هو ينفع أشحن الموبايل من الـ usb بتاع كاسيت العربية و لا لاء
عرض للطباعة
هو ينفع أشحن الموبايل من الـ usb بتاع كاسيت العربية و لا لاء
ينفع
يعني مافيش اضرار على بطارية المبايل من الموضوع ده
أصلي مش بفهم قوي في الكلام ده
بس الي اعرفه ان شاحن البيت بيبقى تيار متردد
لكن الي في العربية تيار مستمر
و لا طالما مش متوصل مباشرة عادي
أصلها هتبقى مهمة قوي بالنسبالي لاني مش بحب اصلاك كتير في العربية علشان اجيب شاحن لوحدة في الولاعه و كدة
ينفع
اة ينفع
شكراً ليكوا جداً جداً
ينفع طبعا وموضوع التيار المتردد او المستمر دي وظيفة المحول اللي بتشتريه
لكن المشكلة في المحول نفسه بيبقى صيني والصين عليها حركات مش تمام
فلو هتعرف تجيب حاجه محترمة من عند راديو شاك مثلا يبقى اشحن وانت مطمن
لكن لو مضطر صيني يبقى خليه للطوارئ فقط
فى اغلب الحالات ينفع ... كده كده التليفون بياخد تيار مستمر .. .شاحن البيت بيحول من متردد لمستمر ... كمان ال usb ستاندرد بيطلع كهربا واحده فلو معاك شاحن نوكيا او سامسونج او صينى كله بيطلع زى بعضه بس طبعا فرق الصناعه ... نرجع للكاسيت ممكن يشحن لو سوفتوير التليفون جديد ... يعنى انا عندى اندرويد 2.1 مبيشحنش ...
أنا مرة جربتها عندى مع البلاك بيرى
بمجرد توصيل الموبايل بكابل اليو اس بى بالكاسيت
لاقيت الكاسيت اتبرجل وفضل يشتغل ويطفى ويقلب
جرب وقولنا ايه اللى حصل
طب ما هو على كده يبقى شاحن العربية هو كمان المفروض ميشتغلش على الموبايل
بس ان شاء الله تمما و جرب و شوف كده ان شاء الله بس احسنلك هات شاحن كويس بتاع الولاعت العادى
هحرب أنهاردة
على سوني اريكسون نيو في ics
و حقولكم النتيجة
جربت و منفعش
:crying2::crying2::crying2:
ماظنش انه ينفع لأن اليو اس بي بتاع الكاسيت والتليفزيون وأشباهه مخصص اصلا لادخال البيانات اللى هي ملفات الصوت والصور والفيديو (data in) ومش مجهز لاخراج بيانات (data out) زي الكمبيوتر وده في تركيبة السوفت وير بتاعته وعشان كده فى الغالب مش بتشحن هي بس بتحاول تقرا الداتا من التليفون فبياخد باور فى الاول كأنه هيشحن وبعد كده يقف
دي وجهة نظري وتجربتي مع اليو اس بي بتاع التليفزيون عندي
زى ما توقعت .... وقولت فى مشاركتى
أنا محتاج شاحن نظيف يشتغل على الولاعه يشحن الجلاكسى مينى 2 أو البلاك بيرى
ليهم نفس الشاحن
بس مش عارف الحاجات اللى بيجيبها تشتغل على الولاعه مش بتعمر معايا ليه
ياإما تعلق كل شوية وتفصل وتشتغل
أو تنتهى خالص
عادي ينفع ياباشا
ينفع عادي جدا.... اليو اس بي اسمه Universal Serial Bus يعني حاجة موحدة عالميا... هو عموما الطرفين اللي ناحية بره في اي فيشة يو اس بي بيطلعوا 5 فولت تيار مستمر... اذا تليفونك بيقبل شحن يو اس بي يبقى هيشحن عادي جدا
التفاوت الوحيد هتلاقيه في زمن الشحن... لأن فيه اجهزة بتطلع 5 فولت برضه بس امبيره قليل جدا وبالتالي فترة الشحن هتبقى طويلة... حسب جودة الترانزيستورات اللي شايلة اليو اس بي
انا معايا جالاكسي مش باشحنه الا يو اس بي او في كاسيت العربية (سوني)
انا وصلت الجالكسى s2 على كاسيت العربيه الوولف وشحن عادى جدا
انما مع النوكيا ال 5310 الاكسبريس ميوزيك قراه كابل لنقل البيانات ومشحنش
الكلام ده النهارده
أنا ذكرت تجربتى فى توصيل البلاك بيرى باليو اس بى بتاع الكاسيت فى مشاركة سابقة فى هذا الموضوع
بعد مشاركة اخونا exact
النهاردة نزلت مشوار كبير ووصلت الجلاكسى مينى 2 بنفس الكاسيت وشحن بكفاءة عالية
طول الطريق رايح جاى مشغل جى بى اس وان درايف والبطارية زى ما هيه
واضح ان الجلاكسى بكل انواعه سره باتع
البلاكبيرى و السامسونج و معظم ال smart phones بتشحن عادى من كابل ال USB . لو حضرتك عايز تجرب مش لازم تقعد فى العربيه تجرب. ببساطه وصل كابل ال USB بالكمبيوتر و الموبايل و شوف بطاريه الموبايل هتتشحن و لا لَا و الموضوع فى الاول و الاخر يتوقف على الموبايل و ال software بتاعه و ملوش علاقه بفتحه ال USB نفسها. يعنى مثلا انا باشحن الموبايل عادى من فتحه ال USB لكن لو وصلت الكاميرا مثلا بال USB بتاع الكاسيت لا يتم شحنها