمون الموضوع مش كدة خالص , لأننا الحمد لله أفضل فى حاجات كتيرة

الأهم أن المستورد من الخارج أفضل مليار مرة من الموجود فى مصر , يعنى محدش يقنعنى أن التقفيل المصرى أفضل من أوروبا أو أمريكا !!! و على فكرة بيستفزنى أوى لما يتقال هنعمل مصنع لشركة سيارات كورية أو صينيه أو ألمانية فى مصر , لأ المستورد أفضل طبعا حتى فى الخامات

لكن مضمون الموضوع أن المسئولين عندنا بخصوص الجمارك و الضرايب بيعملوا حركات قرعة
يعنى ممكن يكون سعر السيارة بالخارج بما يساوى 60 ألف جنيه و تتباع فى مصر بـ 180 ألف جنيه
يعنى الضعف مرتين

فى السعودية بتشترى العربيه بسعرها + حوالى 8000 جنيه شحن و جمارك و بتوصلك كاملة

لكن أحنا عندنا يا أما بيتدفع تمنها أكتر من الموجود فى مصر لأن زى ماحنا عارفين أن الجمارك و الضرايب فى مصر بتحمى التجار و ليس المنتج المحلى لأنه معندناش أساسا منتج محلى

يا أما فى مصر برضة بتدخل العربيات بطرق غير مشروعة أو مهربه أو كروسليه و بيتلحم فيها رقم الشاسية أى نعم بيكون سعر الجيب شيروكى موديل 1996 بحوالى 40 ألف جنيه فى النهايه لكن دا طبعا خطر فى الأمان و السلامة و فى نفس الوقت لو اتأفشت فيها سجن

يبقى ليه الحكومة متريحناش من العربيات إلى عمرها الأفتراضى أنتهى و السبب فى حوالى 70% من الحوادث الموجودة على الطريق من زمان زى فيات 127 و 128 و 132 ولادا و سيات 133 و تفتح باب الأستيراد من الخارج ؟

ببساطة لاننا مصريين مش سعوديين ^_^
لان النظام القديم عايز كده بيعمل لمصلحته الشخصية لكبار الحرامية فكان مظبط كل شئ مش بهدف ان البلد تنتعش اقتصاديا لالالالا الاهم جيبوبهم هى اللى تنتعش زى موضوع احتقار الحديد زى عز كده .وال ايه هنخفض الجمارك كل سنة 10 % لحد ميبئاش فى جمارك والسنة بتعدى ورا السنة ولا شايفين شئ ولما بيخفضوا الجمارك تلاقى السعر رافع عن المعدل لطبيعى بمراحل ومع ذلك الناس بتشترى ومش هتبطل تشترى وهما عارفين ان بثمن عربياتهم اللى جايبنها ديه يقدروا يركبوا عربيات مبيشفهاش غير فى الافلام ومع ذلك طبيعى والناس عادى.اعتقد لو كان حصلت مقاطعة للشراء ولغلو الاسعار كانت هتجيب نتيجة حلوة بس نقول لمين.
بس اعتقد ان الايام اللى جايه هتفرق والدنيا هتتغير وفعلا الواحد متفاءل خير رغم الصعوبات والمعوقات اللى شايفنها. الا ان الناس ابتدت تتكلم وبتقول لا وبتقاطع وبتعمل مظاهرة وده شئ كويس احسن من السلبية اللى كنا فيها.
انا متفاءل خييييييييييييير
يارب ترخص نفسى اجيب new beetle
http://images.forum-auto.com/mesimag...etleCabrio.jpg

لو الموضوع أتفتح على البحري زي ما الناس عايزة

حضراتكم مش هاتلاقوا مكان تسوقوا فيه أساسا .
و ممكن كمان ماحدش يلاقي بنزين ......... لأن ساعتها الحكومة مش هاتعرف تسد على فرق الأسعار الرهيب

مش لازم الدول تعمل زي بعضها في حاجات ممكن تضر دول و دول لاءة


أحنا عندنا تكدس سكاني رهيب و بنزيد بأرقام فلكية كل سنة .
و البنزين مدعم أصلا ....... و الميزانية فيها عجز بسبب دعم الطاقة أساسا .
و الشوارع مكتظة بالسكان و السيارات .......... و أنعدام الأخلاق و النظام .


فتعالوا نتخيل أن أن كل مصري قادر يشتري عربية .

يبقى كدا قلبنا شوارع مصر أتاري عربيات .
ده لو لقينا مكان نسوق فيه و مكان نركن فيه .


اليابان نفسها أكبر مصنع للسيارات في العالم

مش بتطلع رخصة لأي حد إلا لما يجبلهم مكان يركن فيه دائم .


أنا مع أرتفاع أسعار السيارات ............... و قلبا و قالبا مع المواصلات العامة ( أتوبيسات و قطارات )

بدل ما الحكومة تستورد عربيات .............. تستثمر في صناعة قطارات المترو و تعمل خطوط مترو في كل المدن الكبيرة .
و ميني باص و باص في المدن صغيرة الحجم .
و نتخلص من سواقين الميكرباظات ............. و كمان نوفر بنزين و جاز بكميات مهولة .

أنا رأيي كمان
أن لو الناس عايزة الحكومة تفتح أستيراد السيارات .
يبقة ميكونش فيه و لا مليم دعم على البنزين و ندفع ثمنه كامل .
يبقى لتر البنزين ساعتها هايوصل تقريبا ل 6 جنيه ,

بُوصوا للموضوع بنظرة شاملة علشان تقدروا تقيموه صح .
و ظروف كل دولة مختلفة عن الدول الآخرى .

السعودية شوارعها تقريبا فاضية ............. و عدد سكان قليل ........ و البنزين هناك زي المياه هنا .

بالمناسبة نسيت أعلق على الحتة دي

اقتباس:

---

يبقى ليه الحكومة متريحناش من العربيات إلى عمرها الأفتراضى أنتهى و السبب فى حوالى 70% من الحوادث الموجودة على الطريق من زمان زى فيات 127 و 128 و 132 ولادا و سيات 133 و تفتح باب الأستيراد من الخارج ؟

---

سبب الحوادث مش العربيات و لا العربيات الجديدة .

سبب الحوادث

أحنا و طريقة سواقتنا المتخلفة الهمجية ............... أحنا بنسوق و كأننا بنلعب نيد فور سبيد .

و العربيات القديمة عمرها ما كانت سبب في الحوادث
العربيات القديمة سلبياتها مختلفة تماما .

أستهلاك بنزين خزعبلي ........ تعطيل الطريق بسبب عدم قدرتها على مجاراة بقية السيارات في الطريق.
أو أنها تعطل و توقف الطريق .

إنما تسبب حوادث ........

أنا بصراحة أغلب الحوادث اللي بشوفها كلها عربيات حديثة ...... و بتكون بسبب رعونة شوماخر المصري .

لانفتحها على الآخر ولا نقفلها لما ننشفها ... الإعتدال واوله تخفيض الجمارك بنسب مدروسه مع حصول العميل على مقابل خدمه .

لو الموضوع أتفتح على البحري زي ما الناس عايزة

حضراتكم مش هاتلاقوا مكان تسوقوا فيه أساسا .

دى مشكلة الحكومة الى مخلتش المدن الجديدة فى توسع وخدمات كفاية تخلى الناس تتنقل فيها وتبعد عن التكدس فى وسط المدينة


و ممكن كمان ماحدش يلاقي بنزين ......... لأن ساعتها الحكومة مش هاتعرف تسد على فرق الأسعار الرهيب



مش لازم الدول تعمل زي بعضها في حاجات ممكن تضر دول و دول لاءة


أحنا عندنا تكدس سكاني رهيب و بنزيد بأرقام فلكية كل سنة .

دى مشكلة الحكومة الى مخلتش المدن الجديدة فى توسع وخدمات كفاية تخلى الناس تتنقل فيها وتبعد عن التكدس فى وسط المدينة


و البنزين مدعم أصلا ....... و الميزانية فيها عجز بسبب دعم الطاقة أساسا .

دة علشان الحكومة بتستهبل وبتروح تدعم الطاقة لمصانع استثمارية مش حكومية حتى والمصانع دى بترجع تبيع لينا الحاجة بالسعر العالى مش بالسعر المدعم ودة لمصلحة رجال الاعمال ويجوا علينا احنا ويقلك مفيش فلوس لدعم الطاقة طيب حاسب المصانع بسعر عادى مش مدعم هتلاقى عندك فائض مش عجز هو كدة كدة اصلا بيبع بسعر دولى مش سعر مدعم وبالفلوس دى هات بنزين من برة زيادة لو حصل عجز

و الشوارع مكتظة بالسكان و السيارات .......... و أنعدام الأخلاق و النظام .


فتعالوا نتخيل أن أن كل مصري قادر يشتري عربية .

يبقى كدا قلبنا شوارع مصر أتاري عربيات .

ده لو لقينا مكان نسوق فيه و مكان نركن فيه .


اليابان نفسها أكبر مصنع للسيارات في العالم

مش بتطلع رخصة لأي حد إلا لما يجبلهم مكان يركن فيه دائم .


أنا مع أرتفاع أسعار السيارات ............... و قلبا و قالبا مع المواصلات العامة ( أتوبيسات و قطارات )

لما تبقى حاجات ادمية ممكن استغنى عن العربية بسهولة وقتها لكن بالشكل دة ميرضيش حد


بدل ما الحكومة تستورد عربيات .............. تستثمر في صناعة قطارات المترو و تعمل خطوط مترو في كل المدن الكبيرة .
الحكومة مش بتستورد من جيب ابوها احنا الى بنستورد و بياخدوا مننا تمن العربية تانى جمرك


و ميني باص و باص في المدن صغيرة الحجم .


و نتخلص من سواقين الميكرباظات ............. و كمان نوفر بنزين و جاز بكميات مهولة .

شفلهم شغل قبل ما تقعدهم فى البيت

أنا رأيي كمان
أن لو الناس عايزة الحكومة تفتح أستيراد السيارات .
يبقة ميكونش فيه و لا مليم دعم على البنزين و ندفع ثمنه كامل .
يبقى لتر البنزين ساعتها هايوصل تقريبا ل 6 جنيه ,

ومالة مفيش اى مشاكل ارفع الاجور حضرتك لتناسب هذا السعر


بُوصوا للموضوع بنظرة شاملة علشان تقدروا تقيموه صح .
و ظروف كل دولة مختلفة عن الدول الآخرى .

السعودية شوارعها تقريبا فاضية ............. و عدد سكان قليل ........ و البنزين هناك زي المياه هنا .

اقتباس:

---

المشاركة الأصلية كتبت بواسطة angel_wolf

لو الموضوع أتفتح على البحري زي ما الناس عايزة

حضراتكم مش هاتلاقوا مكان تسوقوا فيه أساسا .

دى مشكلة الحكومة الى مخلتش المدن الجديدة فى توسع وخدمات كفاية تخلى الناس تتنقل فيها وتبعد عن التكدس فى وسط المدينة

الحكومة غلطت على مدار سنين في التخطيط السيئ و عدم النظر للمستقبل
و لكن ده مش معناه أن أدام الحكومة غلطت لسنوات ....... أحنا نيجي و نكمل الغلط و نفتح العملية على البحري
و كأننا بنهدم المعبد على اللي فيه .

و ممكن كمان ماحدش يلاقي بنزين ......... لأن ساعتها الحكومة مش هاتعرف تسد على فرق الأسعار الرهيب



مش لازم الدول تعمل زي بعضها في حاجات ممكن تضر دول و دول لاءة


أحنا عندنا تكدس سكاني رهيب و بنزيد بأرقام فلكية كل سنة .

دى مشكلة الحكومة الى مخلتش المدن الجديدة فى توسع وخدمات كفاية تخلى الناس تتنقل فيها وتبعد عن التكدس فى وسط المدينة


و البنزين مدعم أصلا ....... و الميزانية فيها عجز بسبب دعم الطاقة أساسا .

دة علشان الحكومة بتستهبل وبتروح تدعم الطاقة لمصانع استثمارية مش حكومية حتى والمصانع دى بترجع تبيع لينا الحاجة بالسعر العالى مش بالسعر المدعم ودة لمصلحة رجال الاعمال ويجوا علينا احنا ويقلك مفيش فلوس لدعم الطاقة طيب حاسب المصانع بسعر عادى مش مدعم هتلاقى عندك فائض مش عجز هو كدة كدة اصلا بيبع بسعر دولى مش سعر مدعم وبالفلوس دى هات بنزين من برة زيادة لو حصل عجز

تسمح تقولي المصانع دي بتستهلك أد أيه من الغاز مقارنة مع الأستهلاك العادي ؟؟؟؟؟؟؟؟؟

شئ قليل .
ثانيا ... المصانع بتشغل ناس يعني بتساهم في حل مشكلة البطالة .
اما موضوع الأسعار ......... فده أنا مش فقيه فيه لأني معرفش هو بينتج واحدات عددها كام و يقدر يبيع بسعر كام .
السوق مفتوح ...... و مفيهوش أحتكار و بتالي هو لازم يبيع بسعر منافس .
و في الآخر هو بيساهم في الأقتصاد .
و برضه أستهلاكه من المحروقات مقارنة بالاستهلاك العادي للناس ........ نسبة قليلة جدا.

مش ده اللي عامل ازمة
اللي عامل أزمة هو زيادة عدد السيارات سنويا و أنتاج البترول محدود لمصر

و الشوارع مكتظة بالسكان و السيارات .......... و أنعدام الأخلاق و النظام .


فتعالوا نتخيل أن أن كل مصري قادر يشتري عربية .

يبقى كدا قلبنا شوارع مصر أتاري عربيات .

ده لو لقينا مكان نسوق فيه و مكان نركن فيه .


اليابان نفسها أكبر مصنع للسيارات في العالم

مش بتطلع رخصة لأي حد إلا لما يجبلهم مكان يركن فيه دائم .


أنا مع أرتفاع أسعار السيارات ............... و قلبا و قالبا مع المواصلات العامة ( أتوبيسات و قطارات )

لما تبقى حاجات ادمية ممكن استغنى عن العربية بسهولة وقتها لكن بالشكل دة ميرضيش حد

أنا مقلتش دلوقتي ... أنا بقول بدل كذا يبقى نعمل كذا


بدل ما الحكومة تستورد عربيات .............. تستثمر في صناعة قطارات المترو و تعمل خطوط مترو في كل المدن الكبيرة .
الحكومة مش بتستورد من جيب ابوها احنا الى بنستورد و بياخدوا مننا تمن العربية تانى جمرك

أولا الحكومة (ولي الأمر ) هو اللي بيستورد أو بيسمح بالاستيراد عن طريق التجار
أنا مجبتش سيرة ان الحكومة هي اللي بتدفع من جيبها .... لأن الحكومة مش شخص بعينه و لكنه شخصية أعتبارية بتمثل الشعب و هي من الشعب .
الجمرك ده جزء من الضرائب اللي بتلمها دول العالم أجمع و مش حاجة حكر على مصر و شوف أسعار العربيات في أوروبا و أٍسعارها في مصر .
و ياريت نطلع دول الخليج من المقارنات علشان ظروفهم و أقتصادهم مختلف عننا تماما .

و مقصدي من الكلام
أن تطوير صناعة القطارات هو اضافة لمصر لأن القطار هو أفضل وسيلة على الأطلاق لنقل الركاب مع الطائرات و لكن القطارات أكثرها كفاءة و تقليل لنفقات التشغيل نظرا لخدمته لعدد كبير من الناس .
و أنا كنت أقصد توفير العملة الصعبة للبحث و التطوير للقطارات بدلا من أستيراد السيارات .


و ميني باص و باص في المدن صغيرة الحجم .


و نتخلص من سواقين الميكرباظات ............. و كمان نوفر بنزين و جاز بكميات مهولة .

شفلهم شغل قبل ما تقعدهم فى البيت

هو حضرتك شايفني قلت أنهم يقعدوا في البيت ؟؟؟؟؟؟؟؟؟
و لكن أسوء نظام موجود في المواصلات المصرية هو نظام الميكروباظات و سواقينهم اللي أغلبهم بلطجية .

أنا رأيي كمان
أن لو الناس عايزة الحكومة تفتح أستيراد السيارات .
يبقة ميكونش فيه و لا مليم دعم على البنزين و ندفع ثمنه كامل .
يبقى لتر البنزين ساعتها هايوصل تقريبا ل 6 جنيه ,

ومالة مفيش اى مشاكل ارفع الاجور حضرتك لتناسب هذا السعر

برضه حضرتك بتكلمني كأني بتكلم عن التنفذ غدا مثلا
أنا قلت
هاتقطع مورد دخل من ناحية ........ يبقى شيل دعم البنزين.
و كمان كل واحد بقى يشتغل و يتحمل نفسه .


بُوصوا للموضوع بنظرة شاملة علشان تقدروا تقيموه صح .
و ظروف كل دولة مختلفة عن الدول الآخرى .

السعودية شوارعها تقريبا فاضية ............. و عدد سكان قليل ........ و البنزين هناك زي المياه هنا .

---

أنا مرة تانية كلامي عام و رأي عام و التنفيذ لأي شئ محتاج دراسة طبعا .

للأسف الحل مش بسيط أو مش حاجة واحدة تتعمل و خلاص على كده.

1- الجمارك تتشال أو على الأقل قوانينها تتعدل............ليه لازم أكون أول مالك لو عاوز أدخل عربية مصر ؟
2- العربيات قبل 1980 تتكهن
3- توفير وسائل مواصلات ادمية و تستوعب الأعداد الكبيرة
4- رفع الدعم عن البنزين جزئياً و رفعه تماماً عن الجهات الصناعية
5- نقل المصالح الحكومية و السفارات خارج نطاق القاهرة.
6- عدم الموافقة على إنشاء إى مبنى إلا بوجود جراج خاص بيه يستوعب عدد السكان فى حالة كان مبنى سكني أو عدد العاملين فى حالة المبنى الإداري.
7- عمل بوابات عبور toll gates على الشوارع الحيوية و بسعر رمزي...جنيه مثلاً.

انا في مكة ركبت كرايسلر 300 مع واحد عشان يوصلني الحرم (هناك العربيات الملاكي بتقفلك و بتحسبها عادي) و كان مصري و قالي ان جاب العربية دي مستعملة من امريكا و واقفه علي ب 50 الف ريال بكل المصاريف ! كرايسلر 300 ال 5000 سي سي !!

لان في شئ اسمه جمارك مصر بتفرضه انما السعودية لا
وانا مع الجمارك قلبا وقالباً مع اني كنت ضدها
وده لاسباب كتيرة جدا منها ان مينفعش الكل يبقى معاه عربية
انا حاسس كمان كم سنه الشوارع هتتقفل اصلا وهتقف تماما من كتر الزحمة
ولما نروح اي معرض تلاقي التقسيط شغال الله ينور
وبسبب منين هنسد بنزين ودعم للطاقة
والسبب الاهم طبعا هو دعم الاقتصاد باذن الله لما الحال البلد ينصلح تروح الفلوس دي
لدعم الاقتصاد عشان نعمل مشاريع صناعة سيارات او ندعم على الاقل الصناعة الوطنية

وانا مش بقول كده لان معايا عربية لا انا قريب هبيعها عشان ارفت على الاخر من فكرة اقتناء عربية
وزي انا ما ضد فكرة الغاء الجمارك انا قلبا وقالبا مع فكرة انتشار وسائل النقل العامة
تصوروا كده لو في وسيلة نقل عامة محترمة ممكن الواحد يعتمد عليها
هتبقى الشوارع فاااااااااضيه وهنخلص من بتوع الميكروباص والاوتوبيس
ياسلااااااام حلم :)