عربيتي في الانعاش من امبارح انشاء الله تطلع احسن ما كنت متخيل
من فترة الزوايا معايا بتخلف بأستمرار فحد نصحني اني أغير جلب المقصات
نزلت جبتهم من سرور الاصلي الواحدة بـ 55 ( و انا خايف يزيقوا زي الي كانوا فيها )
المهم روحت للباشمهندس محمد فضالي امبارح علشان يركبهوملي و انا كان معايا اسطوانة و ديسك و بلية و فلتر هواء و فلتر بنزين كنت شاريهم من فترة بس مكنتش فاض اركبهم
الورشة عنده كانت زحمة و عرض عليا اني ابيت العربية عنده
و اتفقنا على الاتي
تغييير بوجيهات
زيت باكم
تنظيف البوابة
تغير الجلب
تغير طقم الدبرياج
تغيير الفلاتر
بس الي ضايقني انه لما شاف الجلب قالي انها مش اصلي و سرور بايعهملي على انهم أصلي ( حسبي الله و نعم الوكيل )
انا كنت اتمنى اني اعمل تقرير مصور بس ظروف الشغل بقى منعتني اني اروح من اول النهار
على العموم لو لحقت اصور حاجة لما اروح انهاردة هصورهم
اسعار الحاجات الي انا جبتها
اسطوانة و ديسك و بلية ( فاليو ) بس دول من شهر 3 الي فات تقريباً 350 من المنير
فلتر هواء و بنزين و زيت ( بس الزيت انا استخدمته ) تقريباً 70 جنيه حاجة زي كدة
جلب المقصات من سرور الواحدة بـ 55 جنيه هي في التوكيل الي عند سور نادي الزمالك بـ 80 الواحدة بس مش موجودة