السلام عليكم يا رجاله
انا هونداوى بس المدام معاها اوبل ... ومحتاج استفسر منكوا على شوية حاجات
العربيه اوبل كورسا 2005 مانيوال
المطلوب تغيير الرادياتير والعفشه بالكامل
ياترى ايه الاسعار والاماكن
اشترى جديد ولا استيراد
افيدونى افادكم الله
عرض للطباعة
السلام عليكم يا رجاله
انا هونداوى بس المدام معاها اوبل ... ومحتاج استفسر منكوا على شوية حاجات
العربيه اوبل كورسا 2005 مانيوال
المطلوب تغيير الرادياتير والعفشه بالكامل
ياترى ايه الاسعار والاماكن
اشترى جديد ولا استيراد
افيدونى افادكم الله
متابع ...
العفشه المساعدين 4 الواحد اخره 150 ج دة الي اودام والي وراء تجيبه ب 100 دة اخرهم بجد عشان محدش يغلي ليك ويقولك الماني الاصلي وممشاش علي الارض ديه حاجات استيراد اصلا ا اة حلوة بس بردو مش جديدة
المهم صوابع الميزان هتجبها جديد اعتقد ب 150 ج او 180 مش فاكر بالظبط والبطحات حاول تجبها استيراد والواحد هتبئا ب 60 ج مثلا والبيض تجيبه استيراد بردو وتظبط سعر كله معا الي هتشتري منه
الرداياتور هتلاقيه ب 300 ج تفاصل فيه
وربنا يعينك علي بتوع الاوبل ا الواحد قعد 3 سنين يطخيط معاهم لغايه اما خد مناعه ضد الاسعار الخياليه الي بيقولها الي بتسسك انك راكب بورش مثلا
الريداتير اشتريه جديد طبعاً شوفو عند سرور والعفشه جديد عدا المساعدين اطلع الحرفيين عند هانى ابعايدى لو معندوش حاجه كويسه هيقولك مش هيديك اي حاجه وخلاص وربنا معاك
الف شكر على الردود يا رجاله ... طب هى كلها جديده تعملها كام ؟؟؟؟ واشترى منين الجديد واشترى منين الاستيراد ؟؟؟ ومين احسن ميكانيكى او عفشجى يشتغل فيها ؟؟؟؟
انت ممكن تجيب اي حاجة في العفشة جديدة ما عدا البطاحات
كل البطاحات في السوق وحشة وبتهبط منك خلال يومين بالظبط
العفشة مش صعبة قوى و ممكن تتلم بسهوله بس نلاقى قطعه غيار سليمه ان شاء الله
عشان اللى فى السوق
من سئ الى اسوء
و عشان كده بقى الأستيراد احسن
الريادتير
هتلاقى هندى و صينى عند سرور و الأتنين حلوين قوى
بس استفسار
هتغير الريادتير ليه
الرادياتير الأصلي ب 800 جنية جديد .. و ب 400 جنيه استيراد .. قبل الفصال.
انا الحاجة الوحيده اللى اقتنعت بيها
اى حاجة مشيت فيها مية و اتركنت
متنفعشى استيراد
والله يا رجاله الرادياتير هايتغير عشان الراجل بتاع الرادياتير قاللى مش نافع يتصلح عايز يتغير وماعرفتش منه ليه بالظبط بس تقريبا عشان اتخرم واتلحم كتير فانا قولت اغيره كله وارتاح من همه
انا عايز بس ترسونى على حاجه لانى ماشاء الله شايف كل واحد ليه راى مختلف
حد بس يفصصلى كده حاجه حاجه
العفشه ايه جديد وايه استيراد ؟؟؟؟
الجديد اللى هاجيبه اجيبه صينى ولا هندى ولا اصلى ؟؟؟
الرادياتير انا مقتنع اجيبه جديد مش استيراد ... بس اجيب جديد اصلى ولا انهى نووع ؟؟
هو انا مليش قوى فى الكورسا
ممكن كريم و الزملا يفيدوك اكتر منى بمراحل