جواب رفع الحظر على العربية

**omarmakeen** · 04-09-2012 10:49 AM

السلام عليكم ورحمة الله وبركاته

أنا خلصت اقساط العربية الحمد لله ورحت البنك الوطني للتنميه اللي بقسط معاه علشان اطلع جواب رفع الحظر على العربية المهم روحت البنك قالولي انهم بعتوا الجواب على المرور مدينة نصر اللي أنا تابع له
السؤال أنا بقى مش عارف أعمل إيه يعني أروح ارخص عادي واقولهم البنك بعتلكم جواب رفع الحظر ولا المفروض أعمل إيه علشان أنا مش عارف برجاء المساعده

**alaasaid** · 04-09-2012 11:21 AM

السلام عليكم ,

على الاقل خد صورة من الجواب اللى اتبعت للمرور و انت رايح عشان تكون مأمن نفسك .

**akmm** · 04-09-2012 11:39 AM

فعلا ميضرش لو كان معاك صوره من الخطاب .

**swimmer25** · 04-09-2012 12:16 PM

المفروض البنك بيبعت طلب رفع حظر للبنك المركزي
يرد البنك المركزي بجواب رفع الحظر للبنك بتاعك
يوقم البنك بتاعك يبعت الجواب للمرور اللي انت تابع ليه وياخد ختم صادر عليه (ممنوع الإستلام باليد)
انت بقي بتاخد الصورة اللي اتختم عيها الصادر وتروح بيها المرور بس بعد اسبوع او10 ايام مثلا...هناك فيه شباك للخطابات تروح تديله الصورة وتساله الجواب وصل ولا لا وتكمل اجراءاتك
طبعا مش هتعرف ترخص غير لما الجواب يوصل بس ممكن تعمل فحص وبيانات لوحة معدنية ومخالفات وتقف بس علي الرخصة
بالتوفيق

**Ayman-Ahmed** · 04-09-2012 02:48 PM

الف مبروك والحمد لله.

اسال فى البنك الاول عن رقم الصادر واللى المفروض هيكوتوا قالولك عليه وانت بتستلم الشيكات.وان لم يكن.

هتروح مرور الدراسة لو مستعجل وتقولهم عاوز رقم الصادر واتبعت الجواب ولا لسة ولو لسة متبعتش تقدر تاخده من الدراسة ولا تستنى لما يوصل مرورك.وعلى العموم طالما الرخصة سارية فمتستعجلش.