طيب قدامى كريستاه ب 48000 و لانوس 2004 ب 45000 تركب ايه؟
عرض للطباعة
مقارنة عربية بعربية خصوصا لما تكون الفيكترا 2000 يبقى الأوبل هتكسب
لإن الشاسيه بتاعها أمتن و أتقل و ثباتها أعلى و سحبها على السرعات العالية أفضل و في نفس الوقت صيانتها سهلة و قطع غيارها متوفرة و ممكن تلعب فيها و تظبطها بسهولة .... بس المشكلة في الحالة .... في رأيي الفيكترا الـ 2000 لو كانت بتاخد طول عمرها 92 و متحافظ عليها أوي هتبقى ممتازة ..
الكورولا استبعدها لإني مش هاخد منها أي ميزة زيادة عن العربيتين التايين غير إنها طرية و ناعمة ... لكن سحبها أقل منهم و مش واسعة من جوه كمان قد كده خصوصا الكنبة الخلفية ...
لو عايز تمسك العصاية من النص و خايف تلبس في فيكترا حالتها وحشه تبهدلك معاها .. هات الكريستالة و انت مغمض ... الكريستالة دي حتى لو مفككه من بعضها بشوية فلوس فكه هترجعها زيرو و تعرف ترميلها كمان موتور شديد في أي وقت مع جنط كويس بقت عربية تانية ... قطع غيارها في كل مكان و رخيصة ... سهل أو تخليها عربية تانية و تغير عفشها بالكامل و تعمل منها حاجة من الآخر خصوصا لو هتقعد معاك فترة طويلة و كل الكلام ده مش هيكلفك كتير..
لو فكرت في الانوس 2004 فهو تفكير عملي برضه و أنا موافقك عليه لو انت هتبيع العربية كمان فترة قريبة و ماعندكش وقت تجيب حاجة تقعد تهتم بيها و تظبطها ...
مفيش مقارنه طبعا الاوبل تكسب من غير اي تفكير ،علي فكره انا كنت محتار زيك من سنه تقريبا واخترت الاوبل ومش ندمان علي اختياري لان قطع غيارها ارخص من الياباني والاوبشن والكماليات والثبات في الاوبل مش موجود في الياباني وبالتأكيد مش في الكوري من الاساس ،المهم حالة العربيه تكون كويسه جدا،وربنا يوفقك.
كريستالة طبعا بلا تردد...
اللانوس عربية ضيقة وعفشتها غير مريحة وكراسيها حطب....
الكريستالة اختراااااااااااااااااع جيلها....
الالماني المستعمل خطيــــــــــــــــــــــ ـــــــــــر جدا
لانه لازم يكون نظيف قوي ...
مش تصرف ع الالماني... ويتخرب بيتك....!!!